Day 4 環島遊(關島)

(Day 4) 2014-01-07 晴

住宿：Sheraton Hotel

行程：關島南部

尋日check in時唔記得講取消morning call,所以一早比兩個morning call嘈醒⋯

0900

早餐酒店係唔包既，所以食一早買左既麵包做早餐，食早餐時計劃今日行程，決定環島遊~

於是落大堂既Wifi zone上網，由港女去reception搵職員幫手打電話book 定聽日衝上雲霄$190-USD

入兩老間房會合，見佢真係享受房間既用品，Free既咖啡茶包樣樣都試吓! 而尋晚買既半打啤酒清晒! 已分類晒係垃圾桶內~ 露台個煙灰缸全是煙頭⋯ 旅行＋煙酒，睇黎佢地真係好enjoy!

兩老今早食韓國牌子既杯麵，話好正喎! 阿媽話一早0600起床，話第一個morning call晨咁早係0600打黎⋯ 仲話佢地一早就行晒間酒店喇! 仲好失望話酒店最出名個海天一式既泳池好淺水，因為佢好期望認真游吓水喎~ 

落到地下既露天平台拍照期間，突然有聲廣東話問老豆借火喎! 原來係來自香港既美國警察! 佢話66年暴動時逃離香港去美國至今，同我老豆差不多年紀； 見佢同一名當地女警著住軍裝係酒店既露天休茶座煲煙休息(蛇王)，真寫意! 係香港？ 實上頭條啦! 哈哈~ 香港D反政府人士成日話歐美警察有幾好，又成日同歐美警察比較，咁係咪真係要學佢呢？ 

出發先要搵午餐食，途經又落車影吓相，最後係公路旁既一間Flamingo餐廳午飯，4人共$40-USD,只有碟牛肉炒意好食，其餘既全是返炸，已分不清是豬是雞了⋯

Fish Eye 位於Piti ,建築於Bomb hole內既一個海底瞭望台，兩老唔潛水都帶佢地睇吓個海底世界呀! 每人$10-USD

去完Fish eye離開市區繼續南下，但錯過左個燈位無轉彎，誤闖美國海軍禁區⋯挭係聽足指示啦! 我驚無命架! 即時令我諗起幾個月前既新聞，有個女人同小孩，係美國駕車闖入白宮範圍被亂槍掃射既情景⋯ 此刻，我都收起嘻皮笑臉，靜靜等待check完車放行⋯ 臨走個水兵表示，有好多遊客都誤闖入禁區架!

返轉頭去參觀太平洋戰爭紀念館，呢個紀念館正正係軍事禁區不遠處，鍾意歷史既我又加深左認識，不過只有半小時參觀，因為1700關館!

手信$30-USD 軍人斜咩袋

@1630

時間唔夠，只玩南部，都係夾硬玩，所以天黑錯過了熊岩石、炮台、瀑布⋯ 仲要一小車不停揸返中部⋯

西班牙古橋

係古橋士多買既

南部小村

晚餐去Hagana，夜市又無開，但有幾間餐廳營業，於是揀左間門口寫住Local seafood 既餐廳食晚飯； 餐廳韓國老夫婦開既，來到島國都未食過海鮮，兩老都提過幾次啦~ 海鮮湯、青衣魚、魷魚⋯ 勁鮮勁美味! 兩老超滿意~

$50-USD 

食飽後，揸車途中見個公園燈飾未關，於是散步睇聖誕燈飾，嚴熱天氣下睇燈飾當然怪怪地啦! 睇燈飾期間竟然遇見市長，主動走埋黎傾談，最後仲比佢D助手影左張大合照tim! 唔知會唔會上報呢⋯ 

後來返酒店上網，原佢佢係Hagana既市長黎架!

返酒店用Wifi 上網book定後日既潛水

沖涼前，見個浴缸咁大，洗左件婚紗先，今次唔使用完即棄啦~ 上次西伯利亞掉左果件特價$180，今次呢件都特價，但貴少少$3xx，呢件比上次果件設計較簡單，我覺得更適合海灘呀~

洗婚紗時，發現有好多”痴頭芒”，攪左成粒鐘! 而港女又唔知係邊野到D香口膠返黎，一樣攪左好耐!