Day 2 一事無成(羅塔島)

(Day 2) 2014-01-05

住宿：Sunrise Hotel

行程：羅塔島

瞓左11小時，0930瞓醒，梳刷後去左另一間餐廳As Paris食早餐，嘩！真係好大碟呀！ 我今早食左兩個包+一隻蕉，所以無叫，而佢地每人叫一個，有牛肉飯，海鮮奄列，熱香餅，肉桂味西多士，仲有幾邊橙，我食剩餘物資都好鬼飽啦！
 

食完早餐去海邊行一陣，有好多船既殘骸，不知是否特登來養珊瑚呢？

阿媽鐘意係度煙＋啤酒

西多港女好鍾意食架! 不過比我不知不覺食晒~

鬥雞文化，相信係當地多菲律賓移民有關

兩老執貝殼比姪女，即佢地既乖孫希希~

上圖：係當地查莫洛人既文化，古代用來作建築物既地基架!
下圖：村內教堂

返住宿執好晒行李，都攪左個幾鐘，出發！ 先去附近既景點，去返尋日既遊艇碼頭，D水好清呀！ 仲見到有斤半重既青衣魚tim!  

之後去湯加洞穴，裡面全是鐘乳石; 再上山去，全Songsong Village 最佳既瞭望台，這裡睇晒全Songsong Village既全景，仲遠眺埋Wedding Cake Mountain tim! 

湯加洞穴

洞內全是鐘乳石，左下圖有兩隻野鳥棲息

Songsong 全景, 最遠有舊結婚蛋糕~

及後再沿路影，近Songsong Village既路旁，盡是荒廢既海邊餐廳，空置既酒店，看見有咁多荒廢食肆及酒店，可以想像以前羅塔島應該是曾經短暫光輝過的...

途中去Rota resort 買紀念品，再上另一座山去二戰時日本留下既炮台，就係路經咁多景點，攪到去到Jackie既Sunrise Hotel 已是1730了，當港女裝身完畢去影婚紗相已經日落西山了... 

同TVB藝員Joe Junior同名既紀念公園海邊好靚呀

Rota Resort一景

唔死心既情況下一於出車，先去Jackie介紹話好近既沙灘，不過該沙灘遠離馬路，進入小路由於太多雜早阻路，行了一段都係倒車回頭吧... 再揸去今日路過既石灘，到埗時天空只有晚霞，光線不足我唔夠功力都係算吧...

返Hotel接返二老後即時出發回Songsong Village，今早食過早餐既餐廳食晚餐，因為被今早既餐牌吸引，有鹿肉食！ 老豆話一定要食架！！！

晚餐點左鹿肉湯，炒鹿肉及鹿扒，不過鹿扒都係砌碎，賣相及味道同炒鹿肉差不多! 反而鹿湯好濃，帶點椰子味，好有熱帶島國風味~ 結賬後，職員特別送上兩個橙，話係Happy new year gift喎~ 咁熱既happy new year真係唔係好慣~ :P

全部黑忟忟

食完晚餐一家人諗住興高采烈去釣魚及燒魚食，去到碼頭才發覺，我早前去兩老房間會合兩老時，因為我要去廁所而放下釣具，竟然留係二老間房... 釣唔成魚老豆都好失望⋯

唉! 婚紗影唔到，魚又釣唔成，總之就係一事無成...