續(Day 3) 2014-1-6
住宿：Sheraton Hotel
行程：羅塔島 —> 關島
返到關島機場，係一排既租車櫃台求其搵左間National，用$65-USD per day連保險共租6日； 攞車後即時去最近既K-mark超市食醫肚先! 因為今日只係食過杯麵同幾塊餅乾落肚咋! 餓C兩老了，hehe...
@1600
食飽後行超市，二老當然最緊要佢地既啤酒啦! 又買兩打! 二老最緊要係煙同酒，點解唔煙唔酒既我一D都唔似佢既？
 |
| 好多芝士波~ |
數貨完就揸車去搵book好既Sheraton，沿途所見關島似一個城市多個一個島國囉!
去到Sheraton check in 上房⋯⋯ 嘩!!! 真定假呀! 係套房!!! 廁所電視露台通通兩個! 但上網book酒店時顯示只係33平方米喎⋯ 點解咁呢？ 唔理啦! 我咁大個仔住酒店都係第一次住套房咋! 平均每晚都只係$1200-HKD咋! 出發前港女有個friend，竟然話佢去關島呢個蜜月聖地都”Not Normal喎! (港女話佢只係來來去去都係過熱門既地方) ，睇黎咁既價錢住到5星級酒店既套房又真係好 Not Normal喎~
兩老係另一間套房都嘩嘩聲呀!
 |
| 晚上自助餐有玩火show表演 |
係房間享受一陣，我就打吓遊記； 2000再出動去食晚餐，由於個個都唔太肚餓，所以決定去一個當地夜市逛，但揸左好耐車先到，原來今日無開⋯⋯
於是決定食拉麵，去書中介紹，全關島最旺既杜夢區，”藤一番拉麵”，食完逛左陣相信最旺既杜夢區一少部分，只見全是日本人，西人好似無乜點發現，呢度真的是美國管轄的嗎？ 美國地方竟然全街都係日本人，真係超級Not Normal呀!!!
 |
| 油價平過香港 |
 |
| 醉爆! |
哈哈, 原來賺咗間靚房. :P
回覆刪除關島, 夏威夷 一直都系日本人外遊嘅首選 . . . 可能都系二次大戰後嘅崇拜結果 . . .
賺晒~ 不過唔好睇表面!
刪除日本人外遊嘅首選？ 原來如此~
嘿, 補充一吓 ~ 10年前的資料 . . .
刪除「關島」有小夏威夷之稱，是日本人最愛的結婚天堂。
浪漫婚禮 日人最愛~ 在關島的杜夢灣沿岸，處處可見小巧可愛的白色教堂，不少飯店都擁有自己的教堂，而且是供不應求。2002年光在關島結婚的日本人就有1萬對！（每間教堂平均一天辦8場，日本人排隊等結婚，韓國人在等候補。）
為何日本人流行在關島結婚？ 原來日本人的習俗，結婚必須準備禮物給所有親戚朋友。 為躲結婚債，年輕一代的日本人，轉投向鄰近的關島辦婚禮，據當地人透露，透過教堂的婚禮經紀公司辦婚禮，連同場地、牧師、飯店6～12人的宴席、蜜月套房等套裝，5000元美金就可以搞定，換來一輩子的浪漫回憶。
關島旅遊界不時有針對日本旅客的減價促銷，對日本人來說，價錢跟國內遊相若，在那裏購買LV等名牌貨也比國內便宜，所以遊關島很化算。而且，關島同樣有藍天白雲沙灘，加上日本飛去只需四小時，所以是很多沒錢去夏威夷度假的日本年輕情侶的熱遊點。
但親切感可能才是主因。歷史上，日本曾於1941至1944年佔據關島殖民，日本人對關島毫不陌生，遊當地多少有點優越感。更重要是當地官方語言雖是英語和查莫羅語，但街上所有商店都有日文海報、餐廳有日文菜單，巴士站牌甚至只有日文沒英文，令關島像日本屬島多於美國屬島，這對外語能力有限的日本人來說，完全不用擔心雞同鴨講。
日本遊客多，關島人一見到黑頭髮、黃皮膚的人都會講日語，一些食肆見有日本遊客就會拿出價錢較貴的日文菜單，因為在關島人眼中，日本人是大客。
果然好詳盡既資料噃~ 多謝小肥~
刪除Kmart 確係無處不在！見到那套房，我都禁不住「嘩」一聲。不煙不酒的男人，一定要加分。原來關島是日本人外遊首選？難怪當年那位情深款款的日本男，說他的「夢想」是與我一起到關島......
回覆刪除仲有係邊見到Kmart？ 美加？ 你唔好係咁讚我，我怕羞架~ hehe~
刪除係咪首選我唔知，但上面小肥呢個日本通講既，我信~
我相信你一定諗都無諗個日本男啦，佢個夢想竟然係去關島⋯
你港女真體貼，肯跟你同兩老去旅行。
回覆刪除我可能生得冇咁樣衰，好多時定房，酒店接待員都同我免費 upgrade. 有年去吳哥窟，酒店仲比咗間好似總統套房咁大嘅房俾我，認真過癮。
你講得啱，相見好同住難嘛，而且阿媽都唔易相處⋯
刪除咦! 你咁講我要去整整容先，我都想成有免費 upgrade呀~ 哈哈~
吳哥窟邊間酒店呀？我黎緊應該去呀，睇吓先~
解酒藥?
回覆刪除咦! 其實當時港女求其影咋! 依家睇真D，好似係噃!
刪除間套房$1200真係好抵wor! 係咪upgrade左? BTW, D芝士波好誇張!!!!
回覆刪除應該唔係upgrade，酒店陸續裝修緊，可能原本既房變晒呢D套房，因為上網睇D review個個都鬧佢房間殘舊既； 雖然間房係抵，但總括而言關島及唔上羅塔島咁正! 有興趣反早一兩日遊記睇睇啦~
刪除哈！你話唔正常係咁解！
回覆刪除咦! 睇得明噃~
刪除