續(Day 2) 2013-06-11 晴
住宿 : 貝加爾湖夢幻酒店
行程 :Irkutsk —> Listvyanka
今日要離開伊爾庫茲克,由於太晏,經Hostal職員話4點幾開出尾班車,所以急急腳咁行,行約十分鐘去到小巴站,每人$100-RUB搭去貝加爾湖畔既小鎮Listvyanka
今次既旅程,準備多一樣野,就係買左套百零蚊既婚紗影婚紗相! 其實呢個idea上次去冰島已經有諗架啦! 我年紀都唔細,港女又幾適合,預計仲有一兩年先結,反正都會繼續旅行,咪有呢個idea囉! 不過話說回頭,感情既野話唔埋既⋯
件婚紗係工廠區買,加幾十蚊仲可以即時改埋,比起淘寶好得多~ 雖然cheap,但款式都幾靚,最緊要係唔使錫住佢,用完即棄!
安頓好一切,即時裝身準備影婚紗相,襯個太陽未落山快d影,攪了一個小時後終於出動!
全部都係酒店範圍,以貝加爾湖作背景~ 人像攝影,我從未認真鑽研過,亦毫無興趣,所以真的好難攪...
來貝加爾湖影婚紗相,連自己都覺得好型呀! 哈哈~
這間酒店老闆原來係中國人,佢話入籍左俄羅斯先買到塊地,見佢對一個經常係酒店出現當地女人既小朋友十分親熱,應該係娶左個當地人呱; 老闆話選擇這裡,就係因為個貝加爾湖,每個中國人,都有自己既夢,而佢既夢就係對住個貝加爾湖! 十年前佢買返黎既地只係一塊爛地佢話,依家我覺得係這一帶最靚最新落成既酒店!
即時令我諗起鍾景輝既旁白: 中國人咁多年係海外營營役役,就係尋找一個夢...
而佢既故事,亦都要我地多諗諗,唔係全部中國人都係外國做d不法勾當的(雖然好多都係)
晚餐$800-RUB
晚上0001,諗住外出影銀河,係酒店地下既花園空地見到兩個俄妹,只住著浴袍,內裡真空,係寒冷既氣溫下歡天喜地奔跑,不停咁跌個木瓜出黎,我問佢地唔怕凍咩? 佢地話just fun~ 真係春光無限! 哈哈~
這一帶酒店林立,就算上到半山都太多光害了... 港女自早上整爛左副”超”後,就曬左成日,現在眼部就極度不適,一見到光就流眼水,包括小小既燈光,流到眼都紅晒,希望無事啦...
仲有一兩年先結>>>恭喜!! 恭喜!!
回覆刪除記住話說回頭,感情既野話唔埋⋯
刪除見到港女既背影....真係好想睇埋佢前影....HEHE
回覆刪除既然周圍去旅行,影返幾張環遊世界婚紗照確實係GOOD IDEA!
來貝加爾湖影婚紗相 ---- 係型GE!!
你連我個貓樣係個blog都好少見,想見佢? 哈哈~
刪除係呀! 上次冰島無影真係嘥左⋯
作者已經移除這則留言。
刪除我反而想睇港女多D^^哈哈
刪除等你地"confirm"左,再分享少少作品睇下啦^^
哈哈~ 到時再睇吓用乜方法分享啦~
刪除婚紗用完即棄!唔好啦!摺埋都唔哂位啫,周圍帶去影相啦!
回覆刪除用完即棄即係呢個行程啫,有帶埋去蒙古架~
刪除來貝加爾湖影婚紗相 ---- 係型GE & GOOD IDEA!!
回覆刪除恭喜!! 恭喜!! ......加油
我唔止淨係plan 去貝加爾湖架,hehe~
刪除一日未結都唔好弓喜得咁早⋯
充心祝福銀哥和未婚妻有情人終成眷屬^^
回覆刪除咁黎緊一兩年繼續帶著件婚紗出遊,完成環遊世界影婚紗相喱個壯舉
你有冇又買件燕尾禮服同行襯返先^^
都係結左先祝福吧⋯ 好多野話唔埋的⋯
刪除環遊世界又未至於,希望去晒五大洲啦,不過有點難度⋯
我既衫?白恤衫黑褲白波鞋既smart casual咋! 已經咩背囊去,帶咁多死緊⋯⋯
間酒店好靚!
回覆刪除放張雙人婚紗相嚟睇吓...XDD
雙人婚紗相<-- 唔制~~~
刪除來到這個folder首頁,快速一 'lap' 所有標題,覺得這一篇最有可能見到新娘子,哈,果然中!(Btw,未結婚影婚紗相,是很勇的行為。)很喜歡那木製浴缸,太新奇了!好用嗎?
回覆刪除我在西伯利亞那時見到超多本地人拍婚紗照,好明顯夏天是結婚旺季。
而我在冰島的時候,也的確見到一對亞洲遊客在瀑布(記憶中應該是 Skógafoss)影婚紗相,其時為冬季,新娘子真是愛靚唔愛命。
不過你估錯既"春光"並唔係形容新娘子,係咪?
刪除超多本地人影?我撞唔到呀! 可能只係停留大城市時間很短⋯ 婚紗相仲有一相係蒙古,睇你又中唔中先~
浴缸一般啦,我太高,幾辛苦,又一地水⋯ 水晶晶話見番你呀! 佢係我識最耐既卜友~
我也個浴缸真特别, 又碰到desafinado,好耐無上blog !
回覆刪除知你就好啦! 咁多個blog友你係識得最耐架啦⋯
刪除