薩拉熱窩 住:民宿 Euro$10
今次既行程突然改變,將會去"波斯尼亞"! 其實早在我到達Dubrovnik,在巴士總站睇資料時,見到有巴士去薩拉熱窩,當時我就被呢個地方吸引著,覺得太刺激啦! 咁就毫不考慮下決定去看看究竟! 不過,我手上無任何波斯尼亞既資料,全無準備下去呢個陌生國度,係咪好有冒險精神呢?
一早起身個月光仲咪走,真係好大呀!!! 唔通外國既月光真係特別圓 ?
較早前就係比呢架巴士吸引著啦!!!
波斯尼亞全名叫波斯尼亞黑塞哥維那; 係巴士沿途既山明水秀真係令我目不暇給,平時爛瞓既我竟然長時間係巴士度欣賞風景,名山大川都唔係中國既專利架~
順利入境
我就係o係呢個咁靚中途站"Jablanica"食午飯啦~
沿途既靚景 !
=================================
坐左6個幾鐘終於到薩拉熱窩啦~ 一落車有個好熱情既女人向我兜住宿,我便立即應承佢; 去到佢住半山既鐵皮屋放低完行李,然後去當地既旅遊局挪d 資料; 屋主仲帶我到市中心週圍參觀tim~
美麗既圖書館
呢條橋勁出名,讀歷史既我緊係知啦!爆發第一次世界大戰既原頭 !
呢間酒店炸成咁,返而吸引好多遊客變成景點,真荒謬!!! 據屋主稱,呢
間酒店係於1992年內戰其間被塞爾維亞炸毀的 !
据個扒先
市中心
薩拉熱窩大部份經已重建，市中心頗多乞丐；自己逛完街据完扒返到民宿後，竟然見到屋主為我整晚餐!唉．．．包埋我食又唔早講!
不過屋主太過熱情了，成日〔"high"身”high”勢〕又話自己得２９歲（仲老個我阿媽），仲問我要唔要按摩！都唔知佢有咩企圖．．．睇黎聽日都係早走為妙！！！ 不過她特別鍾意日本人，成屋有好多關於日本人留下既postcard等擺設。
熱情既屋主
我既住宿
薩拉爾窩?! 比我睇到個英文都唔知去邊呀.. 你都勁呀...無plan下去到... 另外...終於見識你口中講o個個屋主啦...呵呵
回覆刪除笑啦!即管笑啦! 我唸返都想笑呀~
回覆刪除薩拉熱窩呢個名都係因為細個聽Sammi首歌先至知咋...........你好勁呀! 一個人去! haha...........個女屋主側面都咁 "巢", 年紀起碼都應該係29乘3倍啦!
回覆刪除我無咩牽掛啫... 個女屋主古靈精怪 ,笑我啦!!! XP
回覆刪除even無牽掛, 一個人去旅行都要有膽量, 唔怕悶, 屋企人唔 '哦" 先至得! 我就係怕一個人悶, 兼屋企人會 '哦"........... 所以都唔會一個人去旅行!
回覆刪除一個人就會有一個人既玩法架~ 做 d平時唔會做既野呢 ! 依家屋企人都唔係點 "哦"我 lu~
回覆刪除好想去sarajevo.根據我的research,特區護照要簽證,BN(O)好似不需要,請問是否真的?
回覆刪除無錯呀!
回覆刪除黑山共和國我都想去，不過原來咁近Dubrovnik，真係唔知添，如果早D見到你個BLOG，我今次行程都會順道加埋入去啊.......
回覆刪除鬼叫你你又唔一早睇我個Blog．．．
回覆刪除唔係黑山呀～ 黑山係再過ｄ！
呢度係波斯尼亞黑塞哥維那呀～
係喎，唔係黑山喎，不過都係未去過，有機會一定要去下﹗
回覆刪除[版主回覆10/27/2007 18:16:00]係呀~ Mostar一定要去呀!!!