續Day 20 Tupiza=食Pizza???(玻利維亞Tupiza)

承接Day 20阿根廷篇

2011-02-25 (續Day 20)
住宿 ：唔記得名既Hostel ($ 100-BS=$ 100-HKD)
行程 :Humahuaca（阿根廷）--＞La Quiaca
   -->Villazon(玻利維亞） --＞Tupiza
高度：海拔2929M

玻利維亞呢面邊境小鎮叫Villazon,沿著大街一直行,兩旁有好多商店同找換店,換左當地錢,諗住行去lonely planet講既火車站,睇吓有無火車搭; 不過火車站好似荒廢左咁,亦都無遊客前往••• 於是行返轉頭,啱啱經過既巴士總站,剛好有一班路經Tupiza既巴士準備開出,即時毫不猶豫買飛上車~

玻利維亞既巴士質素,係暫時係南美見過既最差既! 巴士殘舊之餘,死氣喉既黑煙,係我前所未見既咁勁！行駛時簡直十足十一架蒸氣火車咁呀！



路面既差劣,亦都係一絕,凹凸不平之餘,亦都危機處處,能夠返到香港都算好彩•••好似開車無耐就要過山窿,個山窿開到一忽忽,個頂竟然卡住架巴士!!! 要另外個職員落車睇位左試右試,路旁已是沿崖,駕駛技術差D就會一獲熟喇••• 個山窿起碼攪左半個鐘呀...

三個鐘既車程,好快到達Tupiza,落車時竟然跌左部電話係坐位上都唔知,好彩當地人一D都唔貪心,執返部電話比我呀！ 玻利維亞亦係全南美,最落後，治安最差既國家之一,再一次證明呢D數據可作參考,並不是絕對的!



海拔2929M

落車後係巴士總站附近搵到間Hostel,雙人房$ 100-BS= $100-HKD,為左爭取時間去天空之鏡Uyuni,即時去報團先~係Tupiza呢度有好多旅行社出發去Uyuni,包括我住既酒店都一樣有! 佢地既廚窗都貼有客人寫既感謝信,真係想是但報一間呀！ 但諗諗吓,呢D感謝信都可以自己搵人寫架啫！ 我千里迢迢,千辛萬苦，千方百計先來到... 可能人生只有這一次,所以揀旅行社一定要揀間好既!


Lonely planet介紹既Tupiza Tour,話係Tupiza最好既旅行社架！入到去已經有幾個人辦緊報名手續啦~ 4日3夜行程每人要$ 1200-BS（$ 1200-HKD) 相信比其他旅行社貴幾百蚊••• 如果計返每日都只係$ 300蚊,仲要係包食包住包交通噃！ 個職員話聽日出發只淨兩個位咋! 聽日出發既就正正係報緊名既幾個客人,於是諗都唔諗即時報名啦！ 不過Credit card要收charge 幾貴••• 現金又唔夠•••個職員可以比我地落D訂,聽朝出發前可以去銀行提款呀！

報完團搵左間中國餐館食晚餐,點解食中餐？因為除左想食吓飯之外,行晒整個市中心,所有既餐館都係獨孤一味...Pizza! 唔通就好似呢度既地名讀音一樣,Tupiza 就等於食Pizza???中餐館老細見我地中國人出黎傾幾句,佢話首都拉巴斯中餐館競爭大,Tupiza就只此一家•••我選食大大碟牛排飯,支果汁太甜飲唔晒呀~

食餐飽後返去早D唞,應付高原氣候之餘,聽日要早起身出發啦~


依家仲係正月噃~

Day 20 順利過境 Yeah~ (阿根廷La Quinca)

2011-02-25 (Day 20)住宿 ：唔記得名既Hostel ($ 50-HKD)行程 :Humahuaca（阿根廷）--＞La Quiaca--> Villazon(玻利維亞） --＞ Tupiza

高度：海拔 2929M

今日要係阿根廷北部入境玻利維亞! 揀呢條路線，就係因為少香港人係呢個關口入境，亦都搵唔到有留難香港人既個案•••
闖關成唔成功呢？去唔去到天空之鏡呢？好緊張呀！

Day 19 養精蓄銳(阿根廷Humahuaca)

(Day 19)2011-02-24
住宿 ：Hospedaje Hostal (價錢唔記得）
行程 ：Resistencia(阿根廷)
—> Salta —> Humahuaca


0930到達阿根廷北部既Salta，尋晚既長途巴士又係勁好瞓呀！搭完長途車都唔覺攰，好精神~


我決定去一個再細D既北方小鎮Humahuaca留一晚，我覺得小鎮會較為吸引，而且要為進入玻利維亞既作好準備！
點解要作好準備？因為比較近邊境之餘，海拔也較高，以便適應高山反應！

Day 18 再見巴拉圭(巴拉圭阿松森)

(Day 18)2011-02-23

住宿 ：巴士上

行程 ：Asuncion(巴拉圭) —> Resistencia(阿根廷) —> Salta

 

今朝放棄酒店包既早餐,要瞓到自然醒呀!

坐長途巴士前
決定係巴拉圭食既最後一餐
又係食牛排
又係係酒店食•••

Day 17 慢遊首都(巴拉圭阿松森)

(Day 17) 2011-02-22

住宿 :Centro Hotel $ 110000 Par ($180-HKD)

行程 :Asuncion(巴拉圭首都)

今日絕對係來南美以來最悠閒既一天，先早起食完酒店包既早餐，然後再瞓過，一瞓就瞓到成1300先起身呀~

Day 4 襄陽之旅(完)

 

(Day 4) 2010- 11- 22
行程：武漢 --> 廣州 --＞香港


尋晚勁白痴， 由於電話唔記得熄行動網絡，

久唔久就會響一聲
提醒你正在漫遊連線中•••

我就以為閙鐘彈起床，擦完牙洗完面，

正準備換衫睇一睇隻錶，

方知才兩點多•••

唯有再瞓返吧•••

總之就係呢6個鐘內就擦左三次牙啦！！！

 

================================

跟住五點半就要起身，

因為詢問之下武昌站呢度去機場，

原來打的都差不多要一個小時呀•••


check out 後
有個好好人既保安幫我打的，
話一百蚊內可以到機場啦！
去到機場只需35分鐘，
的士錶就跳到$70，
+埋$15橋費總共$85


Check in完見有咁多時間，

去食個早餐先~

大部份餐廳係離境大堂再上一層，

先經第一間，

最平既早餐都要40幾蚊喎•••
好在行多 一兩 間，
比我搵到$18既套餐~

都好飽架！
搭飛機都浪費左幾多時間等候•••

唔怪知中國起高鐵前
報紙有d專欄探討歐洲既鐵路
話歐洲鐵路好完善
好多人選擇火車都唔搭飛機
因為搭飛機用左好多時間係一早到機場check in
又要等候上機，
落機後又要等攞回寄倉行李等時間• • •
而且機場普遍遠離市區
又要徒多d時間搭車去機場
火車又唔使一早煩定機位
去到火車站就即時買飛出發
飛機當然得啦！

但價錢就比一早買貴好多•••
(仲要單程隨時貴過來回)

當然
中國高鐵暫時不能同歐洲相比
因為歐洲既火車站大多係市中心
而大陸既高鐵站就真係比較偏遠D既•••
不過今次坐高鐵
我就完全感受到上述報紙所講既方便
（當然唔計點樣係香港左轉又轉先去到廣州南站啦）

 

===============================
0820東方航空去廣州
點解去廣州？
迷因為平左百幾蚊人仔囉！
返正都再要轉車去深圳洛
呢個行程最後節目
梗係深圳揼埋個骨先走啦~

Day 3 蒙古大軍...來吧!!! (襄陽)

(Day 3) 2010- 11- 21
住宿：如家酒店 $198-RMB
行程：襄陽--＞武漢


一早較好鬧鐘，晨早0800起床
因為下午要坐1535既火車返武漢
所以只係得半日時間係襄陽城•••


早餐係樓下既仿古街食蒸餃子
店內坐滿有家長陪同趕返學既小朋友
見人人都食蒸餃
十隻既餃子只係5蚊咋！
跟住見好多人都飲既湯我又飲返碗先

 

原來係黨參烏雞湯（$6-RMB)
早餐共$11-RMB

 

============================

食完早餐行出街
成個人都暖笠笠呀！
於是無懼寒冷天氣
就沿仿古街行到盡頭
買飛登上古城牆
$3-RMB
價錢好似好平
但係只開放其中一段
大約300米既城牆
不過都好足夠啦！
好開心可以上到古城
因為上次係西安錯過左•••






大清早古城上只係得我一人咋！
登上古城
即時見到有兩磚砲同幾個石將軍
相信它們都一直默默守護著古城

對岸就係有"紙紮"之稱既樊城啦~

細心欣賞古城，終於明白
為何襄陽城有＂鐵打＂既稱號喇！
城牆對出就係闊闊既漢江
當年蒙古軍就係對岸攻來啦！
其他三面有全國最闊既護城河
仲闊過城門河呀！

好闊既護城河呀!

終於有人參觀啦!


係城牆上痴呆左一陣
諗起電視劇神鵰俠侶
演繹郭靖郭大俠一角既梁家仁
係城牆上對蒙古軍不妥協
講下一句：「襄陽在，人在，襄陽亡，人亡」
與襄陽城共存亡既豪氣說話呀！
我都不禁係城牆上
幻想緊面對蒙古大軍
大呼梁家仁既同一句說話呀！
呢一幕起我腦海中仍然深刻
劉德華呢套經典神鵰俠侶始終都係最好睇既
返到屋企一定要再翻看先~



=================================


去完城牆係仿古街閒逛
諗住買d手信
可能又係三國既關係•••
同上次去漢中見到既一模一樣
咩鵝毛扇，出師表竹簡等等•••
上次我都無買，今次更加唔會買啦！
行行吓又肚餓Tim!
食左個燒餅•••
條街都幾多野食，又平喎~





見仲有時間
咪行埋去襄陽王府囉~
距離好近，步行十多分鐘
携程對襄陽王府有以下描述


「绿影壁位于襄阳城内东南角，系明代襄阳藩王府门前照壁，距今500年。影壁分三堵，全长26.2米，中堵高7.6米，左右两堵高6.7米，厚1.6米，用绿矾石为壁，白矾石镶边，上雕云龙99条，气韵生动，形态各异，是全国石刻艺术中绝无仅有的珍品，与北京北海、山西大同的琉璃九龙壁并称我国影壁三绝。
明王府是明仁宗的第五个儿子襄宪王的府第。是明代帝王皇亲豪夺纵欲的地方，占当时襄阳城的十之二三。后来李自成一把火烧了明王府，使昔日豪华的府第荡然无存，而艺术珍品绿影壁却安然无恙的幸存下来。
小贴士：绿影壁目前正在进行文物维护工作，暂不开放。」


綠影壁維修唔開放
但去到地盤門口竟然無中門大開喎•••
我就緊係老實不客氣去行吓啦~


賣綿被小販

==========================================

去完襄王府就去埋酒店附近
位於仿古街頭既昭明台
昭明台其實係一個襄陽博物館
免費！




行完就返酒店攞埋行李
步行過漢江上既人車火車幾用既天橋
路經埋對岸樊城既諸葛亮廣場
跟住就搭火車返武漢Lu...
去到火車站竟然唔夠時間食飯•••
唯有上到車先食•••




本班火車總站原來係去上海架！
一上車食完雞肶又食杯麵
嚇到d人眼望望
可能佢地心諗呢條友一定幾日無食飯呀！

 

===================================

經過4個幾鐘既火車
去到武漢個天都黑齊Lu...
諗住今晚最後一晚住好少少啦！
普遍ok既住宿係$138左右


於是一直再行
比我見到間之前去西安
網上推介一間幾好既連鎖酒店
＂如家酒店＂
$198-RMB（無窗）
係大陸黎講都幾貴•••
咪諗住試吓囉
一入到間房又細，真係超級普通•••
第一晚既＂沐蘭賓館＂一定好過佢！
真火滾！
擺低行李就即時醫肚
食我好鐘意食既新疆野
裡面既裝修好特別
即時諗係烏茲別克既感覺呀！
食飽後返酒店即瞓
因為聽日晨咁早要起身回程啦•••