Day 19 養精蓄銳(阿根廷Humahuaca)

(Day 19)2011-02-24
住宿 ：Hospedaje Hostal (價錢唔記得）
行程 ：Resistencia(阿根廷)
—> Salta —> Humahuaca


0930到達阿根廷北部既Salta，尋晚既長途巴士又係勁好瞓呀！搭完長途車都唔覺攰，好精神~


我決定去一個再細D既北方小鎮Humahuaca留一晚，我覺得小鎮會較為吸引，而且要為進入玻利維亞既作好準備！
點解要作好準備？因為比較近邊境之餘，海拔也較高，以便適應高山反應！

於是係Salta坐去邊境小鎮La Quiaca既巴士，係途經Humahuaca中途站落車，$72-Peso($144-HKD)


La Quiaca附近奇特色彩鮮艷既山坡

一落車，見好多背包客坐呢班車去玻利維亞呀！睇黎呢個小鎮都係一個幾熱門既中途站噃~ 

搵到住宿落腳後，開始慢慢參觀小鎮~ Humahuaca小鎮位於阿根廷北部山區，海拔超過2000尺，感覺較為荒蕪落後

四圍長滿有高過人既仙人長，居民既服飾十分獨特，與玻利維亞人既傳統服飾一樣呀！起初我以為呢D就係玻利維亞人，於是詢問下方知，原來佢地係阿根廷人，不過服飾就一模一樣啫~

呢度再睇唔到，有人週街攞住熱水壺同杯飲Mate茶，總之呢個北方小鎮既風格，與早前去既城市截然不同啦！ 看著穿著傳統服飾既居民，感覺到離玻利維亞不遠了~

晚餐食餐好既，而且今晚要早D休息呀! 因為呢度成三千尺高度，有些少高山反應，個人感到迷迷糊糊，要盡快適應高山反應呀! 今晚啪左粒衛生處開既高山症藥，醫生話由三千米要開始早晚食啦! 返到酒店仲落大雨Tim! 係天井曬既衫濕晒⋯

聽日就要闖關去玻利維亞啦! 要入玻利維亞國境，對於我地中國人黎講亦都困難重重，手持特區護照既香港人如要申請Visa

（1）簽證申請表

（2）效期6個月以上之護照
（3）要無犯罪紀錄證明
（4）旅館訂房記錄或經公證人認證之邀請函
（5）機票訂位記錄

（6）財力證明及
（7）黃熱病疫苗證明等。審核時間要半年


仲有仲有，香港無玻國領事館，要去北京攪，去北京攪都幾有難度! 仲唔係一定批!咁即係做唔到以上第4、5項喇！如果買晒機票頂埋房攪埋邀請函先唔批迷大獲！即係攪簽證就無可能啦! 仲有第三項•••真無聊⋯

領事館網頁不獲簽證既名單，簡直水蛇春咁長呀！仲要半年審核!

而網上既討論區，見到有勁多闖關失敗既例子，包括果D可以唔使Visa入境既中國人，例如有人持加拿大護照既香港人，理應唔使Visa，但個關員指出佢既出生地係香港，即係中國人就唔比入境喎•••

總之，佢地見到你係中國人就百般留難喇！


再者玻國曾經07年唔批簽證比所有中國人，包括台灣人及香港人!

好在•••我地殖民地出生既，仲有BNO可以用，BNO可否進入玻國就真係好含糊不清，不過網上可以見到亦都有成功入境既例子•••我過左18年期，都為左玻利維亞
特登去用$1800續期咋！


點解仲要去呢？
迷因為早前youtube段天空之鏡片段囉！呢段日本NHK拍既秘境被網上瘋狂流傳，當我係朋友”醬爆”facebook度，睇過佢share出黎呢段片後••• 可以用震撼黎形容呀!!! 我當時決定一定要去呢個地方! 所以呢個南美行程，其實最大既目的就係要去"天空之鏡"勒！