Day 4 (上) 執著的人生目標(立陶宛Kedainiai)

(Day 4) 2012-03-12 
住宿 ：Salduve Hotel $50-LT = $150-HKD
行程 ：立陶宛kedainiai--> Siauliai 

波羅的海寒冷指數:0



尋晚張床咁好間房咁靚,但就瞓得唔好,你話係迷犯賤吖！0730起床,打開窗廉終於見到久違了既陽光啦~ 早餐係酒店包埋既,早餐係自助既,食到好飽呀~ 食既地方裝潢好有中古時代既感覺,果然係全鎮最古老既酒店喎!






食完早餐,用短短一個早上既時間遊覽呢個古鎮,因為下午要坐車去另一個景點啦~ 不過當出到去時已經唔見左個太陽Lu... @0930
先去旅客中心攞D資料,職員親切又細心，不過我都多口問一句,點解全鎮得三間酒店咁少,佢話呢個係一個very very small既小鎮,極少遊客會黎喎,而佢竟然話係第一次見到亞洲人喎! 唔怪之得連Lonely planet網上既 forum都無人提及啦...

由於朝頭早,成個鎮都無乜人,我可以好放肆咁周圍set腳架玩自拍啦!!! 最鍾意係朝早遊覽,不過有時就有心無力,哈哈~



無人既大街

其實主要遊覽既景點係晒酒店附近,行遠一點既河邊,遠眺對岸全鎮最古老既教堂,不過我就無去... 

廢鐵變成藝術品~

回程時發現,有座深啡色既教堂,好特別好靚呀！睇到厭既我都覺得極吸引呀! 係我既遊旅遊地圖裡,暫時覺得佢係全世界最cool既教堂呀~ (後來先知係北歐都好多黑色既教堂架,我真孤陋寡聞)

Kedainiai小鎮好舒服呀~ 估唔到我隨意來到呢度,真的喜出望外,很高興能夠認識呢個無遊客既小鎮呀~
由於間教堂真係太吸引,攪到miss左班火車,下一班要1900啦•••所以便要行半個鐘路程既巴士站,搭1200既巴士去Siauliai($12-LT = $36-HKD)因為下一個目的地係立陶宛,另一個著名景點Hill of Crosses呀~ 果度有成千上萬過十字架既十字架山!

玩味自拍

 

呢一個美麗寧靜既小鎮,就帶出左好幾個問題好值得去思考...

就係我自己既旅遊風格被現今既科技帶來衝擊,不知不覺已有少少改變; 回想最初十年八年前既旅程,一離開香港就即時全程斷絕聯絡,只靠SMS,途中上網更加係奢侈既事,少之有少;去旅行除左靠事前既資料搜集,就只有靠自己! 就好似當我去到唔鍾意palnning唔鍾意事前搵資料既階段,就係去到先至算,用雙腳來搵住宿既旅遊風格,(當時Wifi仲未普及),直到今時今日科技發達,有智能電話同tablet,如今次咁就帶埋I pad,無planning既我都可以今日搵定聽晚住宿!

你話如果上網搵唔到當地既住宿(有D可能有,但由於當地太冷門,連D酒店網都無) 今時今日既我就可能會有D”笠水”,唔會去都未定! 明知無住宿無理由去架... 不過咁樣就會白白錯過好多鮮為人知既國度．．．自己心裡都算一算,如果當年有做資料搜集，可能當年就會錯過整個既哈薩克,烏茲別克既被遺棄小村Moynaq,波斯尼亞既Mostar等等等...

所以話,科技發達令人帶來方便, 不過也不知是好還是壞Lu...

科技帶出另一個要思考既問題就係... 跟風問題! 如我好似上面咁,見唔到網上有人來過呢個小鎮,基本上只有維基百科同當地既網站有提及,我好可能就只有去其他既大城市stay Lu...

不過咁樣就會成為一個隨波逐流,人云亦云既旅遊人Lu... 我唔想咁樣,亦都唔鍾意盲目跟風跟潮流,就好似我當年第一次流浪,係埃及自己租單車+騎騾仔去帝王谷一樣,雖然只係踩左一日好短既路程,但當時我就全程都唔見有人踩單車喎!!! 而係帝王谷撞到一個香港團,D香港人對我有好多讚嘆,驚訝既說話,(因為當年好多既香港人,覺得咁樣玩法簡直係天方夜譚,攞苦黎辛架! ),而我當時覺得,只係用隨心所欲既方式啫~

直到依家全香港有一股單車熱... 個個都話單車環島遊,個個都話踏單車橫越歐亞... 呢D創舉,已絕不是天方夜譚啦~ 不過對不起,其他國家一早已有人咁做... 遠既唔好講,近既台灣人,日本人早已有人用咁既方式旅遊啦! 6,7年前搵哈薩克資料時,網上就搵到有唔只一個既台灣人咁做...

咁樣講可能得罪好多人都未定,hehe~

我既人生原本無乜目標,自愛上旅遊後就令我人生添上左色彩,雖然我無乜野創舉... 但係,我比較執著! 絕對唔會人云亦云,隨波逐流! 人生就係咁嘛,要為自己既理想而奮鬥!