Day 36 遠在天邊的Moai(智利復活節島)

(Day 36) 2011-03-13
住宿：不知名住宿

行程：秘魯利馬 —> 智利復活節島

 

4個多小時既機程，係0530天都未光，終於到達迷一樣既復活節島啦~未有計劃來南美之前，只是從書本上看到有Moai石像既復活節島，感覺是多麼的遙不可及。

排隊等候入境期間，有D staff應該兜售tour，仲見有好多人即時報名添!

 

 辦完出入境手續，見D乘客都有pickup，看見D遊客都差不多走晒，櫃台差不多close… 即時去櫃台詢問，比左$50-USD 嘅一晚住宿價錢，便車我地去今日嘅住宿。沿途記住D路，原來住宿都唔係距離機場好遠咋!

由於天仲未光，肥肥既老闆娘睡眼惺忪開門迎接。登記完畢，便即時沖涼上床瞓啦! 諗諗吓都成兩晚無覺好瞓，前一晚就瞓巴士，尋晚就瞓飛機…

一瞓就瞓到1600，於四圍是行吓。於門外搵極都搵唔到宿個名，算吧，就叫不知名旅館吧~

旅館正門 

原來住宿坐落係中心區域，沿斜路行就可去到海邊，見草地足球場上有好多人踢波。再行多兩步，就可見到Moai啦! 我仲以為Moai石像係係山卡拉Tim~ 沿海一直行，可以見到更多Moai，仲有個崩左個頭架… 不過有D應該係仿製品，因為好新淨~

行左一陣發覺當地人好悠閒，海邊既小朋友就玩吓水，成年人通常就同隔離左右吹吓水，街道上白天可能天氣太熱無乜人行。

而且市中心好細，只係幾條街既範圍。除左海邊既多個Moai石像之外，真係無乜野好行… 諗緊留係度4日時間，除左用一日作環島遊外，會唔會多得濟呢？不過當做渡假吧~

呢個應該係仿製吧~

再行遠D又有個堅野

呢個應該又係仿製吧~

仲有一排Tim~

石像既背面有神秘符號架!

當然仲有其他啦~

逛完街返酒店休息吓，係酒店內四圍參觀。酒店內裝飾好有南太平洋既風格，行到後花園既草地，發現有好多大大隻曱甴既屍骸，保守估計起碼有幾十隻呀!我最驚架!!!真係睇到都毛管凍… 唔通老闆娘特登掉係度來施肥？

攪到我係住宿內成日都提心吊膽…

之前去過另一個南太平洋島國斐濟都見有好多曱甴，唔通呢種恐怖生物最適合就係南太平洋島國生活???即時想起一個移民廣告“瓦魯阿圖，我想住既地方”

係復活節島用餐就最頭痛，因為係孤島物資短缺既關係，來佬貨十分昂貴。而餐廳就只係寥寥可數幾間，睇睇門口既餐牌，價位全部都十分嚇人，簡直係用搶錢來形容，不過都要食架…

最後揀左間最平，唔飲野齋食一碟牛肉意。D意粉用牛肉少到幾啖就可食得晒，盛惠$6000 peso啦!!! (即$100-HKD) 隔離果個見到咁貴已經唔想食，只食左兩啖…真係肉都赤埋!食左等於無食，要返去係餅乾Lu…