Day 35 又遇問題(秘魯Cuzco)

(Day 35) 2011-03-12
住宿：飛機上

行程：Cuzco —> 利馬 —>復活節島

25小時既車程，係1500終於到達秘魯首都利馬。係成個車程入面，頭半段係崎嶇既山路，九曲十三彎，從海拔三千多米既高地一下子去到水平面。

當早上過左神秘既納斯卡中途站後，就沿長長既海岸線而行，見到一望無際既太平洋，就即係正式結束半個多月既高原生活!啦亦諗起我是從南美另一面既大西洋，從陸路慢慢移動到來。打遊記到這裡，心中有個幾何圖案浮現，就好似呢個行程一樣，由最東去到最西，而最高又去到最低，好得意~

 

係首都利馬落車出到室外，突然唔係太適應。唔適應既係呢度悶熱天氣，過左半個多月既寒冷天氣，尋日Cuzco上車前都仲要著晒大褸同頸巾

口噴白煙… 現在太熱啦!!!

今日要馬不停蹄，搭晚上既航班前往復活節島。根據書中顯示，每間巴士公司都有自己既專用總站，分佈市內幾個地點。我們身處既Flower巴士總站，係遠離市中心既南面。我將會去機場，而書中亦無提及怎樣去市中心

只教搭的士。以免同D的士司機鬥智鬥力影響旅行既心情，又係要靠自己發掘吓既時候啦~而發掘平野同體驗當地文化，亦都係我旅遊既一種樂趣。

於是先係巴士站旁，食個遲來的午餐先~ 

 

食完又路經超市，即時補充炎熱天氣下既必須品－水。經多番雞同鴨講指手劃腳問人下，去到一個書中顯示為Plaza Manco Capac既一個廣場旁，用左$2-Sol登上一架48或87號巴士。當去到有大型商場既La Maria時，有個好心人提示我們落車轉車。落車即時見有架小巴，行駛間不停叫”Aeropuerto”就知係去機場，即時跳上車~

巴士票

轉車

去到機場Lans智利航空櫃台check in，發一其中一張E-ticket有問題…

點解其中一個會無ticket no.???都係硬著頭皮上前check in，結果同預期一樣一個得一個唔得… 呢套來回機票，係呢個Trip出既第一套機票，二人一次過係香港智利航空出既E-ticket，當時仲過晒數比Lans tim!

一定係香港Lans個職員出左問題!其實都打定輸數，預左要再買過啦… 於是即時去internet café上網check，好在來回都仲有位，不過票價就高達$1000-USD呀!比最初買既二千零蚊港幣差左幾陪呀!!! 當然…呢個係最後一步先焗住買啫。

於是盡最後努力，係Lans既詢問處求助。職員協助下撥打直線比當地機票部協助，不過就要企埋一面等20min⋯真係心急如焚呀!等候其間，協助嗰幾個staff，見我地個case都嘖嘖稱奇。而當時女友工作係做酒店機票，亦都從未遇過咁既情況…好在最後得到機票部允許，可以用原先既優惠價重新買過套來回機票。問題得到解決，Yeah~ 後來返到香港，Lans嗰職員都知出錯，可以追討返呢程既費用，不過就嚇餐飽囉⋯好在仲有位咋!

如果唔係返到黎Su爆Lans架!!!

到達機場既一刻,遇到好靚既晚霞

利瑪機場