一次過滿足晒三個人生願望

呢個旅程，起初就係為左單單既北極光，因為今年係太陽粒子高峰期嘛~ 北歐多國，我選擇左曾經破產，比較便宜既冰島作環島遊！

攪笑既係係機場見到帶北歐團D資深領隊，傾幾句計順便問吓情報，當佢知道我主要目的係去睇北極光時，都笑我傻仔話北極光只係冬天先見到，仲斬釘截鐵話我係9月尾一定無可能見到••• 我當時真係一笑致之，心諗枉你仲係名牌旅行社既資深領隊，我去得緊係搵晒資料啦！根據統計基本上一年365日，有成二百幾日都有北極光出現的，只不過夏天有午夜太陽太光，掩蓋左極光既光芒先睇唔到••• 何況我精心挑選既秋天，有一半白晝一半黑夜？再加上今年係太陽粒子高峰期？唔怪得之上年睇報紙投訴版，有聖誕節既極光團D團友投訴睇唔到極光啦！個領隊仲話機會好微，勸團友早D瞓Tim!去冰島，香港無直航既！於是取道英國，由於當地比較多航班及廉航去冰島••• 英國•••對於我呢個球迷黎講，自然諗到要睇返場英超啦！ 而我最愛，由廿多年前未懂事已捧既利物浦，就一定要去朝聖勒！上網一check逗留英國期間，竟然係對曼聯既雙紅會大戰喎！ 呢個人生願望，真係付出幾多都在所不計呀！呢D大戰，真係有錢都未必睇到，因為D當地人買晒季票，而單一場買既都比上季有睇過既優先購買，我呢D一場都未睇過既跟本買唔到••• 唯有幫襯當地最大既Agent Tomas cook, 貴係貴D，但都無計••• 最後幾幾波折下先買到••• 球會入會費：£40•99 送一盒入會紀念品
Thomas Cook package : £306.99一晚住宿早餐+波飛

最後去得冰島，無理由唔去埋格陵蘭架！務求一個旅程滿足晒三個人生願望呀~
冰島不是處於北極圈內，只有最北方既一個小島先處於北極圈內••• 而格陵蘭既首府Nuuk都未係，於是買多程內陸機去位於北極圈既Ilulissat，叫做到過北極啦！
唔好講爭論話一定要到達北極既中心點才到北極，呢D係自己覺得架啫！就正如流浪既定義，只到過國家裡的一個城市，算唔算去過一個國家一樣••• 要爭辯就真係講唔完•••遺憾既係，係搵資料時得知，現時既格陵蘭得到丹麥政府資助，所有當地人已經上晒樓啦••• 即小時候從電視睇到既愛斯基摩人冰屋，已成為絕響••• 當然進步係好事，不過地球一體化吓，又一個文化被摧毀了••• 另一樣既震憾係，由於去北極，9月尾10月正直秋天，而統計格陵蘭既全年平均溫度係低於零度，一於睇吓凍成點！當我check格陵蘭既天氣時，真係嚇左我一跳，竟然有成十度八度喎！上網再搵資料，正常既格陵蘭夏天只會溶化一半既冰川，但根據太空總署報導，今年7月裡短短既4日間，竟然溶化成個格陵蘭既97%既冰川•••即係溶晒！
再加上一段youtube，紀錄今年一月開始既北極溶化既片，看過後十分震撼! 唔係將會踏足極地,呢D新聞或短片都可能睇過就算,不太上心... 不過即將出發,我重覆睇左呢段片好幾次,甚至有時會鼻酸酸既感覺,久久不能釋懷... 地球真的有事了,請大家要愛惜地球, 一齊盡多一點力吧! 出發!

http://m.youtube.com/#/watch?feature=share&v=UaKqhRTqSlg&desktop_uri=%2Fwatch%3Fv%3DUaKqhRTqSlg%26feature%3Dshare&gl=TW
機票資料：
1) 香港 ~ 倫敦來回
    選乘連續兩年成為全球最佳航空公司既Qatar 係我第二次搭啦〜 $8500香港倫敦來回(匯率     係1：9•5）

2) 倫敦 ~ 冰島來回Iceland Express €251
3) 格陵蘭Nuuk ~ 冰島來回Iceland Express €571
4) 格陵蘭西北部Nuuk ~ Ilulissat (單程)Air Greenland $2414-DKK(約$2700-HKD)


資料搜集已知極地天氣變化多端，航班經常改動，故已每程都預鬆一日，點知有一班機竟然更改早左足足一日喎••• 好在啱啱駁到，望就望到時之前果程唔好Delay啦•••