住宿:海傍酒店MYR $100
行程:Semporna-->山打根-->亞庇
真係好瞓
一瞓就瞓左14個鐘頭
係8點醒左同阿牛食早餐
而女團友就繼續瞓…
食完早餐後
我地決定路經一個城市
“山打根”來到此一遊
10點幾我地出發
出發時先由未係我地既行程揸過車
既女團友黎打頭陣
佢一揸就揸左兩粒鐘
我地係晏晝2點幾終於到左山打根啦!
根據我帶去既剪報講
山打根係一個中轉站
而且D建築仲有D似香港既石硤尾TIM~
我地係度食個晏同兜左個圈就繼續行程LU~~~~
===============================
起初阿牛揸車遇著狂風暴雨
路面睇唔倒都幾危險
揸左好耐先逃離暴雨
但揸到入夜時又遇著無油
我地無吸取去程時無油既教訓
途經油站又唔入油以為捱到
攪到我地又係荒山野領無油
最衰今日係星期日 ,好多棚屋都無開無油賣
攪到我地又空波落斜同慢流等等等...
攪到個個都好擔心...
好彩捱左好耐...我諗都捱左個幾鐘...
終於都比我地去到一個城鎮
搵到油站 ,真係浪費左唔少時間…
我地仲諗住係亞庇既店鋪關門前返去買手信TIM
(尤其係阿牛)
入完油最後一程由我揸車
可能自己都心急
係無燈既山路揸得都幾搏
見車過車 ,仲響晒胎TIM!
諗返都幾危險呀!!!
===============================
最後仲要係行錯路既情況下
返到亞庇市已經十點關晒門LU…
當然最失落係阿牛啦…
好彩我地最後都有去機場
雖然air asia既專用機場關晒門
但係另一面既機場仲有一間未關
阿牛緊係開心到瘋狂買手信啦~
我地之後去左個大牌檔
連英文都無既地道食市食晚餐
都已經係晚上12點LU!
食完野後 ,我地搵返第一晚住既海傍酒店
跟住我同阿牛就落吧飲野飲左一陣
就返酒店瞓LU...因為明天要0710早機走呀!!!
沒有留言:
張貼留言