Day 10 球迷奇遇記(克羅地亞薩格勒布)

2006-10-11 Day 10 寒 
地點:克羅地亞薩格勒布 
住宿 :YHA Euro$7





晨早六點就到左首都薩格勒布,

一出火車便感到寒氣迫人,

在溫度計上顯示原來只得8度,凍到震呀!




清晨六點火車站外既Tomislava廣場

整潔既街道

出到火車站已經唔同左之前,今次無人招攬住宿,唔知係咪太早呢! 於是走去住青年旅舍,點知話要十一點先可以check in; 由於我係羅馬時已check過internet,英格蘭會係今日係呢度作客克羅地亞既歐洲國家柸外圍賽,於是我便走去買波飛,順道遊覽幾度出名既名勝; 遊覽完後就返去check in 同大覺瞓ｌｕ～ 由於尋晚無覺好瞓，所以瞓醒已是４點了!



聖母升天教堂

聖馬克教堂

順利買到波飛,$250kn大約港幣$320

仲買埋頸巾tim

當我離開YHA,看到每個街口都有好多防暴警察,唔通d英國流氓球迷真係咁恐怖??? 去到廣場已經見到雙方球迷唱歌,隔住電車既月台叫囂,簡直未開波先興奮呀! 仲有好幾個球迷被打到頭破血流Tim!!!

由於真的很多人迫唔倒上車,一位當地婆婆主動為我開路迫上車,一位白髮老人家,當然連粗暴既英國球迷都會讓她上車啦! 我就好似佢個孫咁比佢拖左上車勒~

原來她就住係球場附近咋! 差不多全車都係英國球迷,全程不停拍打門拍窗,唱歌,真係全車都震晒!

滿佈球迷的廣場

一定要擺返個靚pose既親切婆婆

球場內好似開P一樣,氣氛超好~ 雖然我都係英格蘭球迷,但係身在克羅地亞,反而想主隊贏woo! 所以我事前買左條主隊既頸巾入場打氣~

由於婆婆住既地方係一個龍門既方向,入場後我問警察我坐係邊先知係英格蘭既陣地,唔怪之搜身咁嚴格啦! 佢問完我話唔係英格蘭fans後,就帶我離開英格蘭既座位區; 

一離開英格蘭fans區,我先夠膽攞條克羅地亞頸巾出黎咋~ 到場內,主場既球迷都用好奇異既目光望我,可能只係見我一個亞洲人呱,又咁投入~

我跟主場球迷一樣,揮動頸巾,一起叫喊,唱歌,(雖然唔識當地語言,不過都盡量發音叫出黎)

最後主隊贏2比0,雖然買左十歐羅和波輸左,但都好開心~ 人生未必有第二次機會睇到呢d正式既比賽架! 由於得我一個亞洲人,比賽後被主場球迷爭相捉住影相,在歡呼聲離開~

誤闖英格蘭陣地

球場內氣氛一流