(Day 15) (下) 2016-10-24
住宿：Premier Inn
行程：沙迦 —＞ 杜拜
在沙迦酋長國享受過最後的中東黃昏美景後，晚上來到杜拜、今晚下榻的機場酒店Premier Inn，這由港女一早預訂，房價約$5xx。房間乾淨企理，比預期的還要好，這價錢算很不錯了～
安頓好行裝，便前往油站入滿油缸再往機場還車。來到油站，最有興趣當然是這產油大國的油價。在這原油比水還要便宜國度，油價是$1.7-AED一公升，即($3.8-HKD)，比香港十五、六元相差太遠，不過這還不是我到過油價最便宜的地方😜。
在機場還車後，我們再次使用杜拜版八達通卡乘搭鐵路。來到Dubai Mall大型商場閒逛，順道吃晚飯，這商場走極也走不完，終於來到Food Court，隨便吃了羊髀飯、魚飯。晚飯後多逛一會，到過底層的大型水族館，便乘最後一班返回機場的列車離開。
 |
| 銀河天花板 |
 |
| 這商店用魚缸來做幕牆 |
 |
| 大型水族館可以親吻鯊魚 |
從機場所得的旅遊指南、到沿途所見，以金錢堆積的杜拜絕對不是我杯茶，亦提不起勁四處細看。就算是我翌年再來逛過市集，《夜遊杜拜》歌曲內的中東風情，在這裡是找不到的。
(Day 16) 2016-10-25
這天早上乘酒店的接駁巴士往機場，再登上阿聯酋航空回港，旅程完畢～
 |
| 機場售賣的阿拉丁神燈好似多咗花款 |
我十幾年前去過杜拜，真係冇乜好睇！
回覆刪除如我無記錯那時剛興起不久，香港有好多旅行團前往，身邊有不少朋友也去了，從他們口中講會入住帆船酒店噃～ EE你有無住？
刪除杜拜我有興趣喎.
回覆刪除估唔到⋯⋯ 不過王子應該係襯返富豪感覺嘅🤪
刪除下次回港經杜拜轉機玩返幾日啦～
到過油價最便宜的地方<====係邊度?^^
回覆刪除我只去過巴林,印象是好鬼晒好乾好熱,同埋沙塵好勁:P
魚缸幕牆好特別喎,間店係賣旅遊用品?
油價最便宜的地方，但已是十五年前的事，咁比較亦不太合適嘅，係埃及，$1.5-HKD/ 1L，但是呢，如果有睇世界零距離嘅話，應該知道現正經濟崩潰的委內瑞拉應該是全世界最平，不記得是幾毫子還是幾個仙一公升。
刪除巴林？我認識你咁耐唔覺你分享過，幾時分享吓啫～ 定我未識你之前已分享過？🤔
委內瑞拉經濟崩潰真是很可惜,有石油都買不到面包.....
刪除好耐以前啦,我冇寫過,其實那次只是路過轉機住了兩日一夜而已^^
兩日一夜都有好多見聞架～ 得閒寫返啦，我幾有興趣中東
刪除委內瑞拉問題跟非洲D鑽石國家一樣，政府無能唔識運用⋯⋯
我淨係想知下一篇係出咩旅遊BLOG!!!!!好緊張呀!!!!!!!!!!
回覆刪除好想你悠閒D寫無壓力..但又好想係快D出!!!!
好矛盾呀我~~~~~~~~~~~~~~~~~~~~~~~~~~~~~~~~~~~~~~~~~~~~
我唔信！小T成日玩野！
刪除寫邊？賣過關子🤪 不過會先出幾篇短野，跟住當然又大長篇啦～
發現雖然寫遊記嘅係寫記敍文，原來都好睇個mood，有時坐係電腦度都打唔到幾個字，但有時就打得好快，打到唔想離開。