「有得揀?無得揀?」這個電視廣告話我知,電子商業訊息有得揀,但我這2017年餘下的旅程就無得揀…
2017年出席過三個海外婚禮,分別是韓國、德國及泰國。這三個國家本來不在我旅行目的地之列,看來要順延探索其他國度了。
不要以為我相識滿天下,其實我那麼大個仔才是第一次參加海外婚禮。這三個婚禮,不是好似我跟港女的一般港人一樣隨便去註冊,而是如假包換的正宗傳統婚禮。(泰國的一半半吧,哈哈~)所以「環球婚宴之旅」個標題好誇張架~🤣🤣🤣
難得機會。第一炮將會出席堂妹於韓國安山的婚禮,她將會做韓國人妻,實在恭喜~家族中有人結婚,我們當然全家總動員慶賀啦~ 順道去旅行之餘,又可以見識一下當地的婚禮文化,絕對是十分難得的機會。介紹一下這行程的成員,團長當然是我銀仔啦~ 有港女、係關島羅塔島出現過的兩老(父母)、還有新登場的銀妹及其六歲女兒希希。
由於今次有小朋友同行,作為舅父的我,這旅程會以姨甥女希希為中心,希望循循善誘,提起她對世界的好奇。另外,為了令將會升讀小一的希希對寫作產生興趣,作為舅父的我,為今個旅程作好準備,裝備包括一本記事簿、藍牙曬相機、漿糊筆等等,將我的旅行習慣,教導給小朋友,希望會於這位小朋友心裡埋下種子。不懂寫字不打緊,每日教幾個生字,也可以劃圖、貼上照片及入場券,用來記錄每日的點滴,當然最重要是以「身教」:一同寫遊記~ 就這樣,今次連我本遊記都特別多色彩架~
由於「成村」人去,部份項目還是預先安排好。機票是幾傷腦筋的一件事,因為銀仔去開長線,十多小時機程的機票只是3-4千港幣,但是日、韓短短3-4小時機程廉航也接近二千元,有些還不連行李費用…… 最後選乘半廉航濟洲航空,每人也要$20xx包15kg行李。交通方面,已從租車公司訂了一輛九人車,由於第一日到步時已是黃昏,以免浪費第一天租車費用,所以第二天才取車。至於住宿方面呢… 銀仔秉承一貫風格,就算「有老有嫩」,住宿也不會預約好,只由港女安排第一晚及婚宴當天的酒店。
今次目的地是熱門的韓國,身邊朋友知我前往旅遊感到驚訝,以銀仔的性格「卜友」們應該知道會不甘平凡吧!哈哈~
韓國,對上一次去已是16年前的事,當時首都仍然是叫作漢城。今天的首都首爾,對香港而言就像代表整個韓國一樣,近年身邊的朋友去韓國通常只去首爾,連書局的旅遊書也九成是介紹首爾,難道韓國這麼大就只得這裡?雖然近年也多了人去濟州島及釜山…… 但今次韓國之旅,即管來一個「情非首爾」,就算航班降落在咫尺之遙的仁川國際機場、就算是第一次來韓國的父母及港女,也不得不跟隨我我玩法,呵呵~
另外,韓國婚禮絕對令我眼界大開,其中有很多有趣情節,如實紀錄見聞所想,不知道堂妹會否介意呢?🤣🤣🤣 (寫遊記時已詢問過,她不會介意的)
小朋友寫遊記,長大後自己睇番都唔錯架。
回覆刪除相信長大後睇返兒時寫嘅嘢會好得意~
刪除會唔會post一兩頁小朋友嘅遊記畀大家睇呢?
回覆刪除好啦,之後po啦~
刪除有舅父陪住一齊寫,一定開心過做功課好多^^
回覆刪除應該係,其實小朋友係想有人同佢一齊做
刪除隔左成年先出~等到人頸都長~
回覆刪除車!韓國你熟過我,唔使等啦!😛
刪除好奈無睇你嘅 Blog添!
回覆刪除你呢個舅父真係無得頂,俾十個讚!
得閒嚟吓啦小蜜蜂~
刪除近來身體好嗎?見你都少寫遊記。
自己生仔就怕煩惱,得閒攞人地小朋友嚟玩吓會有D心機嘅🤣
好主意WO!等我都仿效下你,買一人一本書比兩個女,將來再去旅行時寫下遊記先!
回覆刪除但要家長一齊做先有用架~ 我個妹唔做,所以之後嘅旅行佢已經無咗呢個良好習慣了⋯⋯ 習慣嘅嘢真係要培養,尤其是好習慣。相反,壞習慣一下子就學識了,好似希希而家鍾意睇YouTube同打機,真係多謝我個妹⋯⋯🤷🏾♂️
刪除你講得岩,我都好認同(習慣嘅嘢真係要培養,尤其是好習慣),原本已有同佢地旅行寫日記的準備,可惜.....今年都未必去到旅行>.< 希望疫情快D告一段落>.<
刪除