(Day 6) 2016-3-6
行程: 雅加達 —> 香港
0345起床,有早餐食,用十多分鐘三扒兩撥食了點粥、麵包頂肚,相信是昨晚食淨嘅buffet,但總好過無吖。
有穿梭巴士到機場,到華航check in櫃台,看見有一班典型big 6人辦登機手續,不禁皺起眉頭。不是看不起big 6人,而是這土頭土腦外貌嘅人,以我旅遊的經驗來看,加上於機場工作了多年,真的唔會好得幾多,後來證實我講嘅野是對的。
食早餐地方空無一人 |
用上香港女性至愛嘅名牌廚具 |
check in後排隊離境時,發現剛才的一大班big 6人,看似有問題,職員係咁問野,但又溝通唔到。即時行到遠方嘅櫃台,不過都有一個big 6在櫃台處理中。只見枱頭上有張紅色嘅紙幣,相信是十萬印尼盾($85-HKD),使唔使俾咁多呀… 此時排我後面也有兩個big 6人,回頭一望看見他們正在夾一張紙幣於護照內。oh my god!就算真係要比,都係人地開口屈錢先比吖,有乜理由自己申請先得架!真係好x想爆粗xyzxyz&@&#^*+# 刪一萬字粗口… 跟港女應對,我們點都唔會比賄賂!我們要講清楚香港跟中國不同,是不會比賄賂的。有錢使得鬼推磨嗎?我可以告訴你,前面個big6人仍然攪左好一段時間才放行。
到我們過關時十分順暢,也沒有問我們任何問題,即關員懂得分別什麼人是水魚。呢d自己申請被屈嘅行為,令中國人於外國人面前永遠抬唔起頭做人。其實中國人於好多東南亞國家較落後嘅地位都算高,但落後國家人民質素日漸提升嘅同時,自己仍然民智未開,便不進則退了。雖有強國之名,但人民質素參差,仍然會被人睇唔起。由原本嘅敬仰,變為被人睇唔起,情何以堪。
這行程唔去印尼最熱門嘅峇里,何為熱門?因為沿途所遇到嘅外國遊客,基本上百份之99.9都一定會去峇里。當與他們傾談都問我地有無去過峇里,可見峇里絕對是印尼最熱門之地。
雖然當地人經常呃遊客,但我不知是否俾人呃得多,都無以前咁嬲了。
印尼之旅好愉快,載住港女無牌揸電單車,穿梭於繁忙而凌亂嘅鬧市更是難忘。
(港女點唱時間:我也不是大無畏,我也不是不怕死⋯ 如何險要、懸崖絕領,為你亦當是平地⋯)
係咪早已習慣咗有錢就有特權喱一套?無言......
回覆刪除銀嫂點唱非常sweet sweet,羨煞旁人XXXD
其實我相信全世界都有貪污賄賂,人地可能係高層,如國際足協,大公司,但大陸太過大眾化平民化了⋯
刪除羨煞旁人<--基爾你成日玩人嘅⋯
乜啲人過關都要俾錢人?點解會咁架?
回覆刪除影衰晒中國人⋯
刪除由原本嘅敬仰,變為被人睇唔起,情何以堪。<-同意!有啲內地人真係唔爭氣嘅,要教育,要見多啲世面
回覆刪除飛機上有益力多飲,未試過呀!
你太太真係好sweet呀 😄
要教育,要見多啲世面<-- 希望我有生之年能看唔到這些醜陋的xx人⋯
刪除你唔提起益力多,我都唔覺,不過諗返起自己都好多年無飲過,下次行開超市買返嚟先~
出境都畀錢?
回覆刪除咪係,乜野思維⋯
刪除四點食早餐@@
回覆刪除有D人真係好失禮
我成世人最憎就係靠關係 / 靠金幣!!!!!
好sweet呀~~
可以揾到岩咀型既另一半一齊去旅行,真係好幸福呀~~~
無計,早機嘛⋯
刪除唉⋯ 唔知一百年後的內地國民有長進未⋯
最後一句係錯既,完全啱咀型,即大家差不多類型嘅另一半只會火星撞地球的,我上一個就係咁! 應該要搵一個完全順從你,或你完全順從佢先有咁既效果。
呀..我就係奇怪....我去左旅行一個月....你會咁快寫完非洲既....
回覆刪除原來你偏心~~~~
非洲係大長遍嘛~ 清左D短嘅先就唔會積埋咁多啦~
刪除我都希望下一個雪季開始前,清晒今年積落嘅遊記...越積得多,越唔想開始...
回覆刪除你記得你之前話當年印尼上火山已唔記得係邊度嗎? 咁開心嘅點滴,要快D記下來回味架~
刪除