2015年8月24日 星期一

Day 3 續遊南法(法國普羅旺斯)

(Day 3) 2015-04-03
住宿:Ibis Hotel
行程:Gordes —> Fontaine de Vaucluse —> Avignon —> Orange


可能房間太舒適,瞓到唔想起身,而港女一早已起床並走左去食早餐了。我瞓到0900時起床,於食早餐處會合團友們,港女們對酒店既早餐讚不絕口,話係香港根本無可能食到喎!我於是都一於嘆吓法式早餐先~ 至於點讚不絕口,銀仔牛"趙"牡丹點識形容得咁入神吖,當然由港女來描述:上一次中美洲之旅,食continental breakfast食到怕,今次喺歐洲點都會好啲啩。一上到用餐區,就見到一本古巴封面嘅《時代雜誌》(英文版),當然要扮吓嘢,一邊飲茶一邊睇書啦。

先講飲品,酒店提供一系列茶包,earl grey都有幾款(如原味、煙熏味)、綠茶、白茶等等,俾埋茶壺你泡。仲有橙汁、雪梨汁、西柚汁,咖啡... 剩係試勻晒啲飲品都要飽咁一半。食物方面,有香港賣緊起碼10蚊嘅鬆軟牛角包/朱古力scone、煙三文魚/salami cold cut、芝士、乳酪、乾果(有我最愛嘅杏脯)、蘋果茸、cereal... 愈數愈肚餓喇!!天呀,睇返啲相就好想再去,剩係食個早餐都願。





酒店大廳


check out結賬時望一望匯率apps $1:€8.2,比出發前去銀行換時1:8.4平得多,當然碌卡啦~ 之後由於匯率問題都成日碌卡,最後剩返大量歐羅。

離開住宿後再次去山上嘅城堡參觀,但發現要4月10日先再開。不過無所謂,有時遠觀仲好過入去裡面睇。城堡隔離有同樣由石砌成嘅醫院,如果唔睇門牌都唔會估到。


早前團友Ellen話postcard上有一處景點好靚,叫Fontaine de Vaucluse既地方,一於出發前往。駕駛時發現,自昨日偏離主要幹線進入山區小路後,道路不及幻想中闊,仲窄到有點得人驚,要小心翼翼來駕駛。

得閒再影架車;左上:標版中間嘅螢幕
左下:是入油渣的

路上再與昨晚同住宿嘅古董車相遇

路上風光

路上風光


到達Fontaine小鎮,於露天停車場泊好部車,一直猶疑要唔要入錶,咁啱附近有一團遊客,就問吓個導遊,原來係免費。沿河邊的步行小徑20min就到。沿途有紀念品店,港女們喺雪糕店瘋狂試食,最後每人揀咗三球,一邊食一邊讚不絕口。€4有三球人手製gelato,港女話返到香港唔再扭食”哈根大師"喇。店主知道我地係香港人就好興奮,話一直都好想去香港玩,不過啱啱生咗小朋友,要等BB大啲先。佢仲話鍾意一個叫Wing嘅歌手,講咗好耐都唔知佢講緊邊個。港女返嚟再查,原來係一個唱歌好難聽嘅紐西蘭籍華裔大嬸「曾咏韓」,估唔到佢都幾重口味。

水泉好清,但就無Postcard見到咁靚,可能角度問題。






由於團友們早前買的電話卡唔work,於是回頭問吓雪糕佬,睇睇有無計仔。可惜攪咗好耐都係唔得,思疑被賣卡個職員呃。


去到Avignon,但塞車塞到爆影響心情,加上環境破落(可能未到市中心),咁啱經過SIM卡電訊商,由於高Ling早前買了當地電話卡上唔到網,當然珍惜這機會問過究竟啦。但等咗好耐先問到客戶服務員,發現賣卡個職員無入到買數據嘅密碼,而家只可以打電話。如果想上網就要再俾錢,結果放棄走人!

話說港女尋晚叫酒店職員book了松露大餐,以為喺Avignon,點知擺烏龍,結果喺麥當勞問人借電話打去取消,係咁講sorry。雖然佢地話唔緊要,但我地失望之餘亦認真唔好意思。回想出發前網絡上瘋傳,港人去日本預約用餐而放飛機嘅惡行,唔想自己都做埋害群之馬。


去Orange城,十多分鐘車程到達。Orange並不是英文的橙嘅讀法,法文叫”哦康廚”,亦唔覺有橙樹。Orange城鎮不太大,有幾處古蹟。首先找到間網上評價好好的連鎖B&B,但客滿,所以轉去就近的ibis Hotel,€77($650-HKD)一間雙人房。


晚餐步行去市中心15min,搵唔到職員介紹嘅餐廳,唯有求其入一間。又食法國大餐€34($287-HKD) ,雖然可以對正古跡食飯,但今晚嘅食物就比尋晚遜色得多了... 不過仍然係食咗兩個鐘。

回住宿時見地產舖嘅廚窗廣告,Orange市內嘅Apartment只需萬零歐咋! 如獨立屋先幾萬歐,計埋匯率都咪話唔心動!

路上風光




頭盤

主菜

甜品

21 則留言:

  1. 又係我無去既地方. Fontaine de Vaucluse 我之前上網睇又係唔知睇乜, 無去.
    今次住既法國酒店, 早餐99%要另計.
    Benz 都係diesel 車@@
    法國山路開 Benz, 我一定叫救命!

    回覆刪除
    回覆
    1. Fontaine比我感覺一般般啦,又可能是我玩得唔夠深入呱⋯
      我住法國連鎖式酒店都全部另計架,呢D例外。
      歐洲不嬲都好興Diesel,十幾年前週街都係油渣Benz寶馬做的士啦,只不過香港懶係環保唔引入之嘛。
      其實山路真係好窄,我成日揸車都驚驚地!

      刪除
  2. 奧國嘅酒店都係食呢啲早餐喎.

    回覆刪除
    回覆
    1. 我諗因早前挨過continental breakfast, 對這些"歐陸"早餐特別開心啫。

      刪除
  3. 老外的食物/甜品, 碟子上的裝飾不吃只看都 LIKE 爆!!
    Ibis Hotel 住宿質量有保證, 緊係C服啦。^^

    回覆刪除
    回覆
    1. 我講C服係之前一晚架,哈哈~ 不過Ibis都唔錯。
      尤其法國食物,份量D咁多得個樣,等你望都望夠飽, 哈哈~

      刪除
  4. 銀團長帶隊走過浮華南法果然不同凡響^^
    沿途風景都好靚呀,仲見到戰機添呀@@
    古董車同個環境都好靚,有懷舊味!!!
    開始擔心銀團長食過法國大餐之後,唔會再去啲艱苦團XXXD

    回覆刪除
    回覆
    1. 銀仔係去旅行,體驗為主,苦中尋樂。

      刪除
    2. 旅行完結計數時你先我帶團不同凡響啦! 呵呵~
      飛機坐特選經濟位、食法國大餐、揸靚車,有時都會諗會唔會返唔到轉頭架⋯ 不過我緊接著嘅旅程,就像JJ所講[體驗為主,苦中尋樂]或者可能是我一生最艱苦、最冒險之旅添!

      刪除
    3. [體驗為主,苦中尋樂]或者可能是我一生最艱苦、最冒險之旅添!
      嘩...你都話艱苦, 好有興趣, 快D 寫BLOG 出爐!!

      刪除
    4. 咦! Bell竟然有興趣? 寫埋浮華大地,我就出發啦,所以趕工中。

      刪除
    5. 嘿, 我係捱得苦的港媽!!!
      預祝旅途愉快。

      刪除
    6. 希望無不快吧,哈哈~

      刪除
  5. 回覆
    1. 薰衣草,無! 向日葵,無! 葡萄樹,都無! 因為復活節去未係時候,今次純粹貪平,求其搵一度地方去,所以無顧及咁多呀。

      刪除
  6. 喺歐洲係咁㗎喇。 閒閒哋都食成兩個鐘。 所以有時趕時間我哋只會買 fast food 又或者買 sandwich 車上食。

    銀仔,雖然我好同意你港人抵頭族,去旅行最好改。 但係去旅行冇網絡咭旁身實在有點不便。 好似依家我會用 google map。 google translate 仲可以即時將個鏡頭對住啲法文佢會顯示出英文。 點餐都易好多。 有時講唔明,我叫人响部機打,即時翻譯。 真係好方便㗎。^.^

    回覆刪除
  7. 趕時間就無計,不過D fast food感覺好唔抵,入餐廳仲有so
    方便係幾好嘅,不過可能我較鍾意這種"盲淙淙"嘅旅行方式,所以都唔用了⋯ 另外google map有離線功能,之後西班牙再租車係靠佢架!

    回覆刪除
  8. 睇你d相,今日天氣好似麻麻地…

    回覆刪除