2015年8月19日 星期三

Day 1 未出發先興奮(西班牙巴塞隆拿)

(Day 1) 2015-04-01
住宿:TRYP Barcelona Aeropuerto Hotel
行程:香港 —> 莫斯科 —> 巴塞隆拿


這行程銀仔多左個名,高 Ling佢地全程叫我做團長,呢D名稱好似用來”孭鑊"喎⋯

高ling同港女最先到達機場check in,食住早餐等。我和另一位團友Ellen比較「準時」到機場,所以早餐臨急臨忙咁食。集合時,港女嬲我將佢袋護膚用品寄艙,詐晒型... (港女按:有人又話要食澳門茶餐廳乜乜乜,最後又係趕頭趕命。本來想喺禁區買護膚品,但唔捨得俾幾百蚊,見隨身有潤手霜、潤唇膏就算了。其實帶護膚品上機,除咗保養之外,仲有打發時間嘅用途,可惜銀仔唔明白呢個道理。)

過緊保安檢查時收到通知,我地有得upgrade,當然即時衝去登機口,唔係機會無左點算?
@1025


上到飛機, 嘩!原來upgrade了我地特選經濟艙,即商務及經濟嘅中間。座位闊落得多,我咁高都唔頂腳呀,仲有座位周邊設施,已令我有坐緊商務嘅感覺喇。團友們個個心花怒放,係咁玩頭燈、腳墊,覺得是好的開始,而港女亦下咗啖氣,哈哈~ 銀仔第一次有呢種享受既感覺,仲要係長途機添!銀仔終於脫離「這些機會不是屬於我的」Wakaka~





右面嘅係我上次搭俄航時用剩嘅濕紙巾


食飛機餐時特別招待,由空姐替我們打開主菜餐盒嘅錫紙,好大份嘅飛機餐,仲有餐巾、金屬餐具,認真大鄉里... 唔係,係窮風流嘅銀仔,第一次咁歎咋!港女起飛前上網search,原來這個客艙係上年年尾新推出,價錢比經濟客位貴大約一倍,今次名副其實「未出發先興奮」。 



食飽飽擦牙瞓覺 (港女按:之前搭通宵機都瞓唔到,日光日白又邊會有睡意?只好睇戲、睇書同埋玩candy crush打發時間。自從飛機有USB充電之後,只要帶條線就搞掂,唔使連埋重到死嘅「尿袋」,好方便呀。)
@1420


瞓醒想睇吓戲,可惜只有英文及俄文囉... 我文盲嚟㗎嘛⋯

約十小時後,到達莫斯科Sheremetyevo機場。窗外見到雪,從飛機廣播得知,莫斯科氣溫只得1度。徒步行去另一個客運大樓,見到有普京肖像T-shirt的自動售賣機,唔知換轉喺香港會點呢?轉機有三個小時空檔,高Ling建議去間有wifi嘅cafe上網打卡,每人一杯飲品盛惠約30-40HKD。咦!諗諗吓,盧布大跌後咪即係半價?記得幾年前,莫斯科物價明明好貴嘛。

港女扮野教俄文



1850時登機,呢班機只有一半乘客,坐返基本經濟艙,有少少返唔到轉頭嘅感覺。由於我早一星期已調較好生理時鐘,食完飛機餐後等於香港半夜,覺得仲有精神,而三個港女已瞓到死豬咁lu。好驚,唔知一陣到巴塞會否有危險呢?擔心擔心...


同剛才差好遠⋯



第一晚入住由高Ling預先book好嘅機場酒店,並一早得知酒店接駁巴士定時服務至2300時。我們2300時到達巴塞隆拿機場,所以要致電酒店安排。喺商店換了€1打電話,就咁就用左€1啦... 由港女打電話用西班牙文溝通,職員亦確認咗等接駁車地點,仲話要等15-20分鐘。
沿住機場酒店專車嘅指示牌行,出到戶外,又唔算好凍,空氣仲幾清新。去到等車地點,入住其他酒店旅客陸續上車走人,我地就等咗一段時間。原來呢班接駁車都坐爆晒,咁好心服務時間延長D啦!浪費晒啲電話費!

上車後經過十多分鐘才到達,為何離客運大樓咁遠都仲叫機場酒店?

機場廣告

機場停車場一景

14 則留言:

  1. 銀仔有冇睇吓啲樓盤,買房移民呢??

    回覆刪除
    回覆
    1. 睇吓地產舖咁啦,D樓真係好鬼平! 無話要移民嘅,純粹想係外國生活吓。

      刪除
  2. 銀仔娶咗老婆之後,運仔都好埋,記得對老婆好D啦...XDDDD

    回覆刪除
    回覆
    1. 可能佢同我呢個老公都好運呢! 哈哈~

      刪除
  3. 張機票平,仲有upgrade,抵到!!銀仔真係有銀賺啦。
    o拿,錫老婆會發達o架!

    回覆刪除
    回覆
    1. 今次真係賺呀! 最緊要係長途機。
      錫老婆會發達? 係咪架⋯

      刪除
  4. 伱係咪飛同一组飛行哩数航班,見伱係vip 客 upgrade 呢?

    回覆刪除
  5. 銀團長下次學識要細心啲醒目啲XXD
    俄航啲機睇落唔錯幾新淨又夠闊,正呀
    銀嫂今次多幾個女伴同行一定開心好多.....

    回覆刪除
    回覆
    1. 今次直頭三個女人一個墟啦!
      俄航香港航線唔錯,擺明搶客。 另外個位闊位upgrade左,不過普通經濟位都唔太窄。

      刪除
  6. 有得upgrade好正ar! btw, Aeroflot ok嗎? 上網d人成日話ma ma地, 但睇你d相又ok bor!

    回覆刪除
    回覆
    1. 一DD航線咋,香港航線唔錯,如內陸機嘅好差。

      刪除
  7. Silver,坐飛機upgrade好開心咖,我試過飛沙地阿拉伯經濟位upgrade為頭等位,超開心.Upgrade first class有秘訣,要著到成個行政人員咁.

    回覆刪除
    回覆
    1. 阿聯猶用A380喎! 你就好啦~
      我每次都平民Look,睇嚟除了人為外都無乜可能會upgrade我了⋯

      刪除