Day 13 萬能女俠(寮國琅勃拉邦)

(Day 13) 2014-6-1

住宿：Thony 1 Guesthouse 

行程：琅勃拉邦

已經幾日，同租車公司既職員已打成一片了，公司內個個都係朋友! 尋日老闆話有請開人洗衫做家務，即靚仔Siay個老婆，叫我放心攞衫黎洗喎！

等我攞左D衫褲來，先知佢今日放假，並叫年青人Siay幫我洗，我即時示意因為我當佢係朋友，所以唔比佢洗，此時Say不耐煩既樣，二話不說說搶左我D污糟衫褲，裡面還有炒過車既污糟衫，入去廁所用純熟既手法洗衫，問她做乜唔買洗衣機，因為話請左人而無買喎！

午睡後靚仔Siay車我去舖頭，老闆Say剛剛做完運動，買了兩大束鮮花回來插花，我同埋Siay 都一齊幫手，而對面屋既婆婆來到探訪，當地人叫呢D婆婆做"Grandma"，並送一瓶花給婆婆，並一齊食我最愛既芒果～

食完後GrandMa又為我祈福，手上又多兩條幸運繩了～ 當見86歲既GrandMa要返對面既屋企時，老闆Say親自扶佢慢慢行返屋企，我望住佢背影，真係好似有一個光環，神聖不可侵犯咁呀！ 

食飯前Say 又帶我去洗頭，但今晚太多客了，Say又肚餓，要快便要親手替我洗頭，我當然say no啦，但佢眉梢言語間仿佛有一種威嚴...

洗頭時見佢用純熟既手法，跟洗頭職員無異！ 佢話一個人既時候，很無聊，就來到這裡學化妝、洗頭，又買埋晚餐請晒職員一齊食，所以熟晒喎！

今日星期日，好多餐廳都無開或提早關門，於是求其係河邊搵間餐廳食完就返guesthouse 啦！

回程見佢手車好掂喎！ 我話香港部份女子揸車比較差（得罪晒）我問佢究竟有乜野係唔識架？ 真係一個超人！

嬌滴滴一個女子有自己租車公司、又曾經辦學有笡地、又有時裝店； 嗜好玩實彈射擊、槍械、做運動、辣跑電單車、插花； 懂得煮飯、用手洗衫、揸車、用髮郎妹手法洗頭； 對老人家有愛心，對員工當朋友看待，加上有錢! 有錢後通常都唔會做上述好多野既! 完美既女人，就係寮國遇上!

心動？ 無! 因為我有港女，而我對佢只係欣賞!