(Day 12) 2014-5-31
住宿：Thony 1 Guesthouse
行程：琅勃拉邦
瞓到日上三杆，食完飯返guesthouse 再打遊記，回想尋日與老闆Say一起相處既時光，不禁打個噤寒，我就無野，因我對港女一條心，餘下日子都係不見佢為妙…
所決定今日全日留係Hostel 休息!
打遊記到黃昏無咁熱既時候，決定慢步出去走走，並去城鎮另一面既夜市食飯，諗住受傷後第一次正式外出，仲帶埋相機tim! 點知係馬路上有人叫我個名，原來租車老闆Say正駕駛私家車，準備去食飯，並叫我上車一齊食⋯ (個鎮真係好細) 佢話關舖後職員全部有佢地既家庭，一係就拍拖，所以每晚都自己一個食喎… 我諗，反正我尋晚都表明有女朋友，做個朋友有乜問題？ 旅途上就係結識到好多朋友架啦！ 好似早前識既法國男人Julien，我現在經常回憶起一齊探險過既山洞，當正佢今個行程既莫逆之交架！ 依家因為我有港女就咁多顧慮？
打遊記到黃昏無咁熱既時候，決定慢步出去走走，並去城鎮另一面既夜市食飯，諗住受傷後第一次正式外出，仲帶埋相機tim! 點知係馬路上有人叫我個名，原來租車老闆Say正駕駛私家車，準備去食飯，並叫我上車一齊食⋯ (個鎮真係好細) 佢話關舖後職員全部有佢地既家庭，一係就拍拖，所以每晚都自己一個食喎… 我諗，反正我尋晚都表明有女朋友，做個朋友有乜問題？ 旅途上就係結識到好多朋友架啦！ 好似早前識既法國男人Julien，我現在經常回憶起一齊探險過既山洞，當正佢今個行程既莫逆之交架！ 依家因為我有港女就咁多顧慮？
佢知我洗頭好困難，所以佢帶我去saloon 洗頭（$15-HKD)； 之後去一間全鎮唯一一間日本餐廳食晚飯，可能物以罕為貴呱，價錢比香港還要貴； 佢仲話十多年前剛離婚唔開心時，就經常一個人來食野喎。
食完飯正車我回guesthouse之際，佢收到電話佢細妹有兩個friend係附近，於是就一齊落當地酒吧飲番杯，佢阿妹既朋友果然係年青人，佢地一男一女係泰國人，來這裡guesthouse 打工。
飲完再去食老撾燒烤，之後交換了facebook就歸家了～ 回程車上播出既一首歌，全車既人好陶醉咁係度唱，呢首歌我係之前搭小巴入琅橋都聽過，當時個司機都口upup唱架! 睇黎好鬼Hit咁噃! 一問之下竟然係泰國歌曲，佢地話寮國文同泰文好相似，如你好叫”沙嘩Dee”，好多野都受泰國影響，好在佢地係泰國人，可以send首歌比我聽； 我當年就係係克羅地亞，係當地經常聽到既一首歌曲到依家都未搵個名，真遺憾⋯
到今晚飲得多左，返到去涼都無沖即刻上床瞓覺Lu...
旅途上遇到的人和事總會令人回味^^
回覆刪除唔敢回味⋯ 快D打完就算⋯ 哈哈～
刪除能在旅途中遇上、也是一種緣份呢！相處愉快也豐富了行程與回憶！
回覆刪除無錯! 最緊要無行差踏錯啫~
刪除又食燒烤，有冇涼茶飲o架？聽歌唔知歌名，我時時都係咁喇！
回覆刪除邊有涼茶喎⋯
刪除唔知歌名唔緊要，最緊要搵返隻歌!
飲多咗，仲唔沖涼 。。。黃河水都幫唔到你囉>:)
回覆刪除真係乜水都唔清⋯
刪除心動......嘿, 作C呀你!!! 港女睇見肯定嬲到爆啦........ @@
回覆刪除無心動呀⋯
刪除一早已如實報告左啦! 嬲到爆!
佢都叫我如實寫出比各位聲討喎! 嗚嗚⋯
咁同法國男有冇交換了facebook？
回覆刪除佢無facebook,但交換左Flickr相簿
刪除拿拿, 上一篇讚壞左, 睇埋呢篇o既事態發展, 作為一位女性, 我就唔幫你喇! 你俾緊藉口自己再同寮國黃翠如相處bor, 應該話有事唔得閒嘛
回覆刪除但佢車出車入果吓吸引嘛⋯ 嗚嗚⋯ 係我錯⋯
刪除OK 啦，佢都仲未話鍾意你，你又講明名草有主，做朋友唔算過分丫，不過可能仲有下文？
回覆刪除「克羅地亞，係當地經常聽到既一首歌曲到依家都未搵個名，真遺憾」–––– 我第一次去印度恆河城市Varanasi匆匆一日，街頭行到街尾都聽到一首印度文歌，當時唔覺特別好聽，但對我來講佢就代表左 Varanasi，第二次再去Varanasi 住左幾個禮拜，依然成日聽到呢首歌，臨走果日好想買隻碟留念，但唔知歌名揾唔到，好遺憾！於是返到屋企，憑著印象最深刻一兩句歌詞，上網 Google揾左個幾鐘，竟然真係被我揾到！上年第三次再去恆河流域，我終於買左隻碟，仲買足兩個唔同版本！
真係幫我講好說話⋯ 我留係當地未完架⋯
刪除印度文你都識？ 好勁噃~ 買CD，我有時都會咁做，玻利維亞local tour坐車係山區聽住傳統既音樂，別有一番風味，最後係街邊檔都買左了~
今晚飲得多左，返到去涼都無沖即刻上床瞓覺==>俾我一定唔信囉...港女有無大刑侍候你呀?
回覆刪除有乜懷疑呢？ 你哈好係度製造恐慌噃⋯ 嗚嗚⋯
刪除