Day 4 去左泰國？(雲南西湘版納)

(Day 4) 2014-5-23

住宿：金色港灣大酒店

行程：西湘版納

我去旅行既風格當然係瞓到自然醒啦～ 0930起床，過左酒店連埋早餐時間了… 反正國內食野便宜，都無所謂，比著係歐洲一定唔好蝕呀！

起床感覺喉嚨乾乾地，似作病先兆，即時飲D清熱既沖濟先! 希望無事啦…

先去長途巴士話買定聽日0730開往寮國琅勃拉邦既車票，¥180，然後係站內無人既旅遊資訊枱面攞長地圖，一邊食野一面研究去邊度好，市內大彿寺雖然係地標，但太過商業化應該唔好了，反而想去傣族村落感受一下，地圖有介紹叫傣族園，問隔離枱既當地人傣族園是真正村落，只是有私人公司包起來辦理，好！一於去睇睇！ 食完呢個人仲請埋我Tim~ no pay，太好了～

食完幫路邊婆婆買隻圓錐體既迷你糉食，然後返酒店放底本寮國指南，以減輕重量； 

傣族婦女

路牌，建築物好有特色!

沿馬路向南行去到版納車站，站裡面更殘舊暗暗的，係往附近鄉村的車站；於是¥18搭去猛罕鎮(又名橄欖貝)，沿路是山路，不是高速公路，途中見有大量既橡膠林、蕉林、及一個名叫菠蘿山既地方，種滿菠蘿！ 

1小時40分鐘到達猛罕鎮，再轉¥3三腳雞去傣族園，個車伕係一名大叔，上車時已不停講那傣族園收費，並向我講解每種門票，起初我以為佢想呃錢… 我買了入場費$40，接駁車票$50，呢位大叔太好人，仲話佢都六十幾歲，呃我D錢都無用！ 乜雲南咁多好人架～

入場正直歌舞表演，去睇睇先～ 乜個個傣族女仔都有腹肌架！  睇完幫襯門口小食檔，園內是真正傣族人聚居，看見D婆婆擺賣，不自覺想幫襯多一點； 傣族食物以煎、炸為主，叫左太多食唔晒，個圓形大米餅食剩一半比番婆婆。 不過食野期間看見剛表演完D傣族美女出來，有D肥肥地架… 呢D點解頭先見唔到既？唔通係後排攻擊既？ 見佢地好似自己家人咁係攤檔度自己整野食，仲用傣語溝通Tim! 睇黎係無花無假噃～ 


行到水池有每日一次既潑水活動，只見後生既傣族姑娘木無表情⋯ 鬼咩! 原本一年一次既民族節慶，係呢個村內變成公式化⋯ 

食完見全市都咁多菠蘿賣，我都幫婆婆買番個先，¥5人仔，砌完4份，見婆婆入袋，我話唔使，拎住成個食先夠豪氣嘛！ 沿路D傣族阿姨見我咁食都係度笑呀～ 菠蘿食落好味，唔酸無渣既，怪不得有人講西湘版納既菠蘿係最好食架啦～

回程見到兩個自由行阿姨，一個大約五十零、另一個起碼有六十多歲既婆婆，一貫係香港見到既自由行風格，即講野大聲，趕頭趕命等！ 係園內見佢地趕頭趕命趕最後一班開往門口既接送車，果位婆婆最後都要擺番個不失霸氣既pose影完相先上車! 哈哈~ 

上車後一見佢就係度嗔，話剛才包車比人呃，又車佢地講物，又肯到目的地等… 所以我都同佢地講，旅行為開心，我都盡量坐公車唔使勞氣! 於是我地一齊坐公車回景洪，深入了解後，發覺佢地係一對好可愛既阿姨同婆婆，成五、六十歲人仲夠膽自由行，言語間仲大唔透咁，係香港真係少之有少，其中年長既婆婆仲用單反Tim! 同我交流吓影相心得，知道我要去寮國後稱佢都想去喎～ 哈哈～

我係湄公河，內地稱為瀾滄江落車，原河邊既長廊慢慢行； 我對東南亞無乜認識，只知湄公河係泰國，原來源頭係中國喎！流經寮國再到泰國。 呆望湄公河，下個目的地就係寮國相見啦！

晚餐求其食一間自稱土產既餐廳，餐牌上有狗肉! 我當然無點這道菜啦⋯ 食完同友善既老闆娘傾計，係多民族既雲南，我最好奇當然係乜野民族啦! 佢話係哈尼族，向我講解兩這既截然不同既分別，傣族女子皮膚白，身形窈窕，而哈尼族則皮膚黑黑，有水筒腰等⋯ 哈! 又會有咁大對比既!