Day 4 疾走倫敦(英國倫敦)

(Day 4) 2012-09-24
住宿：Hotel Aaren
行程：Liverpool --> London
起床開電視，天氣報告發出暴雨警告，雨帶覆蓋英國中部呀！ 旅行先落雨真係慘,稍後仲要返London架...

@0730

瞓醒起酒店既健身室做一陣運動後，就食酒店既豐富自助早餐，來到英國真係好，可以食到全脂既乳酪,係香港超市全都係低脂，對於我呢D食極都唔肥既瘦人來講真係慘•••

(打blog時惠X超市有得賣啦!)
@0915由於室外落大雨，叫reception幫我地call 的士去火車站，都只係£3•6咋！唔同D落後國家，成日要同D的士司機鬥智鬥力，可能車資最後仲貴過D先進國家！英國•••應該係暫時旅途中我最想搭的士既地方~
搭1048開出既火車回倫敦Lu... Byebye利物浦~  港口，足球，Beatles... 利物浦真係一個好有自己特色既城市呀~


利物浦火車站 & 火車

今過行程仲有個退休同事Tim哥及佢既女友Esther跟我玩冰島; 起初佢叫我如果旅行叫埋佢,點知山卡啦佢都真係跟埋黎喎! 哈哈~

所以今日就要返倫敦會合佢,而佢亦Book好左住宿,今晚一齊住。

1315回到London Euston火車站，用站內既free wifi 睇google map search 到住宿Goodge St.離這裡不遠，只是兩個既地鐵站，與其上上落落，不如步行前往 ! 20多分鐘既路程，先到退休同事Tim哥當地朋友既舖頭裡，取Tim哥入住既房間鎖匙，然後再過隔離街上房••• 由於我早過Tim哥幾日到英國，而佢當地既老友又幫佢book左間三人房，今晚就決定4人屈蛇先~  而Tim哥一早已外出遊覽，所以就先放低鎖匙係他當地朋友既舖頭裡,方便我取匙。



安頓好就用僅餘既時間，唔好蝕既心態，set左三個主要景點，一次過要睇晒! 將近日落時，全日烏雲蓋頂突然轉晴喎! 真係難得好天氣呀~


國會大樓


國會大樓一角

西敏寺

食D野先~

拿!!! 報紙都話尋晚場波,利物浦比曼聯老笠呀!!!

公園內好多松鼠呀~

邱吉爾像

白金漢宮

好天氣~

倫敦好多人踩單車,好環保~

London eye £19，大笨鐘，白金漢宮好集中，一口氣去晒~ 而London eye就特登留到日落後既黃昏先坐，因為想欣賞magic hour呀~ 最後才坐地鐵去較遠既London Bridge 同Tower~不過去到太夜啦！而且又勁大風，又凍，成個人都散晒... 食唔到港女plan定既Jimmy Oliver餐廳Tim...晚餐返住宿附近既意大利餐廳£17

London bridge falling down呢首歌,我相信好多人小時候都誤以為係London Tower呀! 當然我都有份啦~ 哈哈~


剛開燈既國會大樓及大笨鐘


London eye 欣賞magic hour