斐濟考察團(Day 6)(完)

(Day 6) 2010-3-18

行程:Fiji --> HK





成晚係無冷氣既程況下無乜點瞓

便提早起身出去室外睇星星等check out

南半球既星空好美

見到條銀河!!!

係我旅遊歷程見到既星空

一次比一次靚


由埃及去到撒哈拉沙漠

之後既中亞

再到依家南半球…

原來從網上資料講

南半球既星空原來係最靚既!!!

等我下次攝影技術好D一定要影低佢!

============================



是日0500酒店checkout

之後早機回港…

最唔捨得既係朝夕相對既

當地導由阿Joe…





諗諗吓自己都差不多十年無跟團law…

再者就係因為跟團

令到我再次留意到我地講既廣東話

原來咁鬼死嘈架!!!

無論我地一團人去到邊處都帶來嘈音!

我記得係Malolo島坐船回程時

可能團友玩得太癲

全程兩個鐘既船程

就係船艙裡高談闊論

並騷擾到其他同船既外國人

我當然遠離佢地啦…

之後仲見到同船有其他既香港人

(見佢地應該自己來潛水既)

差D隱唔住要大鬧一場tim!!!

不過最後都忍住怒火

用相機影低左班團友嘈吵既一面

可能掉上網瓜…

================================



今次體驗斐濟之旅

我諗都體驗唔到斐濟既十分一

斐濟呢個地方

對好多香港人黎講都係好陌生

好多同事知我去斐濟都話

果度居住係黑人

打甩肶好危險架...等等…

但佢地唔知道

南太平洋有好多島國跟本就係一個天堂

就如我夢想既大溪地一樣!

如果唔係世界首富蓋茨

都唔會選擇係斐濟honeymoon啦!!!

最後值得一提,而又好有趣既係

係斐濟不論係大小商舖

酒店,機場或飛機上

手信既價錢都係劃一架!!!

唔使四圍格價又唔驚比人呃

真係好呀~



係飛機上買既行李牌,勁靚! 都係為港幣十零蚊咋!!!