住宿 :唔記得名既廉價賓館 $60
行程 :長安 --> 漢中
今朝溫度比較和暖
約有十度…
可能由於天氣寒冷零舍好瞓
所以就賴床至0930
先去一間大型連鎖店"李先生牛肉麵"食早餐
長安週圍都係牛肉麵
當然要一試啦~
店內環境舒適
不過就有人為因素…
因為我揀左個卡位坐
卡位長櫈上有一啖濃啖"痴住"
同我條褲有10cm…差D…
好彩及早發現咋!!!
D同胞公德心真係好呀!!!
================================
早餐後去火車站對開既長途巴士站
諗住搭巴士落漢中
但最快要1600先有呀!!!
個職員話城西既長途車站班次會較頻密
其間不斷有白牌兜我
話每人$80蚊woo!
覺得有D貴…
於是搭103號公巴由我地城北搭去城西
長安D公巴只需一蚊,都幾抵~
去鄭州既高鐵
長安有好多牛肉麵同肯德基~
去到城西1200
剛好有一班1215落漢中
票價$83.5…
原來跟白牌車一樣價錢
不過就十分舒適及服務周到
車上有一位女服務員
開車時會介紹本班車
除左同國語外
仲用埋流利既英語講解tim!!!
另外仲有部水機係車頭
如你有水樽
服務員會幫你添飲架~
不過講開外語
之前係兵馬俑
都有唔同既語言導遊服務
可見長安部份人既學識都唔差呢~
大把車去漢中
=================================
古人有整兵馬俑工程既艱巨
現代亦都有做福人民既浩瀚偉大工程
就係我今次行經既西漢高速公路
其實西漢高速公路
只不過係整個工程既其中一段
沿途所經既係一條又一條既隧道
原來淨係隧道既話
就有136條穿著山嶺
可想工程既艱巨
由10個鐘既車程宿短至3.5小時
現時就算搭火車都要8至10個小時呀!
不過正在起緊高鐵…
可能係更艱辛既工程!
=============================
不過大陸依家好似控制柴油供應
成日都無厘頭塞車
就係因為D大貨車排隊入油呀!
之後仲遇上車禍而大塞車Tim…
最後要成6點先到漢中既高速客運站呀!
問清楚後就再轉公交大巴去中心廣場
因為中心廣場有車前往有諸葛亮墓既勉縣呀~
落車時有種興奮既感覺呀!
因為已踏入三國既蜀國領土啦!!!
漢中既溫度超凍
我諗只係得5度…
勁凍呀!
搵左間Up dup酒店後
就係附近既大排檔食煲仔
係咁凍既環境下食煲仔真係滋味呀~
煲仔只係$10蚊
揚州抄飯$6蚊 ,勁抵呀!
不過D小炒牒上就舖左層膠袋
應該係費事清洗…
難度佢地唔知膠袋遇到咁熱
會釋放至癌物質咩!
勁似我隻死鬼豬扒呀!
==================================
飯後去中心廣場行吓
竟然見到有好多人放狗woo!!!
仲有差不多成百人集體跳舞tim!!!
聽講話係上海d人都係食飽飯就跳舞架!
睡前係一個冰冷既廁所沖涼
真係難受呀!!!
Ps.雖然我好鍾意去旅行 ,
但係第一次係外地過生日咋...
不過就比較平淡...
沒有留言:
張貼留言