住宿 :白天鵝大酒店 $160
行程 :漢中-->勉縣-->漢中
今日既行程就係去勉縣
"拜"會三國時蜀國既歷史人物
亦都係今次旅程
對於我而然係重點所在!
相信大部份既三國迷
都係偏向鍾意蜀國…
就係因為三國演義既作者"羅貫中"
刻劃成劉備就係代表正義之師
亦有好多當時代表性人物
如關公,趙子龍,諸葛亮等都係劉備麾下!
令到劉備既勢力係三國演義裡佔去最多既篇幅!
所以我都當然係佢既FANS啦~
======================================
大清早0800起床…
寒冷天氣起床真係辛苦呀…
先去食早餐先
點知一落樓既天氣係…大霧…
其實漢中既空氣好過長安好多架!
仲諗住見到藍天tim…
好有霸氣既名~
早餐食當地人食開既"面皮"+"稀飯"
果D面皮落左好多辣油好鬼辣!
不過黎到漢中發現同一個秦嶺之隔既長安
雖然同屬陝西省
但係人民生活 ,飲食都有極大分別!
漢中主要食既係辛辣食物
所以係街成日都聞到四川辛辣既味道!
可能漢中跟本就算係蜀
唔算係中原
因為古人係長安經棧道入漢中已叫入蜀嘛~
====================================
食完早餐攞齊行李check out
就去中心廣場旁既漢中汽車站
搭公車去勉縣啦~
車票7.5人仔!
車既類型係叫”流水班”即16座小巴!
我諗係最cheap既類型瓜…
開車後沿途兜客
相信都唔使一定要係汽車站搭…
45分鐘車程去到勉縣
就有一種強烈劉備蜀國既氣息
因為D街道取名武侯南路
週圍到見到諸葛亮既banner等等!
首先去既係武侯祠
乘搭三腳雞 ,需時幾分鐘就到!
全國雖然有好多武侯祠
但呢間係歷史最悠久既
話說係當年諸葛亮死後
後主劉禪下令興建黎悼念諸葛亮既~
無宗教信仰既我
抱著朝聖同入廟拜神既心態
點知入場費就要索取$40大元人仔!!!
真係儉財
今日世界好多野都真係變晒質
彿寺廟宇跟本就唔可以有商業性質
係靠D善心信眾自願既捐款的;
就算以宗教國度
你地D貪錢既人
用D神仙 ,彿 ,先人來賺錢
跟本就係褺瀆神明!
我希望佢地會得都上天既懲罰!
再者一般平民百性咪想上柱香都好難?
諗吓當地使費搭程車都係1蚊!
真係不知所謂!
千理迢迢黎到無理由唔入去架!
最後係好唔程願既情況下pay左入場費!
廟內有好多關於三國故事諸葛亮既畫
有好多名人既真跡留下 ,如李商隱等!
而且仲有傳說係當年空城計
諸葛亮所彈既琴tim!
上香既大殿上
右排有文官
左排有武將既神像
比我發現一向同諸葛亮不和
而且仲作反既魏延tim!
不過去到大殿諗住上柱香
個道士話D香係比師父上(道士)woo!
啱啱明明有一大班旅行團既婆婆上香
肯定係因為我無添香油既原固!
我認為先前比你地屈左入場費
就已當係香油啦…
最後跪拜左三下
願孔明在天之靈
懲罰你班貪錢既無恥之徒!!!
都無諸葛梓岐既???
祠內望江樓上望漢江~
沒有留言:
張貼留言