人生在世 ,係咪應該盡量享受人生呢?
早幾日前 ,一向辛苦同硬頸既婆婆突然倒下 ,仲要係屋企堅持左幾個鐘 ,先肯去急証室
經醫生診斷後証實為"中風"右邊身不能動...
由我細細個 ,過時過節去阿婆度食飯 ,都見佢親自下廚 ,婆婆都好咀叼 ,成日都要食好野
佢親自下廚 ,又唔比我地幫手 ,自己廚晒十幾人既飯餸 ,通常都係我地差不多食完佢先廚晒飯出黎食...
直到呢十年八年搬左入東涌 ,都時不時堅持出黃大仙 ,荃灣等地買餸 ,一買就買好多 ,佢話東涌d餸又貴又
唔靚woo...
自己一份既堅持 ,為家人廚飯廚足三餐 ,一世粗勞 ,從未享受過 ,為什麼???
唸起呢點我都好傷心 ,好彩早前端午節有去婆婆度做節 ,食到佢整既晚飯 ,同比左d錢佢 ,都未算遺憾...
不過就算係醫院病床上 ,都成日話要返屋企開飯 ,意志真頑強 !
可能婆婆依家先係一生人最舒服既時刻 !
婆婆呢個case ,令我唸到 ,人生在世 ,係應該要去享受既
當然係要能力範圍內啦~
好似有個有錢人爭家產 ,比佢贏左挪到筆遺產 ,最後無耐都係因病去世 ,有錢又如何?
每個人既金錢 ,功名 ,是非成敗最終都係一場空咋!!!
所以我一向唔鍾意隨波逐流 ,用自己方式生活
目前既目標係想住好d ,想返到屋企都有放假去旅行既感覺 (唔知得唔得呢? )
我會同旅行既目標最個平衡的 !
祝你婆婆早日康復...
回覆刪除你婆婆真係好辛苦... 好似我阿媽... 我阿媽都係成日都要一個人煮, 一個人食, 因為人地食完, 佢先岩岩煮好... 希望你婆婆快d好返啦!! 你咁樣即係過一日算一日啦~ hahahaa 我就覺得人生要有目標, 有理想... 當達到目標先再去享受, 起碼叫做成功過先~ 各人有各人諗法, 你要比人觀賞, 我都冇計... hehe ~ 開心啦, 熊貓先生!!
回覆刪除會在禱告中記念你們.....是的,應該襯後生放眼世界!
回覆刪除最近幾年我有些親戚也常常出入醫院, 係會唔開心 .... 祝早日康復
回覆刪除你婆婆咁辛苦都要整餐飯比你地食, 無非都係想你地開心..好多人覺得施比受更有福, 可能佢見到你地開心, 佢都一樣咁開心哩 祝你婆婆早日康復, 身體健康
回覆刪除阿清 , 金順 一十一 & Amkiki : 代婆婆多謝你們~ 阿泰 :無錯 ,大家方向唔同啫...你係度唔好再亂講野呀 ,第日等你返黎唔比你入境丫拿 !!! 呵呵~
回覆刪除希望你婆婆早日康復...我都 唔鍾意隨波逐流 ,用自己方式生活！努力加油搵間靚屋！
回覆刪除完全明白. 在年青能壯之時, 應該多做點想做的事......不要讓自己將來後悔. 祝你婆婆早日康復, 身體健康!
回覆刪除水晶晶 & 小雲 : 無錯 ,所以我正努力儲錢中!
回覆刪除~ 路過 ~ 其實咩叫享受人生? 在你眼中,你婆婆佢 為家人廚飯廚足三餐 ,一世粗勞,從未享受過...但可能對老一背的佢黎講,佢可能會enjoy這一種生活,忽然由無事(不)忙,變得冇事忙,may be佢更覺難受,比多d關心佢啦~ 祝佢可以保持心境開朗! >想返到屋企都有放假去旅行既感覺 得咩?! 祝你成功!
回覆刪除其實你婆婆已經享受緊生活，因為佢煮最好食既野俾你食，佢見到你過時過節探佢，佢有一個咁愛佢咁乖既孫仔已開心啦﹗你婆婆好快沒事，好快康復﹗
回覆刪除整餅 & Stella : 你地又講得岩既 ,可能佢真係享受woo ! 代婆婆多謝你地 !
回覆刪除你實得呀!!!努力呀!!
回覆刪除