2007-7-9 Day 9
住:Nuwayba 約HKD$150
今日去左Dahab 北面約一個小時車程既另一個沿海城鎮Nuwayba(音"努威巴") ,呢度有渡輪前往約旦(起初就係唸住係呢度搭船去約旦架,如果唔係Delay左幾日既話...)
Nuwayba街頭 |
到Nuwayba左食完晏後 ,便去搵吓住宿 ,見到有Police既旅客資訊中心 ,就入去問吓 law ,點知d 差人話Nuwayba 最平住宿都要5 ,6百蚊一晚woo...我死都唔信架 ,睇黎埃及既差人都係衰人... (因為睇書同網上睇人地對埃及人既評語都係衰人黎架 )
唸住Nuwayba有碼頭,會比較發達 ,點知仲落後d...呢度仲未發展旅遊業架 ,只有寥寥可數幾間酒店 ,大既有希爾頓酒店 ,其他就係好似係Dahab咁既渡假村小屋 ,當然無咁靚同落後好多啦!!! 遊客欠奉,睇黎呢度純粹係為搭船來的旅客過境的地方。最後用約HKD $150住一日沙灘小屋 ,足以證明埃及既差人都係衰人黎既!!!
酒店無人既沙灘 |
相隔一日,個肚仲係好唔舒服仲有 d頭痛同發冷tim ,尋日食左大力係藥房買既藥都無用既... 不過瞓左一陣竟然好返woo~
於是同阿泰係海邊浮潛,呢度係石灘為主,不過海水一樣係勁乾淨清澈呀!!!水裡有好多好多,好大好大既海膽 ,我好鍾意食架,不過當時仲未識開 ,一"卜"就散晒... (依家識lu ,電視有教)
跟住無耐就玩浮潛揭開水中既石頭 ,竟然見到有隻尺幾長既...唔知係"墨魚"還是"八爪魚" ,由於無"架餐",於是立即上岸係垃圾筒搵個膠袋 ,唸住夾手夾腳捉佢挪黎晚上 BBQ ,其間佢又噴墨 ,又吸住我地隻手 ,又走來走去 ,最後用左好多好多時間 ,唔知有無一粒鐘 ,終於將佢制服 ,放是埋一邊飬住佢。然後繼續揭開水中既石頭 ,捉左d 海參同石頭魚挪黎玩左一陣 ,不過同阿泰合力揭開一舊大石時 ,仲見到一條啡黑色間條既水蛇 tim!!! 嚇到我即刻"笠水"唔敢玩...
唔識死既阿泰竟然繼續自己玩...後來聽酒店老闆講,呢 d 蛇無毒woo ,不過都會咬人 ! 酒店老闆好好人 ,仲用針幫我挑左被海膽吉親 d刺 tim ~
晚上走左去碼頭又食燒雞 ,電視播緊係成龍 ,洪金寶 五福星系列既戲 ,配上阿拉伯話同字幕幾得意呢~
返到酒店由於食得太飽 ,隻墨魚送左比酒店老闆 ,於是問佢借左 d 魚排 ,潛入隔離酒店範圍既小碼頭吊魚 ,不過大家都無收穫...
晚上係隔離酒店小碼頭見到既魚 |
耳...你第九日係咪已經同阿泰分開左架啦
回覆刪除你都捉左好多好特別既海洋生物喎, 點解最後果條魚咁似蜻蜓既 ?
回覆刪除其實你唔使食燒雞, 食o左隻墨魚和海參都夠飽啦
回覆刪除阿清 : 哦!!! 你無留心... 上文仲講緊同阿泰一齊捉魚呢 ! 我返到開羅後先同佢分開架~ amkiki : 唔知果條係咩魚黎呢? 一十一 : 我地4個人驚唔夠食嘛...不過依家有d後悔無食到...
回覆刪除你都好大膽,有 d 海魚有劇毒 ga ...... 好彩條水蛇唔係毒蛇,不然俾牠咬到都幾麻煩!我睇見你呢篇卜,又開眼界又嚇親驚 。你年輕人是應去冒險下尋求刺激,我只適合舒適享受旅行 ! p. s. 祝你心儀 [ 利物浦 ] 大獲全勝 !
回覆刪除寶寶 : 我緊係有做足安全拍措施啦~ 我用個膠袋, 無摸佢架! 真係咁驚咁刺激咩 ! 哈哈~ 我都希望利物浦攞冠軍呀!!!
回覆刪除the last two fish is Scorpion, Also Poisionous , that one should be squid - cephalopods D 鬚系咪短過個身?
回覆刪除係呀 ,d鬚短過個身架~ 哦...原來是烏賊 ,thank u 晒!
回覆刪除