Day 8 十大潛水聖地(埃及Dahab)

2005-7-8 Day 8 

住:Dahab HKD $ 180

一早起來,有少少肚痛, 可能係尋晚連D未開蓋既蜆都食埋啦... 於是就係酒店範圍內一間好靚既海邊餐廳食早餐,之後便坐吉普車前往黎Dahab既主菜"潛水",雖然我未至於十分熱愛潛水,亦都無潛水牌,而我之前去旅行潛水都係以試潛方式"咩樽"潛水,當然來到潛水聖地,緊係要潛落去看過究竟啦~

我就係咁靚既地方食早餐啦~

Dahab(音得合)潛水勁平呀!!!  只係二百幾蚊港幣...(十大潛水聖地woo...),係泰國布吉潛都要3, 4百蚊啦...


紅海貴為十大潛水聖地之一, 主打當然係清澈既海水同珊瑚啦~香港人常去既"洪加達"係叫蘇伊士灣,而Dahab就係西奈半島既另一面,同樣係紅海,叫阿拉伯灣! 而Dahab與洪加達不同之處就係剛被開發,而且比較少人寧靜,價錢又便宜等等... 洪加達應該是埃及最早開發既潛水熱點吧!



十幾分鐘既車程就到左潛水既地點,景色好特別,週圍既高山陸地全都黃沙處處,與清澈既海水做成強烈對比,然後由"大力"睇住d 野, 我地就一齊換過潛水衣,由潛水教練好"求其"咁講解左一陣, 就一對一咁潛落去lu... 可能一分錢一分貨o瓜,之前係澳洲大堡礁潛都講左45分鐘啦!

潛水地點

潛完水上番岸,感覺精疲力盡,不過水裡既世界真係好靚呢~ 一大片既珊瑚礁, 珊瑚魚令我目不暇給呀!!! 重最重要既係Dahab既海水好清澈,好乾淨,比起我之前去既同樣是十大潛水聖地之一既"澳洲大堡礁"同"馬爾代夫"有過之而無不及呢~

(可能之前去既都係旅行團熱點瓜...)


回到酒店沖完涼食過午餐後, 就同阿泰係酒店對出既海邊浮潛,原來一大片既珊瑚礁近在咫尺, 真係意想不到,望住色彩繽紛既珊瑚,一群一群既珊瑚魚, 不知不覺又潛左好耐,於是我就上岸邊,攤落張沙灘椅休息, 欣賞吓週圍既靚景,原來可以望到對岸沙地阿拉伯woo...阿泰就繼續同Milly係海邊玩, 係呢度真係可以對住過海都可以對成日呢~

酒店"後欄"既靚景

我就係度休息啦，佢地就係後面繼續玩

夕陽照射對岸,像火焰山的地方就係沙地阿拉伯啦~ 阿泰同Milly玩到樂而忘返呢!

又黃昏lu~

入黑勁多水母呢

估唔都連月亮陰影都影到woo!!!

食晚餐,食左我黎埃及覺得最好食既原隻燒雞，$20港幣一隻,當然亦到有蒼蠅陪伴,不停纏繞啦~ 覺得整個埃及都是蒼蠅,可能係沙漠o瓜...我之前係電視都睇過澳洲內陸沙漠都係勁多蒼蠅呢 ! 

之後就逛夜市,大都是賣紀念品既商店, 攤檔, 沿海全是露天茶座,景色都好靚!

ps.可惜之後西奈半島發生連串恐怖襲擊,因為鄰近以色列,是針對以色列人的,連Dahab既夜市亦不能幸免,被D炸彈人炸毀一間餐廳...

HKD$20一隻

咁靚既地方都被人恐怖襲擊...