Day 12 湖光山色(斯洛文尼亞Bled)

(Day 12) 2006-10-13  晴 

住宿 :牧場Euro$23

行程 :斯洛文尼亞Bled 

食完早餐後便去該國出名既度假地區，位於阿爾卑斯山腳，Bled湖區遊覽; 呢度碧綠既湖水，湖水有山既倒影，又有天鵝暢泳，湖中心有個小島，島上有一座教堂，湖光山色，風景十分幽美~

繞湖半個圈後，便決定上山上既城堡欣賞整個湖既全景, 因為據書講，城堡係欣賞整個湖全景既最理想地點; 於是便開始登山，約行左廿多三十分鐘，終於到左城堡，全身寒意盡消（因為得９度咋），但城堡要入場費Euro$8 ,我對呢座城堡興趣不大，所以無入去．．．

於是便係外圍睇吓有無可以欣賞風景既地方，點知比我係城堡則邊一個"NO Entry"既山路,搵到個絕好既地區欣賞湖區，一呆就大半小時．．．

尋晚就係住係咁有瑞士feel既民宿啦～

係城堡欣賞山下既風景，欲窮千里目，梗係更上一層樓啦～

落山時仲比我發現松鼠搵食tim~

我之前就上左山上既城堡啦！

天鵝湖？？？

遊湖完畢便到旅遊中心問牧場住宿既資料，經介紹下，去到離Bled湖區約十多分鐘車程的一個小鎮既牧場，呢度既主人十分友善，個牧場都幾大，有騾仔同乳牛，而且依家係秋

天收成期，園內有好多蘋果同藍梅任摘任食tim～　

嘩！！！我期待已久既牧場呀！！！

牧場門口

園內動物

牛媽媽同牛仔仔都識望鏡頭架 !!!

做農民好辛苦架!!!我見佢地由朝做到晚...我都有幫手摘返一筒蘋果架~

呢度風景都十分靚，好似飄零燕裡既景色，一個又一個既山坡，不過呢個鎮太細啦，只係得牧場，並無餐廳及任何食野既地方．．．只好借架單車用左十幾分鐘去左隔離鎮一間Pub用膳啦～ 回程時黑麻麻了...

一個又一個既山坡

秋天紅葉既美景

我既房間