2017年1月25日 星期三

Day 27 再見露營車(納米比亞Windhoek)

(Day 27)2015-10-7
住宿:Lake Oanob Resort
行程:Lake Oanob —> Windhoek
行車里數:120km


起床後,先清潔昨晚因蜈蚣空群出擊,而未及清理的碗碟。因為今天便要回首都還車,結束非洲南部的自駕露營車之旅,所以也要盡量吃光車上的糧食。


蕃茄x2,乳酪,果汁,烚蛋x2

Lake Oanob
吃過早餐,整理好行李便離開營地。堤壩於營地不遠處,可惜要額外收費,只好作罷,唯有朝首都進發。公路上不停有路牌報數,”120、100、80”,跟首都的距離越來越近,也恍惚為這趟旅程倒數,感到依依不捨。


納米比亞的主要幹道上,每隔一段路便會有「一棵樹、一張枱、幾張櫈」的休憩處。經歷了約十天的碎石小路行程,久違的休憩處現重現眼前。我們當然把握機會停車休息,從雪櫃取出剩餘的雪糕飲料享受一番,好好珍惜這次在納米比亞自駕的最後時光。

買左一撻一cake做茶點

Windhoek
走過百多公里的高速公路,轉眼間便到達首都,再次身處大城市,我這個「荒野人」有點不習慣。縱橫交錯的道路、密密麻麻的車輛,令人眼花撩亂。好在GPS終於在這旅程最後一段發揮作用,先帶我到油站入滿油,便離開市中心,直達市區與機場之間的酒店。



這住宿位於市區與機場之間的公路旁,由港女出發前預約好的。房間像半獨立屋,室內空間極大,也非常清潔,$400-HKD絕對是超值之選。住宿內還有租車公司,是經常見的豪華露營車,價錢也不貴,約$1000-HKD一日起,比我這輛萬能露營車便宜好多。由於是傳統豪華露營車,大部份不是四驅,未能於蜿蜒的碎石路馳騁。


我的8號房


房間望返出去
仲有泳池添


價錢唔貴


於住宿四處蹓躂時,發現不少露營車停泊,有幾輛甚至是歐洲車牌,難道是從歐洲開車過來?不過也不出奇,他們可能全副家當都在這露營車內,外國人對旅行的瘋癲程度,香港人真係完全無得比。



把行李搬到客房,便駕駛露營車往機場還車。於過去十日,這露營車陪我們走過四野無人的非洲大地,穿高山、入沙漠、去海邊,有點不捨得。到達機場,根據最初租車時見到的職員的指示,找到Avis公司的車位還車。這裡的Avis職員看著露營車,一臉好奇地說這輛車不屬於他們公司的。我們出示租車文件,和指出車內椅套的Avis的標誌,解釋一番才令他們明白。不過也難怪,這露營車是由南非的分公司租出,這裡職員不知道也不出奇。
還車時,職員沒有檢查車輛,只問我們是否需要返回住宿。他稱原本每人需要$400-NAD($200-HKD),現在兩人只需$400-NAD。心裏盤算,機場距離住宿只是20公里,索價$200-HKD咁咪貴過香港?啋佢都傻,自己行去的士站詢問,是平了一點點,$350-NAD。(港女按:合約好似有寫租金係包機場接送,不過以佢地懶懶閒嘅作風,都無謂糾纏了。)


順道係機場行個圈,仲有free wifi 添~


回到住宿,預約好明早前往機場的交通($350-NAD)。下午便留在住宿範圍,靜靜地享受最後在納米比亞的時光。
晚餐也豪一點,在酒店餐廳据扒$350-NAD($170-HKD)和喝紅酒。餐廳內有一位德裔納米比亞女生,她起初跟鄰桌的法國夫婦聊天,我便好奇她的來歷。原來她感到於納米比亞的發展空間不大,即使在酒店做經理,薪金還是少得可憐。因此她除了重拾德語,也正在學法文,希望回歐洲工作。

回住宿的酒吧hea吓

住宿貓咪

係我間房前嘅大樹築巢,長鏡機出動

是日晚餐





13 則留言:

  1. 馬路邊這些小休地方都幾好幾貼心...
    理論上由香港都可以揸車去新加坡、西亞甚至歐洲和非洲,銀哥會唔會試玩喱類長途旅程^^
    這十日旅行車旅程真係好豐富多姿多彩,感覺上似去了大半個月呢

    回覆刪除
    回覆
    1. 非洲工資一定係比歐洲低得多,否則就無難民投奔歐洲....
      btw,住宿貓咪好虎虎生威,靚!

      刪除
    2. 有個留言又去了垃圾桶:P

      刪除
    3. 唔緊要,我去摷吓垃圾先~
      去完納米比亞真心覺得當地配套不錯,從這些公路小休地方便可知一二了。
      我總是覺得有路的地方就可以到達的,所以我都唔會遵從前人的路線、或曾經介紹過的路線去玩。你講嘅超長途自駕真的很吸引,但我覺得必要是先識整車,哈哈~
      係,估唔到這自駕旅程係咁多姿多彩,也估唔到納米比亞是一個令人驚嘆的國家。

      刪除
  2. 呢日既晚餐好對辦!同埋間房好乾淨企理~正~港女叻叻~
    我都好明架車陪左自己十幾日然後還車哥個感覺....嗚嗚
    不過你地今次個旅程好正~~~
    好喇~講到最後~
    我想祝你~新年快樂~你同你屋企人都身體健康~
    笑容滿面~心想事成~一年好過一年~步步高昇~恭喜恭喜~

    回覆刪除
    回覆
    1. 其實只要肯比錢通常很對辦,只不過我慳啫。。。喂! 你咁講即係話我煮D野食唔對辦啦! 哼!
      只你係冰島都有相同感覺,有時返到香港,見到自己揸過果款車都懷念吓架~
      呢個旅程真係好特別,之前去過嘅都差不多比下去了。
      農曆新年就到,我都同你恭喜發財,身體健康,一年靚過一年,環遊全世界~ Yeah~

      刪除
    2. 無~無d咁既意思呀銀仔哥~~你煮哥d係千金都買唔到黎食啦~~~仲珍貴過山珍海味呀~~wakakaka~
      都會架~但重點我是乘客~~~waakakkaka~~~~
      梗係啦!!可以話係真經典添呀!
      多謝~大家咁話~

      刪除
    3. 你條友。。。哈哈~
      老實說,我自己真的覺得經典,但我唔會周圍講,呵呵~

      刪除
  3. 恭喜發財!睇到你呢一篇,連我都感到唔捨得。「外國人對旅行的瘋癲程度,香港人真係完全無得比」––––我覺得除左文化差異之外,另一個實際原因係西方國家社會福利好,一般人唔需要供養父母,子女一到十幾歲又會自己出去做part time賺錢,所以家庭負擔較小,而且佢地習慣有錢就使左佢,唔會儲。

    回覆刪除
    回覆
    1. Nado,真定假架?這旅程真的咁有感染力?多謝你先~
      你講嘅係一個原因,我覺得另一個原因是他們自細學懂獨立的性格有關。

      刪除
    2. 所以我都見得多,如將來有小孩將,我都唔會強迫兒女比家用,我唔覺得這樣的中國傳統觀念,兒女對父母嘅關係好過外國人幾多。
      仲有,恭喜發財呀~

      刪除
  4. 多謝你的分享,非洲並非只有饑餓和內戰,也有文明現代的一面。

    回覆刪除
    回覆
    1. 多謝你支持呀!無錯,這正是促使我有出書的諗頭!

      刪除