2016年10月10日 星期一

浪遊中東

搬家時買了個新書櫃,可惜未放滿便損壞,幸好能退回款項,另選其他較實用書櫃,更竟然是比原來的便宜得多。執拾書櫃時,發現原來多年來,我買了很多有關伊朗的書,應該算是第一大戶,有些更起碼有十年歷史。十多年前,銀仔已經想去伊朗看過究竟,而且當年網上也有不少遊記。根據遊記,曾到訪伊朗的遊客大部份都把伊朗人形容為全世界最友善的民族。我認識好些熱愛旅遊的朋友,也已踏足伊朗,所以不算太冷門吧。

今次旅行帶了日本學者撰寫的"伊斯蘭世界"



早幾個月的美國之旅,檔期本來是留給伊朗的,可惜上網一查,原來是伊斯蘭教的齋戒月。雖然於齋戒月也會有一番特別的體驗,但我這個長期吃不飽的餓鬼,人地齋戒,我身為遊客也不好意思大魚大肉吧,所以腦筋急轉彎,改遊伊朗的頭號敵人-美國,都幾攪笑~


既然決定去中東,今年逛書展時又添加了兩本有關伊斯蘭教和伊朗的書籍,是學者分別對整個伊斯蘭教世界和伊朗的深入了解及分析。近年出發前,也不太有興致踫旅遊指南,到在旅途上又是帶多過睇,就算睇,都係想了解返景點或各個地方嘅歷史/文化背景,至於食宿就隨遇而安。現在的我比較喜歡探索一些旅遊指南上沒有的景點,不知是否年紀開始大,現在旅途上喜歡看人、感受文化多於跑景點。
我會在出發前完成一本,而另一本則帶著去旅行,相信旅途上閱讀有關書籍,別有一番風味吧~ (港女按:我看了四本《我在伊朗長大》漫畫,以及一本由日本作者撰寫,講解伊斯蘭世界如何由文明發祥地,變成現在焦頭爛額的歷史和展望。閱讀的時候百感交集,而且知道了很多耳熟能詳卻不知底蘊的名詞,希望屆時有機會比較印證一下。)



伊朗換了現任總統後,實行溫和政策,以致與歐美關係稍為好轉,未來會否變天還是未知數。看到蛻變中的古巴,不期然令我想起伊朗。不過伊朗的宗教色彩濃厚,相信不會太快經歷巨變,但純樸友善的思想就未知會否被銅臭污染。


這行程會由阿聯酋的一些酋長國開始,歷時兩星期,所以要月尾再會啦~


旅途上的更新,會在連上網絡時於facebook專頁發佈,回來後也會作詳細紀錄,不過要先寫完橫渡非洲之旅,還有美國自駕遊,敬請期待,哈哈~


https://www.facebook.com/travelsilver/

出發前做了個像真度極高的微型銀仔帶去旅行,真正的"銀仔流浪記"~

15 則留言:

  1. 《我在伊朗長大》漫畫我都有睇.

    回覆刪除
  2. 像真度真係好高,同佢多啲影靚相^^

    回覆刪除
    回覆
    1. 像真度真係好高,我都估唔到做得咁好~

      刪除
  3. 微型銀仔唔平啦!旅途順利愉快呀!

    回覆刪除
    回覆
    1. 係,像真度高同價錢成正比的。。。
      多謝你,旅途極度愉快呀~

      刪除
  4. 微型銀仔用3D printer造?打算幫佢影Amélie果種周遊列國相?

    回覆刪除
    回覆
    1. 唔係呀,用羊毛整架,好貴。。。
      Amélie?多謝你,另我認識這段戲,好似好吸引~

      刪除
  5. 唔怪得唔見左你~~~~~~~~~~~~~~~~~~~~原來你去左旅行!!!!
    好羨慕你同港女有咁多假呀衰鬼~~~~
    講左十年~終於出發~仲同心愛既人一齊去~等你番黎既報導~~~~~~~~~~
    好緊張~~~~我睇住你其他blog先~
    救命...微型銀仔做得好靚!

    回覆刪除
    回覆
    1. 係呀~ 返左嚟,但返工攪到好攰無時間打blog。。。
      喂! 你D假期都唔少噃!
      中東遊記看來有排等,但絕對精彩,因為是我歷來最開心、最感動的!
      微銀咁靚,係用錢換的,嗚嗚。。。

      刪除
  6. 太奈無上來,一睇原來去左伊朗,應該有很多體驗。返左嚟未呀?

    回覆刪除
    回覆
    1. 你好呀! 好耐無見,身體好嗎?
      係,中東有好多體驗,而且是歷來之最,感動到留淚絕對是人生第一次!
      返左啦,但工作太攰,現在才再寫返非洲遊記。

      刪除