Day 6 後記・星馬之旅(完)

(Day 6) 2016-1-16

行程：新加坡 —> 香港

1100起床，由堂姐call Uber去飲茶，有免費住宿、尋晚又黐咗餐海鮮食，飲茶當然爭找數啦！都係鍾意西方習俗AA好D，均均真真，唔使差住人情唔舒服。

食完當然要試吓新加坡最出名嘅貓山王榴蓮啦！榴蓮對於我嚟講可食可唔食，無話鍾唔鍾意，應該十年無正式食過。就試一試~ $47-SIN($230-HKD)

1230時回到住宿攞行李，又call Uber往機場，臨離開當然少不了來張合照啦~

到了機場，有大部份港女至愛嘅TWG專門店，佢講我先知係新加坡品牌（你知我係香港極少去呢D高級地方）（港女按：多年前同兩個同事去過，成百蚊一壺茶，真係如坐針氈呀！）見價錢合理，茶罐又靚，可以當家居擺設，港女買了套裝$70-SIN($350-HKD)便開開心心結束行程~ 

新航餐牌寫明有得order cocktail，當然要試吓啦~ 有咁好嘅服務，獲得全球最佳航空公司，當然難為了空姐啦!

出發前總覺得新加坡一個字，悶！我一直都好先入為主，因為跟香港模式差不多，都係先進大城市，什麼所謂景點不是遊樂場就是步行街及商場。如果著眼有乜野娛樂嘅人就一定會悶，去完後發現自己對當地嘅文化較有興趣。為何能令到種族共融？為何較少種族歧視？為何各種族一樣遵守當地嘅規則？移民政策絕對是其中一個原因。

香港任何事情都經常視新加坡為假想敵，包括旅遊。不過來到這裡後，覺得香港完全被KO了⋯ 她的景點對象是全世界嘅遊客，而香港景點只是取悅某一種人。另外於新加坡不時見到年貨市場，而唐人街的農曆年氣氛更是意想不到的濃厚，外國人也特意來感受，香港是否漸漸無了原本嘅特色，一個無內涵的城市⋯