Day 1 de lay no more(印尼泗水)

(Day 1) 2016-3-1

住宿：Ibis budget hotel

行程：香港 —> 印尼雅加達 —> 泗水

今次準時到達機場，無令港女嬲爆，會合港女後先食個Tea便離境。

今次選乘華航CI 679雅加達來回，來到機場港女發現香港有直航泗水，可惜買機票時根本無諗住去泗水，如果唔係試吓check泗水入雅加達走都好，唔使買多程內陸機。而我於機場工作多年，亦都喚起我記憶，係喎！有機直航泗水喎！（港女按：票價問題已於上回解說）

過關後才聽到廣播，航班稍為延遲。登機後發現這班機D人都幾恐怖，可以用「肺癆客機」來形容。佢地唔帶口罩，咪我地戴囉，以免旅途頭一日就被傳染。自從幾次呼吸道疫症後，口罩同消毒紙巾一早已是我上機必備嘅隨身物品了。

這旅程替我隻錶換上青色錶帶，令到我外型倍加活力XP

上機前睇下舊香港展覽～

香港機場算改進了不少

印尼雅加達

接近5小時機程，約2020時到達印尼首都雅加達國際機場。由於下班機於2220時轉乘AirAsia，也不是同一張機票買，所以必須完成入境手續、拎返行李再去check in，無得就咁去transit area轉機。剛才班機delay了少許，見還有兩小時來轉機，便先去廁所及ATM提款，提了$1,000,000-印尼盾(約$577-HKD)，然後去排隊辦入境手續。

入境條隊不是太多人，排於我地前面約有20個人，但等呀等，等左好耐，看著手錶時間流逝，也看到下一班機不是在身處的T2 check in，而是在T3 ，不禁心急如焚！唯有賴剛才唔應該提款，可能會快d囉… 即時諗定plan B最壞打算係聽朝再搭機，book好嘅住宿無了，要係雅加達機場搵住宿過一晚。

最後排了大約一小時才到我地，前面啲人好似要問好耐，但我地過關又異常順暢喎！勢估唔到20人會排一粒鐘jet！望望隻錶只剩下一小時，便極速跑去取回早已放在行李帶旁的背包，得知仲要轉shuttle bus 才能前往T3。大鑊了，正常情況下會於40前關閉check in櫃檯... 過晒海關出到室外，與港女短暫失散，佢又無漫遊，激死！再會合後於室外看到shuttle 車站，但見無人等又想搭的士前往，可惜又無的士... 正徬徨之際見有shuttle埋站，好在職員話約五分鐘車程。最後於起飛前半小時到達T3 的check in櫃台，職員話Delay 40min，可以正常check in，又可將行李寄艙... 好在，印尼天氣炎熱，跑到大汗疊細汗。哈哈～ 這又是一個很好的經歷！ 原來delay都唔係一定是壞事嚟嘅~

到達登機口，航空公司派發食物安撫。咦！廉航有咁服務算唔錯了。這是我第二次坐airasia，上一次係n年前零蚊機票飛沙巴，只收了六百多元雜費。

空無一人，嚇C我

機場有freeWifi及差電，仲有得上鎖添~

原來De lay no more 都唔係一件壞事

廉航算係咁

2245開始登機，起飛後空姐送上預約好的飛機餐，大約港幣三十蚊。記得上次去沙巴時講過，好鍾意廉航這種有需要才付款嘅服務，無需硬性提供全套服務，令到票價昂貴。航班上翻閱雜誌，發現這航班屬Indonesia AirAsia。而且已經發展到有India AirAsia, Phillipines AirAsia, Thai AirAsia等等⋯ 看來這廉航越做越大了~

泗水

凌晨時份到達泗水機場，一出機場被一群的士司機包圍，先用機場嘅free wifi睇Google map，知道身處T1，如要去T2要繞過機場外圍才能前往，而預約好ibis嘅住宿正正位於T2。Google map顯示步行要5公里，需時一粒鐘。搭車就一定嘅，但盡量唔好比人當水魚劏咁多。有些司機一開就7萬，心諗區區五公里，使乜50多港幣呀，而且這裡是印尼。我還3萬，個司機話要十公里，更加比我一句KO，我指一指電話話我知只需5公里，於是扮野一路行一路再等司機兜我。最後跟另一個司機經講價後$40000-IDR成交！($28-HKD) 的士上港女可能從未試過來這些鬥智鬥力的國度，發我脾氣。

Ibis budget 唔錯，好簡潔，有點像診所感覺，哈哈~

上：Check in 櫃台
下：大堂一角