Day 8 享受(寮國琅橋)

(Day 8) 2014-5-27

住宿：Nong Kiau River View Resort

行程：猛曖—>琅橋

早餐後坐0930船回琅橋$25000-KIP，與法國情侶相擁道別； 法國情侶繼續沿河北上起碼7小時去猛跨再轉巴士去越南，但全部乘客都係回琅橋，售票處話無船北上，一係就包船，收取一百萬KIP，嚇到法國人呆左！ 哈哈～ 最後要開船啦，best friend! 唯有講句good luck! 

bye猛曖~

一個小時船程，落起傾盤大雨，加上河流暗湧，翻起大浪成身濕晒... 其實就算無風浪坐一小時都好辛苦，因為船身窄而長，大家要面對面坐，尤其我呢D高人，要長期曲住雙腳，再加上係木板櫈，個屁股都不太好受⋯

所以聽日諗住坐7小時去琅巴班(琅勃拉邦)如落雨都有D想放棄...

落晒帳篷擋雨

返回琅橋，諗住比個藉口自己，聽日辛苦了要住好一點，於是尋找夢想住宿，睇過好幾間後，用以香港人來講絕對係值得既價錢入住！$318000-KIP（$318-HKD) 叫Nong Kiau River Side Resort & Restaurant! 

呢間住宿係對岸可見一間間既屋仔隱蔽在河邊既樹林當中，同我第二晚既住宿相似，唔同既係佢用豪華內形容，但始終都係無冷氣... （好在晚上開風扇都很涼）內裡用木材為主，牆身用藤，不失傳統色彩，最緊要房同露台之間全是落地大玻璃既門，隨時可打開出露台，不過較多昆蟲我無經常開，而露台就係無遮檔望住河景，望正日落! 

reception 及 餐廳

叢林中右面第一間就係我間住宿啦~

Check in 後由新加坡人帶我食人間美食，係一間好地道既餐廳，行到鬼咁遠，食新加坡人推介既Lao Curru，表面好普通，但食落難以形容，個湯類似龍蝦湯，其他配料完全入晒味； 食野其間有一個老撾人走過來吹水，話認得我來自香港喎！原來前天我避太陽係洞穴外個棚柵瞓覺時見過佢一面，佢仲話當初以為我係本地人喎！ 因為我又黑黑地，又學當地人咁隨便瞓覺，很有趣，哈哈～

誤闖民居，當地人用來存飯的

及後遇到兩個國內女遊客，一個中年，一個較年青，背著大背包來東南亞玩三個月呀！ 

傾談得知原來佢地都係工作儲了一畢錢來體驗，不是去名店大城市，而係跑來連香港人都唔會去既山卡拉! 

傾談過程中發現人地說話溫文有禮，絕不似香港所見既一少部份內地人！你睇！人地第一次出國不是去倫敦巴黎，而是去落後地方探索！ 香港人應該無乜幾個會咁做！

傾開旅行既事，係app store 推介個當地指南，原來年青既無興趣，佢話旅途上無帶任何指南，隨意咁玩先係享受旅程喎! 嘩! 我都係累積左一定經驗，自去突尼西亞先咁做咋! 人地仲要係第一次出國tim!!! 自問熱愛旅遊既我都慚愧呀！ 

話明要嘆梗係嘆多D啦！ 先去做個傳統寮國傳統按摩先~ $60000-KIP($60-HKD) per hour，然後去河邊餐廳飲番杯特飲，再返酒店既露台望住個靚景乜都唔好做，等待日落。

係酒店回想起，自來到寮國後每晚住宿，都定時定候係屋頂有怪聲”喔噢喔噢”咁傳出，當地人叫係Cuco，應該係爬行類動物，住係屋頂內食蚊，昆蟲為生。