Day 10 衰收尾(蒙古鳥蘭巴托)

(Day 10) 2012-06-19

行程 : 蒙古烏蘭巴托 —> 北京 —> 香港

今日要返香港，短短既十日行程就咁完結⋯

起床食完hostel提供既早餐，就搭尋日係hostel book定既車前往機場($15-USD)，負責接送既，亦都係這個蒙古旅程一起相處左咁多日既司機!
到達機場大家道別，我對這個司機十分滿意，雖然係哈喇和林度有少少mistake,但佢仍然笑臉迎人，了解我地所需，從未見個佢黑面既情況~

露天既大喉管，係烏茲別克某城市都見過



估唔到來到最後一日，即將離開時，係機場check in 令到整個愉快既蒙古旅程蒙上污點！ Check in 簡直用亂七八糟來形容！ 

機場用成吉斯汗個大名來名命，多麼的霸氣啊! 我都算最早一批旅客到達機場，當時經濟位check in櫃台開了兩個，我地排隊等候; 當排到一半時竟然櫃台突然關閉要轉另一個已有人排隊既櫃台，即係算重新排過... 但排左約二十分鐘，我先前排開已關閉既櫃台又重開喎！我地緊係唔轉繼續排啦！ 當排到仲有一個客就到我們時，竟然又關閉，叫我地條隊既人排過第二條喎！！！ 有無攪錯！ 咁即係排來排去都係隊尾！？ 投訴都無用... 真係痴X線架！！！ 

今次我醒，叫港女留番係櫃台已關無人排隊既原地，即賴皮或等佢重開我地就即時check in, 而我則去第二條隊排隊; 及後有個早前做分流既職員(可能係主管)見港女企係度仲未check in都協助我們優先處理... 最後都check in成功! 即係前前後後排左三次隊，真係火滾！！！  真不知係咪電腦系統既問題？...臨離開前又見到櫃台關閉既情況，唯有替客人講句good luck...