後記 -- 蒙古/西伯利亞之旅

因工作上突然既轉變，匆忙只得十多日既假期，認識銀仔既朋友都知，銀仔已對大城市興趣不大，鍾意去山卡啦，所以當時就構思去西伯利亞既可能性勒~ 十日間，不慌不忙，當然時間更長會更好啦~

回程時係飛機上面既集誌有本新書介紹，介紹得很應景！ 呢本內地書叫<<趁活著，去旅行>> 個介紹是咁的:[旅行不應該是辭職，休學的借口，而應該是人生活中的一部分。旅行的前半段是看風景，後半段是看自己，如果一個人不具備看到自己內心的能力，跑到再遠也是徒勞的]
我覺得佢講得很啱，就好似blog友xxx所講既一樣，近來報章雜誌日日渲染著辭職，或如唔親年青去走一趟一年半截，就好似毫無理想一樣的真人故事... 如果你這趟旅程毫無體會或得著，真的如介紹所講去得再遠時間再耐也是徒然的！ 

我本人覺得夢想係要經過努力，呢個過程係一個奮鬥既目標，係日常生日上既一種推動力； 追夢，很多人都有! 以實現環遊世界既夢想，過程中努力工作儲錢，再辭職去實現，我絕對欣賞； 但當呢個夢再唔需要去追，只係借下貸款就可以實現夢想，呢個垂手可得既夢還是不是夢呢？ 直得深思⋯

另外係飛機集誌度介紹一對德國遊客，亦令我有同感，講述因為係法蘭克福有直航機去成都，比以往要係北京轉機方便很多，才促成佢地中國西南部之旅... 
就正如我今次去西伯利亞一樣！ 以前去西伯利亞，南太平洋島國等地真的好轉折，費用也昂貴，但依家有直航去真的方便了很多，為什麼香港人不太懂得珍惜？ 好似有同事知我去西伯利亞，佢話:[我唔會去呢d地方囉...] 難度港人眼中真的只有日，韓，泰國台灣？？？  港女出發前d同學又問佢係咪好落後架，我去完之後可以講”係”，但好多野好過你所謂大城市既香港，如我成日講既wifi,係蒙古首都烏蘭巴托，就算係髮廊就標榜有free Wi-Fi提供既的！ 再者，如要先進，何不留番係香港呢？ 佢地果d係叫嘆世界，出入只會搭的士，飲食住宿全部係大型餐廳酒店，甚至同當地人認真交談都無! 跟本了解唔到當地人既生活! 
寄宿牧民家庭既蒙古包,放馬牧羊,體驗了半天做屠夫,學懂了用一張六合彩飛咁大既紙皮就可生火等等等...今次旅程真的好短,但學既野卻比以往多~

1330到達北京機場，係書店看到一套國內出版，很完善既遊遊書(應該買左日本版權再修改),涵蓋範圍很廣，應該全世界! 係香港完全揾唔到有中文既非洲東部，南部等國家，西伯利亞，巴拉圭，委內瑞拉通通都有！ 香港？ 算把啦... 就算出都可能封塵無人問津！
睇黎內地人已一早走向世界，腳步應該快香港十年！ 就好似搭西伯利亞鐵路分別遇到一團大陸團同台灣團，蒙古也一樣; 即有部分既內地人，已經唔介意落後，想體驗得更多了⋯ 加上我近期好鍾意睇既”世界零距離”，講到D內地遊客係南太平洋既湯加王國，好失望咁只係搵到”made in china”既手信，佢地係想搵當地人既手信呀! 
所以呢，我地香港常見既只係內地人一小部分既旅行方式，但向世界出發既人相信比港人更多! 湯加呢個南太平洋島國，我相信9成9既港人請佢都唔會去囉!

呢個旅程不得不讚港女，第一次同我去咁落後既地方，牧民家庭佈天蓋地群蚊既惡劣環境真係連我都頂唔順呀!

另外牧民家庭小孩天真無邪既笑臉，現在回想也仍會心微笑~

洗完頭~