Day 3 朝聖晏菲路(英國利物浦)

2012-09-23(Day 3)
住宿：Hotel Indigo
行程：Liverpool


今日晨早0630要起床啦！因為要去另一間買波飛package酒店攞利物球場tour同波飛，個tour 0920開始，所以要咁早起身囉！只係十多分鐘既路程就到達Hotel Indigo，係reception 取票，估唔仲到可以即刻check in上房Tim！





晨早的利物浦街頭


高街 & 曲街
擺低完行李即刻出發，係大堂遇到係香港既討論區認識既利迷，於是一齊出發，的士前往都只係約£6咋！真係無諗過會咁平，巴士都要每人£2啦！今次仲要share 一半車資Tim~ 真係所有野都比想像中平呢~ 今日陰天，好凍，凍到打冷震呀！
終於到左夢寐以求既晏菲路球場朝聖啦！ 個tour參觀左球員通道，球場等等••• 全程有導遊講解，不過由於今日有比賽，更衣就無得入Lu••• Tour完畢後就參觀博物館，重溫利物浦封塵既輝煌歷史••• 最留得住我既腳步，反而係一段記錄片，最後講到利物浦係0-3既劣勢下反勝，成為歐聯冠軍！


到啦~

Tour 既導遊



博物館

有五隻歐聯冠軍獎杯既輝煌歷史,另一隻攞左去比遊客影相

波飛及用錢換既場刊

Tour 完結後有一段空擋時間，由於今早未食早餐，依家真係饑寒交迫呀！ 於是係球場對面搵左間地道餐廳，點左個咖哩雞飯，同另一個令香港女士們趨之若鶩,源自英倫既All Day Breakfast ,兩個餐連飲品都只係£10咋！

進場前係攤檔見到有為今場而設既T-shirt 喎！於是一人買左一件，每件£6~


左:球場門外有希斯堡慘劇既紀念碑
右:球員巴士進場要騎警開路比賽開始前，有一個為左悼念希斯堡慘劇死難者得到平反既儀式，因為廿幾年前係看台個人踩人慘劇，全世界矛頭都直指利物浦既球迷，但出發前英國宣報當年係警方無做好人流管制，做成慘劇,直至今日才真相大白••• 於是雙方對敵的球員都暫時化敵為友，著住我頭先買果件”公義與真相”既T-shirt進場呀！ 仲放左代表96死難者既紅色氣球Tim~


座無虛席


曼聯球員熱身,被狂噓~

放完氣球後，就大部份觀眾一齊肅立舉住個牌，砌出Truth & Justice既字樣，曼聯攪攪震既fans除外！有幸既我亦都有份參與其中。一邊舉住個牌，一邊全場高唱利物浦會歌”You will never walk alone"，說來慚愧，身為廿多年既fans，直到出發前先download落黎學唱，就係為左開場前必播既會歌，想不到今次唱得係特別有意義呢~
呢首歌內容振奮，激動人心，每次學唱時諗起將會係晏菲路球場高唱，都有感動流淚既感覺呀！

不過自己聽返,原來我唱得好難聽架... 可能我唔係唱,係嗌出黎呱,hehe~

You'll Never Walk Alone

When you walk through a storm,

Hold your head up high,

And don't be afraid of the dark.

At the end of a storm,

There's a golden sky,

And the sweet silver song of a lark.

Walk on through the wind,

Walk on through the rain,

Though your dreams be tossed and blown..

Walk on, walk on, with hope in your heart,

And you'll never walk alone...

Walk on, walk on, with hope in your heart,

And you'll never walk alone...

You'll never walk alone.

現場唱會歌(要用window先睇到)

現場睇真正大賽既氣氛，真的同表演賽無得比，我咁大個仔，之前去開克羅地亞都睇過歐洲國家杯外圍賽一次架~ 震耳欲聾既喝采聲，歡呼聲令我實現左咁多年來既夢想！仲要係對宿敵曼聯Tim! 突發奇想！退休後一定要住係利物浦一年，買張季票睇晒所有既賽事先~


最後全世界都覺得球證誤判下，利物浦輸1：2，今季打左5場仍未開齋••• 不過就算球證你推利物浦落深淵都好，我地fans仍然不離不棄既！ You will never walk alone! 連當地新聞都話曼聯係Ugly win呀！



睇完球賽，帶著失望既心情離開••• 的士£7回到酒店，休息一會去shopping行吓街，點知差不多所有既舖頭都關晒門啦••• 依家先1800咋喎! 於是諗住去加歷查開既餐廳食晚餐，但又要等位••• 於是去左斜對面既一間餐廳食，一碟扒，大大碟沙律，肉醬千層麵，仲開埋支酒都只係£18鎊咋！！！ 真係平都無人有呀! 最後仲意猶未盡食埋甜品Tim~

係香港，淨係開支酒都起碼要$300-HKD一支啦! 依家全部野都只係$210-HKD咋!!! 我從來都未試過，旅行時可以餐餐大魚大肉架〜
@1815

之後去左Mathew Street, 最出名果間Pub飲酒聽歌，呢間Pub成名之處就係當年Beatles成名前曾經係度開過show架! 可以話歷史悠久呢~ 價錢方面超平，只係£2入場費，內裡啤酒大杯裝都只係£3-4咋！ 唔怪得之英國咁多酒鬼啦••• 原來D啤酒仲平過水！
隊Live Band 4人加埋起碼過200歲，唱返好多老歌，襯托著現場既懷舊環境，別有一番風味~
飲飽食醉又落吧狂歡完後，於雨中步行回酒店Lu~ 今日既行程，一次過到晒必去既景點呀~ 亦都實現左人生其中一個目標，就係入場撐自己既愛隊，朝聖晏菲路球場勒〜