Day 14 過關血淚史(芬蘭Lappeenranta)

(Day 14) 2012-03-22
住宿: Scandic Patria Hotel €130
行程 ：莫斯科-->芬蘭Kouvola-->Lappeenranta

冰封既Lappeenranta

呢一篇真係唔好意思,又係要講我用”特衰”既過關血淚史,再次重申我並不是唱衰,而係我要紀錄我既旅行點滴。

 

話說尋晚我地係瞓火車上既4人房,站長係開車後無耐就收晒全車人既passport同車票,用來過關時辦出入境手續,由於港女係用既係特區,咁唯有齊上齊落用特區啦!
朝早0800比個站長嘈醒,問左我地一句中國護照去芬蘭係需要Visa的,同佢解釋返一句,呢本係香港護照後繼續瞓覺•••
半個鐘後到俄國警察辦離境手續,都唔係次次彈既,今次好順利,佢好有禮貌咁用英文問左幾句就攪掂~唉•••原來開心得太早••• 頭先個警察原來只係初步問幾句,之後有幾個俄國警察拍門,叫我門出房,係車廂內特別處理我們,先仔細對清楚個樣,左問右問仲攞走”特衰”慢慢驗••• 攪到成車人都望住... 真係次次係咁都有D瘀! 唉••• 攪左一大輪終係本”特衰”上蓋印,發還護照,火車亦隨即啟動,可想而知全火車就係等緊我地呢兩條蛋散...
同行女友人,從未試過遠行,只去過東南亞; 今次初次感受到果種被誤認為係中國護照需要Visa,被當非法入境者,當眾留難既難堪滋味,誓言回港一定要替本過左十年期BN(O)續期!唉••• 一陣芬蘭果邊又唔知點攪Lu••• 我就已經見怪不怪了!
到芬蘭入境,關員亦一如以往咁,Target左我地做左特別照顧人士,一樣成卡人係走廊望住我地,X@#!&@#%(省下幾百字過程),總知就攪左一大輪啦! 直到佢發現我早幾日前曾經離境俄羅斯,而又無其他國家既入境印時,我話去左波羅的海三小國,佢好好奇為何無其他國家蓋印既? 我就出示BNO,睇住果兩個關員個樣即時由嚴肅轉為放鬆,但佢地都話先要攞晒D passport入房check一check先,幾分鐘後回來,經解一翻下才放心係兩本”特衰”上蓋印•••個警察並建議下次過關時兩本都show晒出來喎... 特區護照? 唉•••
過了一陣子,頭先過關員帶同一個上司再來調查,個上司問港女有無帶過期既BNO,話想睇一睇喎... 港女一早講左本BNO 06年已過期,當然無帶啦! 原來一本過期無效用既BNO, 都仲有說服力過有效既特區護照... 真諷刺! 吹脹!!!

 

 

自己既問題,當然都有諗過啦! 第一係淡季,我地係淡季入境話來旅遊? 有可疑! 第二,就係比較落後既國家進入先進既國家,仲唔係偷渡? 最後一定係樣既問題...

不過以上種種既問題,如果換左係其他國家既國民,如日本,韓國,相信都通通不是問題...
芬蘭慢過俄羅斯兩小時,於芬蘭時間0850到達芬蘭既Kouvola,隨即買了1140開往Lappeenranta既火車,€18.61;係火車站買票其間,見到櫃台職員態度親切,流利英語,車站內簡約而先進,無晒共產既裝潢,真係好似由一個世界,去到另一個世界咁呀! 有好特別既感覺~

見仲有空檔,出去走一走,溫度計顯示+4度,唔怪得咁暖啦~ 行到出去又感受到北歐既高消費喇! 買了張好有芬蘭特色既姆明postcard,係間coffee shop食早餐€5.8, 一邊食一邊寫postcard,貼上好靚既北極光郵票,寄回香港~

乜意思呢?


又Hesburger? 唔食啦!

1140

登上有Free Wifi,好舒適既火車,車廂內十分寧靜,所以我地都輕聲說話!
個多小時車程,係中午到達Lappeenranta,不過計埋等車及路,應該直接去首都赫爾辛基會快D...於是係車站買好聽日既巴士+火車回俄羅斯既聖彼得堡,明日既巴士€6.6去Vainikkala,及轉火車€52.56回聖彼得堡

行半個小時,搵到尋晚book好既酒店,食左係莫斯科買既幾個豬仔包+薯蓉做午餐,(因為芬蘭物價太貴了•••)跟住就出發往呢度最出名既湖區,湖面結晒冰,D船已被冰封不能開行,水平線變為冰平線••• 由於淡季關係,沿岸店舖都關門大吉左唔知幾多個月Lu... 早前係波羅的海三國已睇左太多冰湖,所以對我來講到無乜感覺Lu...


冰封的Lappeenranta

就雪崩喇!!!

遊完湖區,行返shopping area,睇吓尋日係芬蘭轉車時,鞋舖櫥窗外見到既行山鞋,Viking牌好靚€89,價錢亦唔貴! 點解要係度買? 因為即時上網香港yahoo都search唔到有關既中文文章或網頁,即係香港無入口無得買啦! 原來係挪威製造架~
不過揾左好耐都無•••終於明白咩叫做蘇州過後無艇搭Lu...


晚餐搵左好耐，因為真係好貴,深切感受到北歐既物價高企,一個普通既冬甩竟然要€2+ 真係離晒大譜!!!行到個肚打晒鼓、手軟腳軟... 最後搵到一間西餐廳食pizza, pasta再加一杯Finnish beer~ 點完菜，侍應話沙律吧可以任食tim~ 雖然只係紅蘿蔔絲、青豆、青瓜、酸瓜等蔬菜,但係百物騰貴既歐洲,已經有如皇恩浩蕩。呢餐食左€31.4，都係預算之中了。

食飽之後已經好眼瞓,所以即刻返酒店休息,話晒都要€130一晚,梗係要瞓返夠本啦~


物價高昂...

就係呢間Rosso餐廳啦~