波羅的海後記

波羅的海之旅後記

行程既頭半段,回復返單身時果種既浪遊style,其實係前一段感情時一直都好想咁做,因為真的次次去旅行都唔係太開心...
今次再次重新浪遊真係好多感慨,數數手指原來最初一個人出走時已是八年前既前,時間真係過得好快,正所謂時光一去不復返嘛~

另一樣好大轉變係多左部平板,方便左,電話亦換上智能電話,查字典都可以電話攪掂! 巴士站，交通工具上,任何時間都隨時用到,而且多左依賴D酒店網•••因為今時今日Wifi太方便啦! 今日可以搵定聽日住宿,或即時搵都得,不過就無左我以前流浪果種,行到邊見到就問果種風格Lu... 唔講太多,因為之前提及過。但慶幸自己係經歷過呢個階段~

行程既後半段變為結伴同行,港女第一次出遠門就跟我去俄羅斯,背住個背囊一個個城市咁去到邊住到邊,佢身邊D港女朋友覺得係匪夷所思! 港女講返比我聽,佢地話佢唔可以背住個背包四圍去囉,唔可以搭公共交通,更加唔會成日換酒店,話只會選擇住死一間豪華酒店來渡假喎...

哈哈~ 無計,佢地個個都係讀女校名校,個個都用名牌有錢既朋友...

而佢老豆知道佢要去俄羅斯後就成日娥佢,話做乜野要去埋D鐵幕國家喎! 而佢身邊既人又成日同佢講俄羅斯好危險喎!

去完後見唔到有危險,只遇上一個個表面冷酷,但內裡友善,熱心助人既當地人;當地上到晒日常去開既網站,包括facebook,見唔到鐵幕誘惑; 被偷被搶甚至被屈統統都無係我身上發生過!

邊度鐵幕? 邊度危險? 鐵幕邊度我相信都唔需要再多講吧! 但至於邊度危險我就覺得無絕對既,係香港一樣會比人老笠...

再一次證明大部份香港人都係... 唔係香港人常去既國家就等於危險...

(不過重申,每個人既遭遇都有所不同)

旅途上第一次見足咁多日雪,上年年頭既波羅的海遊記終於寫完,緊接著係英國,利物浦,冰島,極地格陵蘭既追蹤極光之旅啦~

又係冰,雪,哈哈~


來個回顧吧! 立陶宛

拉脫維亞

愛沙尼亞

俄羅斯