2013 台灣體驗遊

2013年3月-- 台灣4天遊

闊別8年都無去過既台灣，之前都無乜特別留意當地人既文化，不用講台灣人好客，有禮，守秩序，垃圾分類得世界知名等等等•••
只講捷運文化已較你大開眼界！(因為估唔到中國人都可以做得咁好) 如捷運埋站時，上車既人都會先讓乘客落車；係車箱內，架車塞到爆晒就算無位，D人盡量都唔坐”博愛座”，通常只留番比老弱婦孺坐及有一些不知到規矩既遊客坐等等••• 包括埋港人! (我最初見到位就想坐,都無留意係”博愛座”,後來知道當然守返規矩啦~) 我親身經歷：就係見到一位媽媽坐下博愛座，就叫埋個女坐，個女約7至8歲，當時個女唔願意同抗拒，後來幾經勸說才坐下博愛座，呢一刻我就諗呢位妹妹可能覺得自己大個女啦，博愛座係應該留番有需要既人••• 你睇！小小年紀已經懂得禮儀廉恥！ 所以我覺得教育點好點灌輸正確品行，都唔及社會風氣咁有影響力！

 

難怪有文章話今時今日，真正既中華民族就只有台灣人！ 去旅行唔係應該食同玩，見到人地D好野，應該多D思考吓！唔通大家將來唔會有老弱殘既一日嗎？唔通大家將來既老婆或身邊既親戚朋友唔會懷孕的嗎？ 有無諗過大家都係中國人，人地點解又做到呢？點解呢個世上有部份既國家又做到呢？ 香港人咁鍾意去台灣同日本，難道一D都學唔到咩！經過今過旅程，我相信台灣係僅餘能夠宣揚中華民族美好一面既地方！

 

 

其他既好文化包括:

-食完野時將外來帶來既食物及垃圾帶走

-食完野時將枱面上時食物殘渣垃圾執拾在碗內,仲見有人用抺完手既紙巾清潔枱面

-捷運車箱內,我無見過當地人高談闊論

 

 

今次來台灣,其實都係女友早前求完姻緣話要黎還神, 而且台北部份景點都去過,說真的我對台灣既興趣不大(可能已去過兩次),就係可能對景點興趣不大,就反而主要留意人家既生活習慣,唔知呢D係咪就叫做深度遊呢? 定係一定又以時間長短來衡量,好以D旅行團咁講用十多日去單一國家,不過都只係食同玩就叫深度遊呢???

 

 

最後最後,我係離境時發現一個怪現象,就係辦離境手續前需要”打蛇餅”來排隊的,呢個蛇餅來來回回是三,四次的,是用D膠帶來分隔, 我就見到D唔止一個貌似內地人,竟然將手拉既手提行李,放係膠帶既隔離隊(即下一行),等自己排隊返到來下一行再攞返,如是者又擺去下一行... 重既行李都寄晒倉啦,呢D有轆既handcarry又有幾重呀? 拉幾步都咁鬼懶??? 如果個個都咁做每一行咪要整個認領區? 咁咪好混亂!!! 返到香港後同同事提起呢件事,就有同事講原來早前係香港機場就有一模一樣既事件,事主最後唔記得攞返件行李,後來先記起,但已搵唔返件行李要報警救助... 我聽到第一個反應就係抵死! 聽個同事講個事主原來係內地人,咁我就更加堅信不移我見到既都係同一種人了,我相信內地都幾興咁樣來打蛇餅...

 

 

PS 抵死並唔係針對人,而係針對行為,因為我係機場做,見過千其百怪, 其他國家既人都有, 有9成既失竊都係抵死的! 如放低手袋係Trolley上,成車放係門外就入店舖購物; 有人成車行李放係路中心個人就走去check in; 有人成車行李竟然放係廁所外就進入廁所; 仲有人替電子用品進行充電而不在場; 竟還有人洗手除下鑽戒或放下I phone於貨物上而背住購物等等等... 難怪我地口中所謂既先進歐美國家,部份既警察係不設”遺失”呢類案件,覺得係物主既責任,完全不受理報案! 我曾經帶個客去報警,係一名老師係行李帶自己留低左袋試卷無攞,其間竟然仲遷怒差人話無盡力去搵... 唉,邊個叫你帶D試卷去旅行改卷,邊個又叫你唔記得攞先得架... 服務性行業真係見得多歪理! 最後原來有人執左去Lost & Found! 係香港一救助就有成村人來幫你,有否覺得身在福中不知福呢???

明明係經濟票,點解咁似商務倉既? 

遇上反核遊行

公廁外竟然可以顯示埋廁格既使用量,勁!!!

艦舺龍山寺

我相信無乜遊客會留意呢座光緒年間起既城樓,係係一個地下街一角既展覽處先知到,原來以前有個城池架!!!

台灣美食,其實係香港都有得食... 只係中間既未食過,叫"揪片"