Day 15 中心的中心(馬耳他Mosta)

(Day 15) 2008-10-17住宿 ：Gorgianis Hotel

行程 ：St.Greoge Bay --> Mosta --> St.Greoge Bay

食完早餐後,今日要去一個地方,叫Mosta!

由於我住係St.Greoge Bay,所以9成9既目的地都要去首都Valletta轉車架!

等候巴士期間,竟然有人問我路喎! 我當然答到佢啦! 日日都住係度,已經好似當地居民一樣熟路啦~ 佢係一個意大利女子來旅行,傾談期間講起我未曾去既另一個藍--Blue Grotto(藍洞),話有好多戲都係Blue Grotto取景架! 咁我又真係唔知喎... 最後佢竟然讚我呢個英文半桶水既人:Your English is very nice~ 雖然自己知自己事,不過都好開心架~

係Valletta,好多人都同我一樣,攰既時候鍾意係呢排梯級休息架~ 

Mosta係馬耳他既中心,從香港print定出來僅有既資料顯示,Mosta係從當年被阿拉伯世界統治時命名的,亦都係從阿拉伯文譯過來,是中心既意思! 馬耳他已經係位於地中海既中心,而Mosta又係馬耳他既中心,咁迷即係係中心既中心???

中心有一座很有名,但又鮮為人知既教堂--Mosta Rotunda教堂,很有名但又鮮為人知係咪好矛盾呢? 因為佢係與聖彼得及聖蘇菲亞大教堂齊名既歐洲三大圓頂教堂!!! 鮮為人知只係呢個地中海小國極少人去,就算係去9成9都係坐油輪係呢個小國既首都Vellatta靠岸一陣,Mosta係中部,應該無人會去吧!

咦! 三大教堂只剩土耳其既聖蘇菲亞未去咋! 咁去埋咪好似儲齊閃咭一樣~

 

去完就返酒店,今日好早瞓,1800上床!