Day 18-19 歸心似箭(馬耳他)

(Day 18-19) 2008-10-20 ,21住宿 ：航班上

行程 ：馬耳他 --> HK

 

 

今日要返香港啦~ 食飽早餐收拾行裝,係早上1000離開住左成個星期既St.Greoge Bay啦~

係巴士站等左半個鐘頭,只有唯一路經既66號巴士,竟然全車爆滿喎!

上唔到車唯有再等下一班巴士,好在有個係海上鑽油台工作既突尼西亞男人吹水,佢同一般既突尼西亞人一樣咁Nice,最後仲面貼面咁say good bye tim~

 

 

第一個到達候機室,係我從來未試過既! 今次既旅程竟然想快D完結喎...

阿聯酋航空果然勁,係返杜拜果程竟然每個位都有獨立插蘇比人差電喎! 搭咁多次飛機都未試過架! 不過只限呢一程...

 

 

返到杜拜,已是凌晨2,3點,同去程時一樣,整個機場都人山人海,店舖全開24架! 去程時見到D手信好平好靚,由於當時只是剛出發,留待依家回程先買,血拼過後,買左$500-HKD既野呀! 最鍾意就係個寶盒同阿拉丁神燈勒!

 

 

曼谷回港呢程機全部中國人都係講國語既,都唔知有無上錯機呀!

我搭既阿聯猶航空,係網上直接去佢網站買票時,來回都無講要停塞浦路斯既! 即香港去曼谷,係杜拜轉機,再停塞浦路斯,先到馬耳他,來回又咁樣停都有D火滾,以為用多左時間,不過最後計計吓同買票時講既時間原來無多無少喎! 算數吧~哈哈~