Day 13 奢侈的旅遊生活(馬耳他St.Greoge Bay)

(Day 13) 2008-10-15住宿 ：Gorgianis Hotel

行程 ：St.Greoge Bay -->遊車河 --> St. Greoge Bay

Last呢個星期好多時都係... 食-->瞓-->食-->瞓...咁樣做好似好浪費難得旅行既日子!今次第一次用咁多日去玩同一個地方,用上九日去玩只等於香港三分一大既馬耳他,由於真係有太多時間啦! 所以就初步計劃隔一兩日先去一個主要景點,尋日已去完,今日就係休息日,連自己都覺得奢侈呀!

朝早肚痾醒左,原因不明,於是去街口間餐廳食完住宿包既早餐再瞓過~

一瞓就真的日上三竿啦! 唔係... 係應該日落至真(誇張),瞓醒已是下午2點幾喇!

今日都有世界杯既外圍賽係馬耳他上演,唔記得係對奧地利還是匈牙利,諗住入場去睇,但最後都選擇左遊車河,於是求其搭架可愛小巴士,去到不知明既地方再坐回頭車返來

午餐食漢堡包€2.5

遊完車河坐回頭車返黎時早幾個站落車覓食,經過一間壽司店,就決定作為今晚既晚餐! 當時覺得由於太貴唔係好捨得食...

於是外賣壽司返酒店食,食食吓有D掛住阿媽既米飯tim,決定聽晚一於食中餐!

三文魚手卷+三文魚青瓜手卷€4.5

 

St.Greoge Bay呢度好方面,沙灘,商場,酒吧街通通都係步行幾分鐘就到達!  食完唔係好飽既壽司後,就落吧睇波!

酒吧播既唔係自己國家魚腩部隊馬耳他既賽事,而係播英格蘭既賽事! 同曾經是英國殖民地既香港一樣,對前宗主國都有一分情意結...

最後英格蘭贏白俄3:1

細杯啤酒€1.3

大杯€2.5

比香港平好多~

@2030

返酒店前又係去我晚晚都必定會去既沙灘既時候喇~ 與尋晚一樣聽住MP3,在歌聲中夾雜著海浪聲,不過今晚就多左點醉意~

唔知係咪飲左D酒,返到酒店典左好耐先瞓得著呀!