撒哈拉之旅(二)

Day 5 2008-10-7

撒哈拉之旅(二)

我們黃昏時到達營地後,有一個駐守營地既當地人迎接我們,眾團友唔係即刻參觀營地,而係奔向夕陽… 係步行向夕陽至真!

到步時只剩下夕陽既餘暉,因為太陽已經落左山,當朝向夕陽既方向,上到一個比較大既沙丘上,我地又再次見到一個完整既太陽,又可以再睇多次日落啦! 有團友玩跳沙丘拍照,而我? 則遠距離一個人欣賞...

當睇住夕陽徐徐落下,只剩下晚霞既時候,感覺份外孤寂,像死寂既來臨,整遍大地無晒生氣一樣。

完成任務既駱駝即刻玩碌地沙～

無人去老遠既廁所

玩跳沙丘拍照既團友們～

隨著美麗黃昏既過去,另一幕精彩既片段又剛開始上映! 就係沙漠中璀璨既星空勒! 體貼既駱駝主人早已安排呢個節目,就係營地既大營外既地下布置好坐墊,我一躺下無耐就見到第一顆流星啦!!! 環顧四週盡是漆黑一片,而營地既照明主要係用臘祝同入電池既可攜小燈。

沙漠中既星空真係十分清楚,可能係咁既原因,雖然唔係月圓之夜,月亮都明亮過人; 一個法國女仔同我講個月亮好美麗,仲教我月亮既法文TIM! 叫”戀拿”呀~

團友們同駱駝人用法文傾計,我當然唔知佢地傾咩啦!坐在一旁靜靜欣賞星空,入夜後既沙漠好涼好大風,而我既外套係個大背囊度,寄存係20 mar Hotel唔記得帶...

此時發覺原來頭巾仲有一種用途,就係當頸巾用勒~

駱駝主人替我們怖好既坐墊，欣賞日落與星空

個＂戀拿＂好靚呀！！！　唉！但我唔識影相

晚飯時,我數數人數,原來呢個團共有十一人,多左既一個當然就係我啦... 他們全都是一對對或夫婦或情侶, 只有一對情侶是德國人,其餘都是法國人; 睇見佢地全部一對對,顯得我份外寂寞...

食飯其間佢地見我一個人,緊係不停咁問我野啦~ 我見有啤法國夫婦對我好好奇,但係佢地苦於連簡英文都唔識,見佢地好想親口問我,好彩有德國情侶識英文替我翻譯,原來佢都係問我點解黎沙漠,之前由邊度過黎突尼西亞等問題...

可見D人話去法國講英文無人啋,因為英法兩國曾經係世仇woo... 其實我覺得係錯既! 我係讀書時已知,其後英法兩國一早已和好,係世界大戰時曾經聯盟抗敵啦~ 跟本就係法國人有自己既語言,無需學人地既語言!

沙漠晚餐羊肉飯~

食晚餐既大營～