Day 5 蓄勢待發(突尼西亞Douz)

Day 5 2008-10-7

突尼西亞 Douz 

 

酒店大堂

瞓到11點幾食完早餐後，行去市中心搵local tour去撒哈拉沙漠，一出酒店，烈日當空，曬到頭都爆!  已開始感覺到沙漠既威力！



起初搵到一兩間都係超貴價錢唔合理的，都搵唔到之前資料搜集既 $45 dinner・・・ 之後去到一間叫”Douz Voyages”既旅行社，終於比我搵到兩日一夜既行程，全包只係$ 45 dinner~ 三日兩夜就要$ 80 dinner；而之前係機場果個加拿大遊客推介，又係我最想去既Ksar Ghilane 就需要五日，佢話因為共要搭兩日四驅車,騎三日駱駝呀!!!


由於我逗留突尼西亞只係七日，依家都過左兩日，所以係無得揀既情況下，揀左個兩日一夜既行程，感受吓撒哈拉沙漠既皮毛… 但個職員話得我一個人，無得參加WOO··· 佢就叫我去20 Mar Hotel參加tour··· 其實我都驚千里迢迢黎到去唔到沙漠架!
於是去到20 Mar Hotel，呢度仲平! 兩日一夜只係需要 $ 35 dinner，等於euro $ 21 咋!!! 緊係即刻報名啦~ 1600再返黎集合出發

Douz係沙漠邊緣城鎮 ,所以好多要進入沙漠既人都係Douz補給架!

呢隊係寶馬鐵騎隊~

跟住走左去用$ 5 dinner 買左條頭巾，準備包頭入撒哈拉!
仲即時叫佢教我包tim~
行左一陣撞到我住酒店既老細，佢知我無幫襯佢而join 左第二間入撒哈拉，但係都無嬲,淨係話我join既tour唔係咁好woo… 仲捉埋我一邊慢慢傾計tim!!! 佢知我部電話用唔到，叫我開個價賣比佢woo! 吓!!! 咩個個都喉住我部電話架! 我都係問人借咋! 點可以賣比佢呢···


跟住返酒店沖涼洗白白，沖洗每一串既肌膚，因為今夜將會係沙漠無得沖涼嘛! 之後尋晚同我吹水既其中一個女職員話同我交換電話號碼，我就好疑問咁問我英文咁差溝通唔到woo… 佢話我地用sms溝通woo~ 哈哈~


之後去左附近既餐廳食午餐 $ 3 dinner，由於一陣要進入沙漠,我唸陽光會勁猛烈，而我今次旅程又無帶黑超，所以焗全又要買勒… 最後係一間舖頭度用左$ 15 dinner，買左副Ray Ban A貨黑超，相等於一百蚊港紙有找，真係抵過深圳呀!!!
買多一罐可樂飲，就返20 Mar Hotel等候出發LU~

食午餐

遊人都怕既烈日當空市集!