Day 19 以牙還牙 ; 結束埃及之旅

Day 19 2005-7-19 開羅

今日係我埃及之旅既最後一日
與阿泰兩公婆 ,同阿泰既大陸生意朋友小龍 ,
同佢貌似林心如既女朋友一同參觀著名既埃及博物館

阿泰收留既小花貓

我記得同阿泰一齊係之前揸車去西奈半島
路經好多關卡比軍人查證件時 ,阿泰都係出示一張過左期幾年既國際牌
得意既係呃到 D 埃及人 ,順利過關
而阿泰當時亦教我 ,只要出示有相既證件扮學生證 ,就可以得到學生優惠...
但我自己玩南部時都無咁做...
不過今日就唔同啦 !
因為我之前受過埃及人咁多既氣 ,又比佢地呃過錢 ,我要挪返我應得既 !!!
=============================================

我地一行人去到埃及博物館買飛 ,其間Milly 出示一張真正既大學學生証
而阿泰 ,小龍等人各自出示不是學生証既証件 ,我當然都無學生証啦~
我出示左張"香港智能身份証"
最後當然全部都半價啦!!! 每人由$40 埃磅半價為 $20 埃磅

計返我之前係阿斯旺比D埃及人呃既廿幾蚊埃磅 ,終於攞返我應得啦 !!!

===============================================

講到博物館既精華當然係金光閃閃圖坦卡門展廳啦~
參觀期間小龍同佢女朋友 ,再以學生身參觀法老王木乃伊展室
正價為$70 ,半價當然$35 啦 !!!
我係樂蜀時都參觀過木乃伊博物館 ,所以我無入內
其實呃人係唔啱... 不過如果唔係D死人埃及人咁衰 ,又呃人錢 ,我都未必會咁做...
=================================================

參觀完埃及博物館 ,就決定今晚係阿泰屋企BBQ
我係埃及最後一餐 ,就係阿泰既露台燒野食
一路燒一路心情都有D down ... 因為就黎要走嘛...
燒完野食 ,由阿泰揸車送我去機場 ,小龍亦揸一部 ,全部人都送我機返香港呀~

臨走前來個大合照先 ! 原來我去完南部返黎已經曬到成個非洲黑人咁woo !

阿泰住所既正門

我就係住係露台後面間房啦~

================================================


不過時間太趕啦... 係起飛前45分鐘我先到機場
埃航我班機既櫃台都已關閉 ,果兩個差人仲唔比我過保安檢查tim...
之後放我入去由其他埃航櫃台同我check in
點知check in 完 ,臨離開埃及前都要受埃及人既氣 !!!
到出境時 ,比個關員左問右問 ,又驗屍咁驗我本護照
跟住又將我本護照比其他關員驗...

就算驗到係假証 ,最終又咪遣返我返香港 !
入境時佢地又唔驗 ,咁出境驗黎又有咩用呢???
其實如果有時間我都無所謂 ,不過由於已經無咩時間
驚飛機唔等我 ,令我心急如焚 !!!
攪左十幾分鐘 ,最終都比返本曾經印有歐亞等國印鑑既特區護照我
好彩當去到登機閘時我已是最後一個人了...
上到機就好似一扣好安全帶就起飛咁 !