Day 7 出埃及記(上)(埃及西奈半島)

2005-7-7 Day 7

其實尋日住既酒店,我發覺一件好得意既事~ 當我尋晚想"開大"既時候,發覺原來坐廁裡正中間有條像魚鉤既水喉,即係話如果坐落去,條喉就對住你個(see惚窿),所以我開親大都坐埋一邊,驚插住舊"排泄物"<-------- 太文雅啦! 哈哈~  

原來聽阿泰講,呢度d人開完大就係用果條喉來洗patpat架~ 佢地覺得我地用廁紙唔乾淨woo...

一早係露台,就見到佢地兩公婆鬼死咁浪漫係度行海灘

 

瞓醒食完早餐後,就開始踏上征途啦~ 我地先去油站入滿油,埃及既油價仲平個買支水,只係一蚊=1 L 相比香港13蚊=1L足足係13倍,原來埃及都係產油國...最後用左$40幾埃磅入滿油,即係港紙$60,如果係香港同樣既車要4至5百蚊呀~  真係想即刻賣左部車!!!

 

當駛到近穿越蘇伊士運河既隧道時,看到馬路兩旁,隧道頂,全都是軍人係戰壕裡用重機槍描住所有經過既車輛,突然感到生命受到威脅呀!!!咁又係,蘇伊士運河極具戰略價值ma~

 隧道裡

當穿越橫過蘇伊士運河既隧道,便踏入西奈半島啦! 整個西奈半島大部份都係荒漠,一出隧道只係見到馬路兩旁盡是一望無際既沙漠,而馬路就一直伸展到望不到既盡頭,起初條路係近海而行,雖然只得一條路,我仍然好奇地望著旅行社書既地圖,呢本旅行書Discovery Channel出既中文版,只係介紹埃及,並不是旅遊指南。因為我係香港搵過數十間書店,都搵唔到有介紹西奈半島既中文旅遊書,只係呢本有略略介紹...

一望無際既大荒漠

 

途中既水都已清澈見底

途中起緊既海邊小屋，好可能是渡假村

從書中所知,原來我地會路經當年聖經裡"摩西"帶領猶太人既出埃及記既路呀~ 不過"摩西泉"Miss左...不過遲d會經過相傳耶穌頒布十誡比摩西既地方。

途中改為我揸車,嘩!!! 原來係兩旁一望無際既沙漠揸車既感覺係咁正woo~ 開左兩個幾鐘車,途經小鎮食午飯,埃及人樣樣食物都係烤,真係食到怕!

食午飯既小鎮