2017年4月29日 星期六

Day 1 快閃東京(日本東京)

(Day 1) 2016-6-20
住宿:新宿APA酒店
行程:香港 —> 東京


清理了全部短線遊記,便輪到了往年兩個重頭戲的遊記,就是一對歡喜冤家:美國及伊朗。先寫美國,然後伊朗,希望係下次再出發前能寫到1/3的行程。美國之旅的序文提及,上次因非洲露營車令到我十分喜歡這玩法,今次亦會有新嘗試,就是租車加露營。


美國從來不是我想踏足的地方,為何又會選擇美國?本來計劃到伊朗,但預算放假的日子正值伊斯蘭教齋戒月,只好另找目的地。打開機票格價網,漫無目的地搜尋,發現往美國的機票很便宜!經日本來回美國LA只需$43xx,前往日本的航班更是乘搭ANA。剛好有朋友也選乘ANA前往日本,短短數小時機程,票價便需要$3xxx。相同航空公司,只需繳付多1/3價錢,由4小時機程飛日本,變成14小時飛美國,實在沒有不出走更遠的理由。最後再付出多一點金錢,不走回頭路,由香港經東京飛往LA,並從三藩市直航回港, 票價為$52xx。另外經我刻意安排下,這套機票,也可以於東京有一個晚上及上午可以遊玩。令到從未踏足過日本的港女也可以淺嚐一下日本文化。(港女按:近來機票沒有最平、只有更平。由於辦公室同事常常談及旅行,便不時無聊地搜尋各地的機票價錢,竟然找到201710月,由香港經北京來回LA的票價,尋底至$24xx。要是不喜歡乘搭國內航線,經台北轉機也只是$34xx,有不去的理由嗎?可惜假期太少~~~)


出發日時值六月中旬,這天實在太熱了,唔想坐長途機一身汗「笠黐黐」,唯有大破慳囊,Call了朋友阿牛架Van入機場。

由於機場打擊客貨車,貨Van停泊最便利的一號停車場的收費特別昂貴,收取$40一小時,打算到較遠較便宜、位於二號客運大樓的三號停車場上落$16。可惜到達機場,三號停車場經已爆滿,被迫回去天價停車場。其實我只是落車,需時短短數分鐘,但就要俾足$40😒


第一次乘搭日本ANA航空,這班機機身及配套較舊,但日式服務令人滿意。登機後已遇上「高質」強國人,正正坐喺我地前面,係兩個上了年紀嘅女人,一上機已問空姐識唔識中文,後來食飛機餐時空姐要求她們升返起椅背都唔理啋,見港女都食了大半就算了。

港女一早預訂低脂餐,空姐第一時間送上了。我自己食正常餐,比較欣賞冷麵,我少去日本,唔好笑我大鄉里呀!


係機上學吓英文,可惜近來太忙又忘記晒

餐牌

右上:看個熒幕就知係舊機,不過服務搭夠


用餐完我們熟睡,熟睡中依稀聽到有人斷斷續續打噴嚏,但聽落幾遠所以無理會。後來再聽到有人連續打了多次噴嚏及擤鼻涕嘈醒,才發現原來就是坐喺前面其中一個強國女人,更無帶口罩。於是我即時取出口罩帶來防範,希望為時未晚... 當起身係行李架攞口罩時,仲見到佢剛捹完鼻涕,鼻涕黏在食指與手指公之間添!好恐怖!唉... 都唔知剛才熟睡間吸了多少細菌,我們旅程只是剛出發,希望唔好咁快病呀。。。😣😣😣


後來細菌大媽終於平靜下來,我也放心一點。

晚上8時許準時到達東京成田機場,港女剛連接機場提供的free wifi,隨即收到友人圖文並茂的訊息,想叫我地幫佢買杯麵喎!(回帶:這一刻時興Minions特別版杯麵)識得我耐嘅都知,我寶貴的外遊時間謝絕代購,天王都假!外母我都唔俾面!我經常叫港女搵我做醜人、做擋箭牌,等呢D人唔使再打我地主意,可惜佢偏偏又無咁做,所以仍然有人找她買東西… 

到達鐵路售票處,見來得及15分鐘後2109開出的機場快綫Skyliner,每人¥1410,只收現金。由於身上沒有日圓,便上兩層的ATM提款,心急之下,竟然取了5萬円!就算明天請埋日本朋友Nori食午飯,一日點用5萬円呀。。。 算啦!用剩儲起來下次再用,相信會升值嘅~😅

左:ATM有中文顯示



晚上十時多抵達新宿,發現有好多藥房,全部有中文字,相信對象是內地客及港人。嗱!不要講內地人攪成這樣,十多年前日本還未開放給內地人去旅遊時,我身邊已有不少人前往日本的藥房執藥,香港人也有份的…



於新宿街頭行了十多二十分鐘,來到港女朋友介紹的APA酒店,房間滿意,枱上擺放了一本本書籍給客人閱讀。回港幾個月後,才發生陳列否認日本大屠殺書籍的風波,不知當時有沒有擺放呢?連接了Wifi訊號,收到日本朋友Nori的訊息,稱正在新宿飲酒,並想與我一同暢飲,但我真係頂唔順了,明天又要早起。其實出發前,他已經想相約暢飲通宵達旦了,哈哈~


左上:唔覺有果本書

安頓好一切,便去尋找日本美食。酒店位於新宿歌舞技町範圍,但所有食肆竟然全是韓式料理!我這次去日本,唔想食韓國餐呀!😩😩😩 後來日本朋友Nori告知,原來這一帶是韓國區
韓國餐廳


看見這裡有這麼多藥房,便想起身邊的朋友來日本瘋狂掃貨,雖然我不太認同這些行為,既然來到便看看有什麼產品合適。於是買了眼藥水飛滋貼及蚊貼,還買了麵包超人蚊貼給4歲的姨甥女。這些日用品如眼藥水買完更即時使用,這是我近來的旅行風格,不是掃貨的!

最後深入歌舞技町,才找到日式料理,隨意進入一間拉麵店進食。我們選擇吧枱座位,這裡可以看到日本人對自己飲食文化的一絲不苟,這碗麵的味道,也令我深深體會。





(回帶:當時有限定版Häagen-Dazs只有日本有售,臉書也不停瘋狂洗版)
港女個腦當然只想到食,來到7-11Häagen-Dazs雪糕,有坐位區,好企理,也有Wifi



食飽飽回酒店,0100 😴



8 則留言:

  1. 日本任何一間拉麵都比香港的好吃。

    回覆刪除
  2. 好驚呀!銀仔去日本呀!

    回覆刪除
  3. 你地都蒲到成一點啦,都好夜...
    經歷過沙士應該都要學懂教訓,好好注重個人衛生才對

    回覆刪除
    回覆
    1. 去到都成十點幾,點都要夜蒲吓嘅~
      世人是不會學懂教訓的,今次遇到是強國人,其實係香港大把香港人也是一樣,無分別

      刪除
  4. 我就係諗....我以為你係唔去日本玩既添~
    點知原來轉機順便玩~~~~機票真係好抵~咁樣順便玩又唔錯~

    回覆刪除
    回覆
    1. Wakakaka~ 依家長途機票咁平,特登去日本玩好似唔係好抵,都係順便玩好d。
      其實日本有些地方我都想特登去架,不過還未有衝動啫~

      刪除