2016年7月15日 星期五

Day 15(上) 再次河上Safari (博茨瓦納Chobe國家公園)

(Day 15) (上)2015-9-25
住宿:Chobe國家公園營地
行程:Livingstone(贊比亞) —> Chobe國家公園(博茨瓦納)


今日將會離開贊比亞,前往鄰國博茨瓦納的Chobe國家公園Safari。這Safari tour兩日一夜,需要在國家公園內露營。這tour由港女出發前係香港book定的,團費每人$296-USD + $70-USD接送往來Livingstone,跟早前於Jolly boys Hostel見嘅價錢差不多。

明知今晚要露營,看來都唔慌有得沖涼。於是早D於清晨0415起床,諗住沖完涼先出發,點知沖濕個身,塗晒皂後花曬竟然無水,得水龍頭D水滴滴吓咁樣。於是叫港女出去問過究竟,竟然是酒店無電無水壓喎⋯ 唯有靠水龍頭超慢速嘅水來沖走D皂泡吧⋯


沖涼後,食酒店尋晚為我們pack好嘅早餐,每人一個Muffin及一大盒果汁。Muffin經港女教導原來係咁解,即細路仔成日食嘅嘉頓蛋糕仔都係叫做Muffin。果汁咁大盒當然隊唔晒啦,飲左半盒,就帶住一盒半出發。



0700時,職員準時來到酒店接我們,去到離境警崗,不用落車,只需出示護照就能辦理離境手續。後來司機載我們來到河邊,這就是贊比亞、博茨瓦納、津巴布韋、納米比亞四國嘅交匯處啦~ 這裡用渡輪來過境,不時看到船上掛上所屬國家嘅旗幟架。


用特區護照順利入境,入境後每人都要消毒雙腳鞋底。登上另一架巴士繼續前進,這時已經看到大象啦~
@0900

準備坐這種艇過境

過河渡輪,下圖嘅係博茨瓦納國旗

就到博茨瓦納國境

消毒鞋底

睇呢個牌就知係幾個國家嘅邊境,如有埋贊比亞嘅方向會更好

去到Kasane一個較大型住宿兼旅客中心集合,類似早前Jolly boys咁樣。集合後原來先於河上Safari,早知尋日唔浪費金錢玩啦,咁明白我尋日點解話黃昏Safari重疊左啦⋯

河上Safari好容易就見到野生動物,最先見到係一隻孤零零嘅大象好近我地,於是每人起勢咁影,謀殺了不少菲林。(這句求學時學到嘅誇張手法,看來時代變遷已不適用了) 導遊話佢應該被族群趕走,真慘。後來知道原來Chobe最多嘅就係野生大象,影到你唔影呀,哈哈~

登船

鴨記望遠鏡



沿河流行駛,一望無際大平原嘅地方是納米比亞及博茨瓦納有爭議嘅領土。導遊講納米比亞成日想用這大平原來作農地,現在博茨瓦納則用來作保護區,當然得到各方嘅支持~ 唔怪之平原再後面嘅一大片平原經常冒出濃煙,應該是當地人燒了農地更肥沃用來耕作,是之前講過非洲黑人最常見嘅作物輪耕或火耕。導遊也提及,如大象渡河過到納米比亞那邊,為保護農作物會被射殺的,乜咁衰架⋯


這兩小時河上Safari見到好多動物,大象河馬鹿馬騮疣豬等通通都見到呀!




又見河馬

原來正在交配中,水底下有隻雌性嘅河馬不時露個頭上水面唞氣

非洲草原最兇狠動物之一




小象幾開心


呢張相雖然好花,但有好多種動物一次過出現於相中



河上Safari完畢,返回剛才嘅住宿兼旅客中心,有些午餐給團友食,並小休一會便繼續行程。


讀萬卷書不如行萬里路之認識Chobe國家公園:



喬貝國家公園[編輯]

維基百科,自由的百科全書
喬貝國家公園
IUCN分類II(國家公園
Gnus zebras chobe national park.jpg
位置 波札那
坐標18°40′S 24°30′E座標18°40′S 24°30′E
面積11,700平方公里
建立時間1967
喬貝國家公園非洲南部國家波札那國家公園,位於該國西北部,佔地11,700平方公里,建於1967年,是波札那第一座國家公園,以壯觀的象群著名,大象數目估計約50,000。

26 則留言:

  1. 隻象被趕出族群係咪多數死梗,無其他friend保護又多猛獸
    好正呀一次過見晒好多動物,像個沒有籠的動物園

    回覆刪除
    回覆
    1. 哎呀,個導遊又無講,我又無諗過這問題添!
      D動物仲未po晒架~

      刪除
  2. 好懷疑嗰兜水可唔可以消毒鞋底㗎。

    回覆刪除
    回覆
    1. 應該可以嘅,漂白水都只係用1比99啫,哈哈~

      刪除
    2. 港女:有啲人帶大量鞋過境賣,要攤晒出嚟逐隻洗鞋底,都幾搞笑。

      刪除
  3. 無電=無水壓=無水,我嚮所羅門群島都試過,當時仲係豬流感剛剛爆發,如廁後無得洗手,好驚。上面圖片中頭戴「沙漠梟雄」帽既係尊夫人?做足防曬真係十分明智,不過手臂唔驚咩?

    回覆刪除
    回覆
    1. 嘩! 你仲慘喎! 係熱帶島國一陣個身已又鹹又多汗,人仲要預正豬流感⋯
      佢係港女呀,手臂塗左防曬~

      刪除
  4. 嘩, 搽晒番梘先嚟冇水咁大劑?!
    銀仔, 啲動物相影得好唔錯喎

    回覆刪除
    回覆
    1. 咪係,洗左好耐先洗乾淨⋯
      Venus,可惜呢團普通團,唔係攝影團。導遊一般唔會車你去一個靚嘅角度影,有時D無咁受關注嘅動物如雀鳥、羚羊等都未必停下你慢慢影,要影真係要手快有手慢無啦~

      刪除
  5. Safari tour, 正!!
    唔好收埋收埋D相,
    我想睇 BIG FOUR.....

    回覆刪除
    回覆
    1. 咦阿Bell,你知我師承邊個架啦,貴精不貴多~ 呵呵~
      非洲big five我只見到big 3咋,下篇比係睇埋另一個勒~

      刪除
  6. Chobe最多嘅就係野生大象=>我都係最近睇花樣青春先知~
    D船好似好兒戲咁喎...

    回覆刪除
    回覆
    1. 花樣青春你講我即時google,原來幾吸引噃~ 佢Wiki話佢去納米比亞,乜有入埋Chobe咩?
      D船就沉咁款,哈哈~

      刪除
    2. 經過Chobe去Victoria Falls呀,我後段都準備行呢條路~

      刪除
    3. 博茨瓦納近納米比亞仲有另一個三角洲好熱門好值得去架,諗吓啦~

      刪除
    4. Okavango Delta?我未必夠時間去埋,仲度緊!
      租車好多都唔俾跨國還車,有d大公司就要打電話問喎,係有無跨國還車?

      刪除
    5. 有呀,橫跨三國,不過你要同佢deal睇點計,錢解決到嘅問題就唔係問題啦!
      drivesouthafrica.co.za <--去睇吓啦~

      刪除
    6. Thank you! 拿拿聲去...^0^

      刪除
    7. 期待毛毛非洲之旅呢~ 因為我好懷念這旅程~

      刪除
    8. 有排你等呀...我2018年先去...XDDD

      刪除
  7. 坐艇過境~應該係一個幾得意既經驗喎~~~~~~
    坐船仔真係睇到好多動物呀!!!!!!!!我想睇河馬~~~~~
    哥兩盒果汁大盒到!!!!!!
    係喎你哥日沖涼到底沖左幾耐呀~~~~

    回覆刪除
    回覆
    1. 係喎,船就坐過,艇第一次呢~
      係呀,河馬真係好攪鬼,但無之前睇嘅咁神出鬼沒咁攪笑。
      已經唔啱時間食唔到佢嘅早餐,真係估唔到仲會比咁大盒果汁我地!
      我都唔記得沖左幾耐,總之又凍到震又耐啦,激死!

      刪除
  8. 沖涼先無水,剩發生你身上?咁她呢?

    回覆刪除