2015年10月29日 星期四

關於旅行・攝影一二事

出發非洲之旅前,收到個遠在外國嘅訊息,一位旅行界前輩已籌辦好一個極光及古巴的攝影團,想我幫手講一個以此為主題嘅旅遊講座。



其實認識這位攝影老師都算係機緣巧合,上年無意中報錯攝影班,他便是我的老師了~
他開聲叫我幫忙講旅遊攝影講座,真的受寵若驚。旅遊是我至愛,而賞識我嘅仲要係旅遊界嘅前輩添!講旅行經我應該無問題,但講攝影自問只係略懂皮毛。我曾經好短時間沉迷攝影,但現在旅途上大部份以抓拍為主,D相好多都唔見得人⋯
講座當日講到攝影部份絕對是班門弄斧,相信在座很多師兄師姐是很專業的。


從非洲回港後就為講座做準備,整Powerpoint、搵資料等。可惜一直都未完全做妥,要拖到最後一日才趕工⋯ 另一方面又要揀非洲嘅相上載到相簿,真係分身不暇。



講開旅行事,回想起近來都做多咗相關活動,來個總結先~


[做導遊]

幾年前曾經當過幾日導遊。十年前於埃及旅程認識嘅日本朋友Nori帶了幾個朋友來港,做了幾日導遊,太平山、食海鮮、蘭桂坊等⋯ 令到他的朋友滿載而歸。臨走前這個新認識嘅朋友仲話 “I Love HK, I Love You” 添! 真的好開心架~

諗住做吓旅遊大使啫,個多月後竟然收到每人一份嘅禮物,好開心呀~


[旅遊節目協力]

上年結婚前,日本朋友Nori又來香港,不過今次不是來旅遊,而是作為一個日本旅遊節目『高田純次のアジアぷらぷら』的監製。(心諗他終於搵到工啦)
他稱來港拍攝旅遊特輯,並想我幫手搵幾個識日文嘅靚女做節目嘉賓,其實都幾有難度,又要識日文又要靚女⋯

高田純次是這特輯的主角,知名度於日本非常高,Nori話是每個日本人必定認識的藝人,應該類似曾志偉、蔡瀾之類。由於是一位大叔,香港人認識嘅只係靚仔靚女,所以問過幾個就算自認為是日本通嘅香港人都唔知佢乜水。當我幫手搵人時,由於著眼識日文嘅香港女仔,港人唔知佢乜水當然碰壁啦!及後叫個空姐朋友幫手,D日本crew好踴躍,即時有兩個興奮地答應,加上港女一個曾經喺日本留學同工作嘅表姐就剛剛夠數。搵齊人後,仲收到一開始問過嘅朋友來電,話公司有好多日本女同事,知道這消息時紛紛起哄,仲問需唔需要後備添!起初對主角嘅知名度都半信半疑,現在相信啦~

拍攝期間由於我既要返工,又要學潛水堂,只能見到Nori幾面,但真感謝佢嘅熱情招待,在蘭桂坊完成拍攝後有餘興節目,終於與我“旗下”嘅日本女仔見面,呵呵~
當然唔少得仲有主角啦!

能夠為香港旅遊做一點事,真係好開心架!

最後一集於珍寶海鮮舫拍攝


[代課老師]

多年前上攝影中班時認識的老師,跟他亦師亦友。其後,多得這位老師賞識,為佢嘅攝影初班代一節課。他已任教多年,漸覺已成例行公事,所以想加入新元素,而且因事忙,所以叫我於初班代課講“旅遊攝影”,仲話之後都會搵我幫手添。當佢叫我幫手時真的好興奮,邊有諗過會得到老師賞識架!不過當時我諗自己講攝影都唔在行,唯有靠講旅行搭救啦~
我亦首次自家製作了一個教學powerpoint。



我咁大個仔未試過講talk講咁耐,以前返工就算準備好資料企出來講野,都只係講到3至4成就dead air,最長都唔過5分鐘。不過我今次竟然可以Solo講足一個半小時,仲唔夠時間講添!睇嚟我真係好鍾意同人分享旅行軼事噃~

17 則留言:

  1. 回覆
    1. 我曾經問過一個係屋企只睇日本電視台,一年去幾次日本嘅朋友,都唔知佢係乜水

      刪除
  2. Silver,你幾時做旅遊講座,記得叫埋我.

    回覆刪除
    回覆
    1. Andrew兄你又玩我,D blog友們個個都咁堅使乜聽我講呀,哈哈~

      刪除
  3. 你幾時開,我又捧場😂😂不過我唔識影相架!!

    回覆刪除
  4. 銀仔好勁呀, 下次再開班記住叫埋我 ^.*

    回覆刪除
    回覆
    1. 極光你都影左幾次,世界你又周圍去,玩野!

      刪除
  5. 好勁呀銀哥旗下原來有成班靚女,有冇簽晒佢地做經理人XXXD
    你咁多精彩旅行經歷講,我完全唔會擔心你會dead-air喎^^

    回覆刪除
    回覆
    1. 你講開,我搵靚女期間問個一個演藝界朋友,佢介紹個有合約嘅日本妹model,要收錢之餘仲要無我自己搵嘅咁靚女添! 如果係咁我都可以做人經理人啦~
      精彩? 係你班blog友面前真係班門弄斧了。

      刪除
  6. Silver師兄,你幾時做旅遊講座?? 記得通知聲我來捧場呀^^

    回覆刪除
    回覆
    1. 玩野! 我嘅卜友個個環遊世界,旅遊講座唔敢當? 食飯交流下就差不多。

      刪除
  7. 你咁幫得手,Nori 點都要寄返張特輯DVD比你啦,到時候你要放上來同大家分享下,最緊要睇下你班到D馬有幾靚女!

    回覆刪除
    回覆
    1. 上年十一月係日本播出左了,好提議,得閒叫佢睇吓有無先~

      刪除
  8. 唔怪之你咁忙啦,下次有講座記得叫埋我去聽呀!

    回覆刪除
    回覆
    1. 我見到你周圍去嘅毛毛乜都唔識講啦!

      刪除
  9. 有講座記得通知大家!唔洗返工我搭船都棒你埸!

    做講師也好,老師也好,過程中自己都有多少得著,是很好的經驗!好似讀書時幫人補習,都能夠溫故之身啦!

    有機會upload段片,欣賞下你旗下啲"女"!hehe

    回覆刪除